sarfraz chouhdary,s most wanted

[sarfraz_qamar]

Re: sarfraz chouhdary,s most wanted

saaqii par ilzaam na aaye
chaahe tujh tak jaam na aaye

tere sivaa jo kii ho muhabbat
merii javaanii kaam na aaye

jin ke liye mar bhii gaye ham
vo chal kar do gaam na aaye

ishq kaa saudaa itanaa garaa.N hai
i.nhe.n ham se kaam na aaye

maiKhaane me.n sab hii to aaye
lekin "Jigar" kaa naam na aaye

[sarfraz_qamar]

Re: sarfraz chouhdary,s most wanted

saaqiyaa ik nazar jaam se pahale pahale
ham ko jaanaa hai kahii.n shaam se pahale pahale

Khush huaa ai dil ke muhabbat to nibhaa dii tuune
log uja.D jaate hai.n anjaam se pahale pahale

ab tere zikr pe ham baat badal dete hai.n
kitanii raGabat thii tere naam se pahale pahale

saamane umr pa.Dii hai shab-e-tanhaa_ii kii
vo mujhe chho.D gayaa shaam se pahale pahale

[sarfraz_qamar]

Re: sarfraz chouhdary,s most wanted

raah aasaan ho ga_ii hogii
jaan pahachaan ho ga_ii hogii

phir palaT kar nigaah nahii.n aa_ii
tujh pe qurabaa.N ho ga_ii hogii

terii zulfo.n ko chhe.Datii thii sabaa
Khud pareshaa.N ho ga_ii hogii

maut se tere dard-ma.ndo.n kii
mushkil aasaan ho ga_ii hogii

un se bhii chhiin loge yaad apanii
jinakaa imaan ho ga_ii hogii

dil kii taskiin puuchhate hai.n aap
haa.N merii jaan! ho ga_ii hogii

[sarfraz_qamar]

Re: sarfraz chouhdary,s most wanted

raat aa_ii hai balaao.n se rihaa_ii degii
ab na diivaar na za.njiir dikhaa_ii degii

vaqt guzaraa hai pa mausam nahii.n badalaa yaaro
aisii gardish hai zamii.n Khud bhii duhaa_ii degii

ye dhu.ndalakaa saa jo hai us ko Ganiimat jaano
dekhanaa phir ko_ii suurat na sujhaa_ii degii

dil jo TuuTegaa to ik turfaa tamaashaa hogaa
kitane aa_iino.n me.n ye shaql dikhaa_ii degii

[sarfraz_qamar]

Re: sarfraz chouhdary,s most wanted

raat aadhii se ziyaadaa ga_ii thii saaraa aalam sotaa thaa
naam teraa le le kar ko_ii dard kaa maaraa rotaa thaa

chaaraagaro ye taskii.n kaisii mai.n bhii huu.N is duniyaa me.n
un ko aisaa dard kab uThaa jin ko bachanaa hotaa thaa

kuchh kaa kuchh kah jaataa thaa mai.n furqat kii betaabii me.n
sunane vaale ha.Ns pa.Date the hosh mujhe tab aataa thaa

taare aksar Duub chale the, raat ke rone vaalo.n ko
aane lagii thii nii.nd sii kuchh, duniyaa me.n saveraa hotaa thaa

tark-e-muhabbat karane vaalo kaun aisaa jag jiit liyaa
ishq ke pahale ke din socho kaun ba.Daa sukh hotaa thaa

[sarfraz_qamar]

Re: sarfraz chouhdary,s most wanted

phir chalii hai rel isTeshan se laharaatii hu_ii
niim-shab kii Khaamoshii me.n zer-e-lab gaatii hu_ii

Dag-magaatii, jhuumatii, siiTii bajaatii, khelatii
vaadii-o-kohasar kii Tha.nDii havaa khaatii hu_ii

tez jho.nko.n me.n vo chham chham kaa sarod-e-dil-nashii.n
aa.Ndhiyo.n me.n meh barasane kii sadaa aatii hu_ii

jaise maujo.n kaa tarannum jaise jal-pariyo.n ke giit
ik-ik lay me.n hazaaro.n zam-zame.n gaatii hu_ii

naunihaalo.n ko sunaatii miThii miThii loriyaa.N
naaz-niino.n ko sunahare Khvaab dikhalaatii hu_ii

[sarfraz_qamar]

Re: sarfraz chouhdary,s most wanted

raat bhii nii.nd bhii kahaanii bhii
haa_e! kyaa chiiz hai javaanii bhii

ek paiGaam-e-zi.ndaganii bhii
aashiqii marg-e-naagahaanii bhii


is adaa kaa terii javaab nahii.n
meharabanii bhii saragaraanii bhi

dil ko apane bhii Gam the duniyaa me.n
kuchh balaaye.N thii aasmaanii bhii

ma.nsab-e-dil Khushii luTaataa hai
Gam-e-pi.nhaa.N bhii paasabaanii bhii

[sarfraz_qamar]

Re: sarfraz chouhdary,s most wanted

raat ke Khvaab sunaaye.n kis ko raat ke Khvaab suhaane the
dhu.Ndhale dhu.Ndhale chehare the par sab jaane pahachaane the

ziddii vahashii alha.D cha.nchal miiThe log rasiile log
ho.nTh un ke Gazalo.n ke misare aa.Nkho.n me.n afsaane the

ham ko saarii raat jagaayaa jalate bujhate taaro.n ne
ham kyuu.N un ke dar pe utare kitane aur Thikaane the

vahashat kii u.nvaan hamaarii in me.n se jo naar banii
dekhe.nge to log kahe.nge "Insha" jii diiivaane the

[sarfraz_qamar]

Re: sarfraz chouhdary,s most wanted

raat sun_saan dasht-o-dar Khaamosh
chaa.Nd sitaare shajar hajar Khaamosh

ko_ii aavaaz-e-paa na baang-e-jaras
kaaravaa.N aur is qadar Khaamosh

har taraf ek muhiib sannaaTaa
dil dha.Dakataa to hai magar Khaamosh

huye jaate hai.n kis liye aaKhir
ham_safar baat baat par Khaamosh

hai.n ye aadaab-e-rah_guzar ke Khauf
raah_rau chup hai.n raahabar Khaamosh

[sarfraz_qamar]

Re: sarfraz chouhdary,s most wanted

raato.n me.n gar na ashk bahaa_uu.N to kyaa karuu.N
ik pal bhii us ko bhuul na paa_uu.N to kyaa karuu.N

mai.n ne sunaa hai un ko andhere nahii.n pasand
raaho.n me.n ab mai.n dil na jalaa_uu.N to kyaa karuu.N

tumhii.n kaho ki chho.D de jab zindagii bhii saath
phir maut ko gale na lagaa_uu.N to kyaa karuu.N

sochaa to thaa ki chho.D duu.N us kii galii 'Murad'
lekin kahii.n qaraar na paa_uu.N to kyaa karuu.N

[sarfraz_qamar]

Re: sarfraz chouhdary,s most wanted

rachii hai rat_jago kii chaa.Ndanii jin kii jabiino.n me.n
'Qateel' ek umr guzarii hai hamaarii un hasiino.n me.n

vo jin ke aa.Nchalo.n se zindagii taKhaliik hotii hai
Dha.Daakataa hai hamaaraa dil abhii tak un hasiino.n me.n

zamaanaa paarasaa_ii kii hado.n se ham ko le aayaa
magar ham aaj tak rusvaa hai.n apane ham_nashiino.n me.n

talaash un ko hamaarii to nahii.n puuchh zaraa un se
vo qaatil jo liye phirate hai.n Khanjar aastiino.n me.n

[sarfraz_qamar]

Re: sarfraz chouhdary,s most wanted

ai merii ham_raqs mujh ko thaam le
zindagii se bhaag kar aayaa huu.N mai.n
Dar se larazaa.N huu.N kahii.n aisaa na ho
raqs_gaah ke chor daravaaze se aakar zindagii
Dhuu.NDh le mujh ko nishaa.N paa le meraa
aur jurm-e-aish karate dekh le

ai merii ham_raqs mujh ko thaam le
raqs kii ye gardishe.n
ek mubaham aasiyaa ke daur hai.n
kaisi sargarmii se Gam ko rau.ndataa jaataa huu.N mai.n
jii me.n kahataa huu.N ki haa.N
raqs_gaah me.n zindagii ke jhaa.Nkane se peshtar
kulfato.n kaa sang_rezaa ek bhii rahane na paaye

ai merii ham_raqs mujh ko thaam le
zindagii mere liye
ek Khuunii bhe.Diye se kam nahii.n
ai hasii.n-o-ajanabii aurat usii ke Dar se mai.n
ho rahaa huu.N lamhaa lamhaa aur bhii tere qariib
jaanataa huu.N tuu merii jaa.N bhii nahii.n
tujh se milane kaa phir imkaa.N bhii nahii.n
tuu merii aarazuuo.n kii magar tamsiil hai

[sarfraz_qamar]

Re: sarfraz chouhdary,s most wanted

ruuh ko ta.Dapaa rahii hai un kii yaad
dard ban kar chhaa rahii hai un kii yaad

ishq se ghabaraa rahii hai un kii yaad
rukate rukate aa rahii hai un kii yaad

vo ha.Nse vo zer-e-lab kuchh kah uThe
Khvaab se dikhalaa rahii hai un kii yaad

mai.n to Khuddaarii kaa qaa_il huu.N magar
kyaa karuu.N phir aa rahii hai un kii yaad

[sarfraz_qamar]

Re: sarfraz chouhdary,s most wanted

ruudaad-e-muhabbat kyaa kahiye kuchh yaad rahii kuchh bhuul gaye
do din kii masarrat kyaa kahiye kuchh yaad rahii kuchh bhuul gaye

jab jaam diyaa thaa saaqii ne jab daur chalaa thaa mahafil me.n
vo hosh kii sa'at kyaa kahiye kuchh yaad rahii kuchh bhuul gaye

ehasaas ke maiKhaane me.n kahaa.N ab fikr-o-nazar kii qa.ndiile.n
aalam kii shiddat kyaa kahiye kuchh yaad rahii kuchh bhuul gaye

ab apanii haqiiqat bhii "Sagar" berabt kahaanii lagatii hai
duniyaa kii haqiiqat kyaa kahiye kuchh yaad rahii kuchh bhuul gaye

[sarfraz_qamar]

Re: sarfraz chouhdary,s most wanted

kab tak hai baqaa-e-tan fanaa ko maaluum
kab tak hai ye zi.ndagii qazaa ko maaluum
har saa.Ns ye kah rahii hai jaate jaate
jaatii to huu.N vaapasii Khudaa ko maaluum


koshish hai tamaam apanii sitaa_ish ke liye
kyaa kyaa karate hai.n ek Khvaahish ke liye
har ek namuud pe miTaa jaataa hai
putale miTTii ke hai.n numaa_ish ke liye


mar mar ke mai.n ne lahad me.n jaa paa_ii hai
yaa.N tak mujhe terii hii kashish laa_ii hai
aa, ai mere muu.Nh chhupaane vaale aajaa
Khilavat hai shab-e-taar hai tanahaa_ii hai