Collection of Ashaar ( اشعار )

[.]

جن بلاؤں کو میرؔ سنتے تھے
ان کو اس روزگار میں دیکھا

[.]

ریختے کے تمہیں استاد نہیں ہو غالبؔ
کہتے ہیں اگلے زمانے میں کوئی میر بھی تھا.

[.]

رونے سے تو پھوٹیں آنکھیں دل کو غموں نے خراب کیا
دیکھنے قابل اس کے ہوئے ہیں اب تو یہ ویرانے دو

[.]

اک آن میں بدلتی ہے صورت جہان کی
جلد اس نگارخانے سے کر انتقال چل

[.]

جب نام ترا لیجیے تب چشم بھر آوے
اس زندگی کرنے کو کہاں سے جگر آوے

[.]

کشتۂ عشق یوں نہیں ٹلتا
مر کے کوئے بتاں سے اٹھتا ہے

[.]

برسوں تلک نہ آنکھ ملی ہم سے یار کی
پھر گوکہ ہم بصورت ظاہر اڑے رہے
یعنی کہ اپنے عشق کے حیران کار میرؔ
دیوار کے سے نقش در اوپر کھڑے رہے

[.]

نہیں ستارے ۔۔۔۔ یہ سوراخ پڑ گئے ہیں تمام
فلک حریف ہوا تھا ہماری آہوں کا

[.]

سینہ خالی آج پڑا ہے میرؔ طرف سے پہلو کے
دل بھی شاید نکل گیا ہے روتے خون جگر کے ساتھ

[.]

مدت سے چشم بستہ بیٹھا رہا ہوں لیکن
وہ روے خوب ہرگز جاتا نہیں نظر سے

[.]

میر ہر یک موج میں ہے زلف ہی کا سا دماغ
جب سے وہ دریا پہ آکر بال اپنے دھو گیا

[.]

دل کا جگر کا لوہو تو غم نے سکھا دیا
آنکھیں رہیں گی دیکھیے خونبار کب تلک

[.]

اے شورِ قیامت ہم سوتے ہی نہ رہ جاویں
اس راہ سے گذرے تو ہم کو بھی جگا جانا

[.]

جو تیر چلا اس کا سو میری طرف آیا
اس عشق کے میداں میں میں ہی تو نشانہ تھا

[Pegham]

kisi nay dhool kia Aankho main jhoonki !
main ub pehlay say behtar deekhta houn