~ * Khan ki Pasand * ~

[khan khan]

Re: ~ * Khan ki Pasand * ~

Dil main jo dard base hain,tumhare thehray
ab tu ye dard he jenay k saharay thehray

jo diye hum ne jalae wo teray naam k thay
jo diye tu ne bujhaey wo hamaray thehray

koe sehra ko gaey koe chalay so-e-daar
uf kahan ja k teray husn k maray thehray

badbaan khool k kishti ko khuda pe chora
uski taqdeer hai doubay ya kinaray thehray

aisay roushan hoey aankhoun main teri yaad k chaand
jaisay palkon pe kahen aa k sitaray thehray

[WASI ANJUM]

Re: ~ * Khan ki Pasand * ~

waaaaah bahot khoob janab

[khan khan]

Re: ~ * Khan ki Pasand * ~

waaaaah bahot khoob janab

Bohat Shukriya.

[khan khan]

Re: ~ * Khan ki Pasand * ~

Kho chokay hain jis ko,wo jageer lekar kia karain
ek paraey shaks ki tasveer lekar kia karain

ham zamen-zaday,sitaroun se hamain kia wasta
dil main na haq khwahish-e-taskheer lekar kia karain

alemoun se zaaechay banwaaen kis umeed par
khawaab he achay na thay,tabeer lekar kia karain

aitabaar-e-harf kafi hai tasalli k liye
pakkay kagaz par koe tehreer lekar kia karain

apna ek asloob hai,acha boda jaisa bhe hai
lehja-e-ghalib,zuban-e-meer lekar kia karain

shamma apni he bhali lagti hai apne taaq pe
mangay tangay ki koe tanveer lekar kia karain

[khan khan]

Re: ~ * Khan ki Pasand * ~

Dil-e-purshookh ko pehlo main dabaey rakha
tujh se bhe hum ne tera piyaar chopaey rakha

choor es baat ko k aay dost tujh se pehlay
ham ne kis kis ko khayaloun main basaey rakha

ghair mumkin thi zamanay k ghamoun se fursat
pher bhe ham ne tera gham dil main basaey rakha

phool ko phool na kehtay tu usay kia kehtay
kia hoa ghair ne kalar pe sajaey rakha

jane kis haal main hai kaun se shehroun main hai
zindagi apni jinhain hum ne banaey rakha

haaey kia loog thay wo loog pari chehra loog
ham ne jin k liye duniya ko bholaey rakha

[khan khan]

Re: ~ * Khan ki Pasand * ~

Abhi tu rut badalni thi,abhi tu phool khilne thay
abhi tu raat dhalni thi,abhi tu zakhm silne thay

abhi tu sar zamen-e-jan pe ek badli ko ghirna tha
abhi tu wasl ki barish main nagay paaoun pherna tha

abhi tu kisht-e-gham main ek khushi ka khawaab bona tha
abhi tu sainkroun sochi hoe batoun ko hona tha

abhi tu sahiloun pe ek hawa-e-shaad chalni thi
abhi jo chal rahi hai,ye tu kuch din baad chalni thi

[khan khan]

Re: ~ * Khan ki Pasand * ~

Tanha tanha mat socha kar
mar jaaey ga!mat socha kar

apna aap ganwa kar tu ne
paya kia hai?mat socha kar

dhoop main tanha kar jata hai
keun ye saya?mat socha kar

piyaar ghari bhar ka bhe bohat hai
jhoota,sacha mat socha kar

rah kathin aur dhoop kari hai
kaun aaey ga?mat socha kar

wo bhe tujh se piyaar kare hai?
pher dukh ho ga mat socha kar

mound lay aankhain aur chala chal
manzil,rasta mat socha kar

jis ki fitrat he dasna ho
wo tu dasay ga!mat socha kar

duniya k gham saath hain teray
khud ko tanha mat socha kar

jeena do bhar ho jaey ga
jaana!itna mat socha kar

[life.]

Re: ~ * Khan ki Pasand * ~

v nice.................

[khan khan]

Re: ~ * Khan ki Pasand * ~

Neend aankhoun main musalsal nahi hone deta
wo mera khawaab mukammal nahi hone deta

aankh k sheesh mehal main wo kise bhe lamhe
apni tasveer ko oujhal nahi hone deta

raabta bhe nahi rakhta hai sar-e-wasl koe
aur ta'aluq bhe muattal nahi hone deta

dil ye kehta hai usay lout k aana hai yahen
ye dilasa mujhay pagal nahi hone deta

[khan khan]

Re: ~ * Khan ki Pasand * ~

Aisay bhe muhabbat ki saza deti hai duniya
mar jaaen tu jenay ki dua deti hai duniya

ham kaun se momin thay jo ilzaam na sehtay
pathar ko bhe bhagwan bana deti hai duniya

ye zakhm-e-muhabbat hai dikhana na kise ko
la kar sar-e-bazaar saja deti hai duniya

qismat pe karo naaz na itna bhe faqeroun
hathoun ki lakeroun ko mita deti hai duniya

marne k liye karti hai majbor tu lekin
jenay k tareqay bhe sikha deti hai duniya

kia yaad rakhay ga hamain zarra se zamana
zindoun ko bhe pal bhar main bhula deti hai duniya

[khan khan]

Re: ~ * Khan ki Pasand * ~

falak par rehne wale sub sitare eak jaisay hain
samandar eak jaisay hain,kinaray eak jaisay hain

agar chaho,khushi apni chopa lo saat pardoun main
magar lagta hai jaisay dukh hamaray eak jaisay hain

kholi aankhon se bhe ham ko dikhai kuch nahi deta
yahan mousam ne jo manzar utaray,eak jaisay hain

teri yadon k jhonko se alag hokar nahi chalte
ta'aqub main hain jo khusbo k dharay,eak jaisay hain

anhain tum phool keh lo,rang keh lo,khushboen keh lo
zamanay main wafa k esta'aray eak jaisay hain

[khan khan]

Re: ~ * Khan ki Pasand * ~

Sochta hon wo agar mujh se juda ho jaey
mera rasta meray qadmon se khafa ho jaey

bare he gham se gozarta hon kise hijr k baad
jis ne hona hai abhi mujh se juda ho jaey

kaise laaey ga mera zakhm nigahoun ki taab
jo teri saans ki khushbo se hara ho jaey

kaise kat jaey safar dhe'aan main jub tu he nahi!
kis taraf jaoun jo manzil he fana ho jaey

kia sakon tujhko moyassar bhala aaey Haidar
hijr jitna bhe katay utna bara ho jaey

:jmm:

[ashnalovely]

Re: ~ * Khan ki Pasand * ~

zabardast ji

[khan khan]

Re: ~ * Khan ki Pasand * ~

zabardast ji

Thanx...!!!:rose

[*Hala*]

Re: ~ * Khan ki Pasand * ~

buht khooob!!