khan khan ka Intekhab

[khan khan]

Qudrat k Asoul

Qudrat k asoulon main badal keun nahi hota
jo aaj hoa hai wohe kal keun nahi hota

har jheel main lehrain hain har jheel main pani
har kise k muqaddar main kanwal keun nahi hota

jub usi ne duniya ka ye dewaan kilha hai
har aadmi ek piyari se ghazal keun nahi hota

har baar na milnay ki qasam kha kar milay hum
pher apnay he eradon par amal keun nahi hota

[khan khan]

Eak Shair

Mujhay zindagi hai azeez tar esi waastay meray humsafar
mujhay qatra qatra pila zehar jo karay asar badi dair tak

[khan khan]

Qitta

kabhi tu shouq se tu khud dikhai day mujhko
jo ye nahi tu izn-e-judai de mujhko
teri sada ko kahan raaston main dhondo ga
tu ab k meray he andar sunai de mujhko

[khan khan]

Zindagi kuch bhe nahi teray bina

Hum jo kehtay thay kuch bhe nahi teray bina
lekin ye kia k zindagi sub kuch hai teray bina

ab tu raat bhe kat jati hai din bhe gozar jata hai
sub waisa he hai kuch bhe tu nahi badla teray bina

teray janay pe jo rim jhim se thi aankhon main ab
thehar gaya hai wo aankhon ka samandar teray bina

waqt ne bohat kuch sikhla diya hai mujhay
ab tu wqt bhe gozar jata hai teray bina

shayed muhabbat karnay k aadaab he na thay
ab zindagi ne wo bhe sikhla diya teray bina

jo gozar gaya hai so gozar gaya hai dost
jo reh gaya hai ,gozar jaey ga teray bina

[khan khan]

Re: khan khan ka Intekhab

Nahi wo shaks muqaddar main pher bhe us sy miltay hain
bada pur-lutf lagta hai muqaddar ko saza dena

[khan khan]

Re: khan khan ka Intekhab

Tamaam rooh ki lazzat esi main thi mouqouf
k zindagi main kabhi tum se guftago hoe

[khan khan]

Re: khan khan ka Intekhab

Muhabbat ho he jati hai
muhabbat ki nahi jati muhabbat ho he jati hai
dayar-e-ishq main kati hai lambi zindagi hum ne
hazaroun ashiqoun se do-bado ye guftago ki hai
har ek ashiq ne samjhaya
hamaray tajrubay ne hum ko sikhlaya
samjh main bus ye he aaya
Muhabbat ki nahi jati muhabbat ho he jati hai
muhabbat kia hai
dil ka zehan se kuch guftago karna
kabhi chonay ko nelay aasman ki aarzo karna
Muhabbat ki nahi jati muhabbat ho he jati hai
muhabbat kia hai jo de day zulaikha ko jawani bhe
muhabbat heer ki lela ki majnoun ki kahani bhe
hai aise aag ye jis ko bujha paey na pani bhe
jawani sub k dil main beej es ka bo he deti hai
Muhabbat ki nahi jati
Muhabbat ho he jati hai

[khan khan]

Re: khan khan ka Intekhab

Waqif nahi tum apni nigahoun k asar se
es raaz ko pocho kise barbaad nazar se

ek ashk nikal aaya hai u deda-e-tar se
jis tarha janaza koe niklay bharay ghar se

rag raga main awaz khon k may dour rahi hai
wo dekh rahay hain mujhay makhmoor nazar se

es tarha basar hotay hain din raat hamaray
ek taza bala aae jo ek tal gae sar se

sehra ko bohat naaz hai werani pe apni
waqif nahi shayed meray ujray hoey ghar se

mil jaen abad se meray Allah ye lamhay!
wo daikh rahay hain mujhay manoos nazar se

jaen tu kahan jaen kharay sooch rahay hain
uthnay ko khomaar uth tu gaey hum kise dar se

[WASI ANJUM]

Re: khan khan ka Intekhab

Nice sharing janab keep it up

[khan khan]

Re: khan khan ka Intekhab

Nice sharing janab keep it up

Thank u so much WASI ANJUM.

[khan khan]

Re: khan khan ka Intekhab

Kia dukh hai samandar ko bata bhe nahi sakta
aanso ki tarha aankh tak aa bhe nahi sakta

tu choor raha hai tu khata es main teri kia
har shaks mera saath nibha bhe nahi sakta

waisay tu ek aanso he baha kar mujhay le jaey
aisay koe toufaan hila bhe nahi sakta

ghar dhoond rahay hain mera ratoun k pojari
main hon k charagoun ko bujha bhe nahi sakta

[khan khan]

Re: khan khan ka Intekhab

Main es umeed pe douba k tu bacha le ga
ab es k baad mera imtahan kia le ga

ye eak mela hai wada kise se kia le ga
dhalay ga din tu har ek apna raasta le ga

main bujh gaya tu hamesha ko bujh he jaoun ga
koe charaag nahi hon jo pher jala le ga

kaleja chahiye dushman se dushmani k liye
jo be-amal hai wo badla kise se kia le ga

hazaar toor k aa jaoun us se rishta waseem
main jaanta hon wo jub chahay ga bola le ga

By Waseem Barelvi

[WASI ANJUM]

Re: khan khan ka Intekhab

Bahot khoob janab nice sharing

[khan khan]

Re: khan khan ka Intekhab

Bahot khoob janab nice sharing

Thank u soo much WASI ANJUM.

[khan khan]

Re: khan khan ka Intekhab

Zara se dair ko aaey thay khawaab aankhon main
pher us k baad musalsal azaab aankhon main

wo jis k naam ki nisbat se rushanaas tha wajood
khatak raha hai wohi aaftaab aankhon main

jinhain mata-e-dil-o-jan samjh rahay thay hum
wo aaenay bhe hoey be-hijaab aankhon main

ajab tarha ka hai mousam k khaak urti hai
wo din bhe thay k khilay thay khawaab aankhon main

meri ghazal teri wehshatoun ki khair ki hai
bohat dino se bohat iztaraab aankhon main