~ * Khan ki Pasand * ~

[khan khan]

Re: ~ * Khan ki Pasand * ~

Sada deti hai khushbo chaand tare bool parte hain
nazar jaise nazar ho tu nazare bool parte hain

tumhari he nigahon ne kaha hai hum se ye aksar
tumhare jism par tu rang sare bool parte hain

mehak jate hain gul jaisay saba k choom lenay se
agar lehrain mukhatib hon kinare bool parte hain

zubna se baat karne main jahan ruswai hoti hai
wahan khamoush aankhoun k kinare bool parte hain

chopana chahtay hain un se dil ka haal hum lekin
hamare aanso,oun main ghum hamare bool parte hain

teri pabandioun se ruk nahi sakti ye faryadain
agar hum chop rahain tu zakhm sare bool parte hain

[khan khan]

Re: ~ * Khan ki Pasand * ~

Bujhi bujhi nazar aaen tu es pe hairat keun
bohat jalay hain kise shola-e-nigah main hum

ye gard gard fiza raas he nahi aae
so mutabar na hoey shehr-e-kam nigah main hum

badal gaaen wo nigahain tu yaad aaya hai
kise ko bhool gaey thay kise ki chaah main hum

[khan khan]

Re: ~ * Khan ki Pasand * ~

Wo mujhko bhool baitha hai,nahi hairat hoe sunkar!
Wo apni aam se chezoun ko aksar bhool jata hai!

[khan khan]

Re: ~ * Khan ki Pasand * ~

Muhabbat main jo douba ho usay sahil se kia lena
kisay es behar main ja kar kinara yaad rehta hai..!!

[WASI ANJUM]

Re: ~ * Khan ki Pasand * ~

waah bahot khoob Khan nice sharings

[khan khan]

Re: ~ * Khan ki Pasand * ~

waah bahot khoob Khan nice sharings

Thank u so much WASI ANJUM.

[khan khan]

Re: ~ * Khan ki Pasand * ~

Bikharna tootna bhe aur ana k saath bhe rehna
sitam ejaad bhe karna,wafa k saath bhe rehna

tera andaaz aisa hai andhyroun ki kahani main
jalana kuch diye bhe aur hawa k saath bhe rehna

yahan tu shokhioun ko apni zaybai se matlab hai
laho main bhe machalna aur hina k saath bhe rehna

ajab rang-e-taaluq hai muhabbat ka meray dil se
k usko toorna bhe aur sada k saath bhe rehna

[life.]

Re: ~ * Khan ki Pasand * ~

v nice..................

[khan khan]

Re: ~ * Khan ki Pasand * ~

Thnx.

[khan khan]

Re: ~ * Khan ki Pasand * ~

Mera munsif tha koe hukm sunata mujhko
main jo mujrim tha tah-e-khaak milata mujko

choriye baat muqaddar pe na dalain aisay
usko chahat thi tu pher apna banata mujhko

eak hasrat se nigahon main utar aae hai
aaenay he main kabhi aks dikhata mujhko

choor deta ya koe rabt barhata mujh say
faisla jo bhe kia tha tu batata mujhko

umar gozri hai meri dhoop main jaltay jaltay
wo kise rooz tu aanchal main chopata mujhko

raaz aankhoun say zara boujh tu halka hota
apna ghum day k kise rooz rulata mujhko

[khan khan]

Re: ~ * Khan ki Pasand * ~

Intaqaman hans raha hon khoob rone k liye
wo qareeb aanay lage hain door hone k liye

koe mane ya na mane ham ne jana hai ye he
dil tarapne k liye hai aankh rone k liye

kia qayamat hai maseha waar kar k chal diya
aur qatil aa gaya hai zakhm dhone k liye

aajtak ye bhe na socha keun hoey ham dar-badar
tujh ko pane k liye ya khud ko khone k liye

meri duniya door se he daikhne ki cheez thi
aap na haq aa gaey maghmoom hone k liye

[khan khan]

Re: ~ * Khan ki Pasand * ~

Bujhe dil se kise ka moskora dena bohat mushkil
kise k waaste sab kuch lota dena bohat mushkil

kise k saath rehne par bahane rooz kar dena
sabab ek saath rehne ka bata dena bohat mushkil

kise k khawaab aankhoun main saja lena bohat aasan
kise ka dard aankhoun main chopa lena bohat mushkil

zara mushkil tu hota hai kise ka dil chora lena
chora kar dil kise ka pher jata dena bohat mushkil

kise k yaad k moti meri aankhoun main raqsan hain
ye gohar aansoun k sang baha dena bohat mushkil

[life.]

Re: ~ * Khan ki Pasand * ~

v nice................

[khan khan]

Re: ~ * Khan ki Pasand * ~

v nice................

Thanx............

[WASI ANJUM]

Re: ~ * Khan ki Pasand * ~

Bahot khoob khan very nice