sarfraz chouhdary,s most wanted

[sarfraz_qamar]

Re: sarfraz chouhdary,s most wanted

کیوں نہ ہم عہدِ رفاقت کو بُھلانے لگ جائیں
شائد اِس زخم کو بھرنے میں زمانے لگ جائیں

نہیں ایسا بھی کہ اِک عمر کی قربت کے نشے
ایک دو روز کی رنجِش سے ٹھکانے لگ جائیں

یہی ناصح جو ہمیں تجھ سے نہ ملنے کو کہیں
تجھ کو دیکھیں تو تجھے دیکھنے آنے لگ جائیں

ہم کہ ہیں لذّتِ آزار کے مارے ہوئے لوگ
چارہ گر آئیں تو زخموں کو چھپانے لگ جائیں

ربط کے سینکڑوں حِیلے ہیں محبت نہ سہی
ہم تِرے ساتھ کسی اور بہانے لگ جائیں

ساقیا! مسجد و مکتب تو نہیں، مے خانہ
دیکھنا پھر بھی غلط لوگ نہ آنے لگ جائیں

قُرب اچھا ہے مگر اتنی بھی شدت سے نہ مِل
یہ نہ ہو تجھ کو میرے روگ پرانے لگ جائیں

اب فراز آؤ چلیں اپنے قبیلے کی طرف
شاعری ترک کریں بوجھ اٹھانے لگ جائیں

احمد فراز

[.]

Re: sarfraz chouhdary,s most wanted

good choice :thmbup:

[maya]

Re: sarfraz chouhdary,s most wanted

bht umda collection ...:nail:

[sarfraz_qamar]

Re: sarfraz chouhdary,s most wanted

کچھ وصال آخر تک متعبر نہیں ہوتے
ساتھ چلنے والے بھی ہمسفر نہیں ہوتے

تو ہماری قربت سے کتنا ہی گریزاں ہو
ہم تیرے ٹھکانے سے بےخبر نہیں ہوتے

کچھ کہے بنا اکثر بولتی ہیں آنکھیں بھی
گفتگو کے سب لمحہ حرف گر نہیں ہوتے

کتنا خوف ہوتا ہے شام کے اندھیرے میں
پوچھو ان پرندوں سے جن کے گھر نہیں ہوتے

عمر بھر نہیں ملتا واپسی کا دروازہ
آگہی کے زندان میں بام و در نہیں ہوتے

[sarfraz_qamar]

Re: sarfraz chouhdary,s most wanted

مجھے بجھاو تو
سوچ لینا
تمھارے گھر میں
اداسیاں جب
سیاہ راتوں کو
تن پہ کٹھن اندھیرے
چھڑکنے آئیں
تو کیا کرو گی!!؟؟؟


(محسن نقوی)

[pink rose]

Re: sarfraz chouhdary,s most wanted

پہلی خوشی

اب کے برس بھی ململ کا یہ لہراتا دھانی آنچل
اُڑتا ہے مجھ سے بھی تیز
آج کناروں میں اس کے ،
اک ریشم جیسی پھسلن ہے
لہراتا سُر، پگڈنڈی پر کس تیزی سے دوڑا ہے
جیسے ملنے آئے
پھر مجھ سے وہ
پہلی خوشی ___!!!

فرزانہ نیناں

bohat khoob

[sarfraz_qamar]

Re: sarfraz chouhdary,s most wanted

bohat khoob

thanxxx

[sarfraz_qamar]

Re: sarfraz chouhdary,s most wanted

اگر کعبے کا رُخ بھی جانبِ میخانہ ہو جائے
تو پِھر سجدہ مری ہر لغزشِ پیمانہ ہو جائے

وہی دِل ہے جو حُسن و عشق کا کاشانہ ہو جائے
وہی سر ہے جو اس کی تیغ کا نذرانہ ہو جائے

یہ اچھی پردہ داری ہے،یہ اچھی راز داری ہے
کہ جو آئے تمہاری بزم میں دیوانہ ہو جائے

مرا سَر کٹ کے مقتل میں گِرا قاتل کے قدموں پر
دمِ آخر ادا یوں سجدۂ شکرانہ ہو جائے

تری سرکار میں لایا ہوں ڈالی حسرتِ دِل کی
عجب کیا ہے مرا منظور یہ نذرانہ ہو جائے

وہ سجدے جِن سے برسوں ہم نے کعبے کو سجایا ہے
جو بُت خانے کو مِل جائیں تو پِھر بُت خانہ ہو جائے

یہاں ہونا نہ ہونا ہے،نہ ہونا عین ہونا ہے
جِسے ہونا ہو کچھ خاکِ دِرِ جانانہ ہو جائے

سحر تک سب کا ہے انجام جل کر خاک ہو جانا
بنے محفل میں کوئی شمع یا پروانہ ہو جائے

وہ مے دے دے جو پہلے شِبلی و منصور کو دی تھی
تو بیدم بھی نِثارِ مرشدِ میخانہ ہو جائے
(بیدم شاہ وارثی)