Musaddaq Ki Choice

[aquari]

Re: Musaddaq Ki Choice

kabhi kisi ko mukammal jahan nahin milta
kahin zameen to kahin aasman nahin milta

woh zindagi hi kya jahan sub kuch mil jayee:)

jisay bhi dekhiyay woh apnay aap mein goum hai
zuban mili hai magar hum zuban nahin milta

yehi tu almiaa hai aaj kal ka sub sey bara..!

teray jahan mein aisa nahin kay pyar na ho
jahan umeed ho iski wahan nahin milta

behtreen shair..:em:
bilkul thek kaha shair ney ,humain waqai aksar wahan sey pyar nahi milta jahan pr hum apni mohabbat ki dolat luta'tey hain jabhi tu kehtey hain k zindagi us k saath guzaroo jo tumhian chahaeyy

[aquari]

Re: Musaddaq Ki Choice

Wafaa k sheesh mahal main sajaa liyaa mainey
Wo eik dil jisey pather bana liyaa mainey

Ye soch ker k na ho taak main khushii koi
Gamon ki oo'T main khud ko chupaa liya mainey

Kabi na khatm kia mainey roshanii ka muhaaz
Agar chiraagh bhujaa, dil jala liya mainey

Kamaal ye hai k jo dushman pe chalanaa thaa
Wo teer apney kalejey pe khaa liya mainey

'QATEEL' jiskii adaavat main ek pyaar bhii thaa
Us aadamee ko galey se laga liya mainey

awesome..:hug:

[musaddaq]

Re: Musaddaq Ki Choice

Pichle pehar ka chaand
Jab khule dareecha se jhaankta hai
To be-saakhta mera mann, meri aankhain
Tujhe pukarne lagti hain
Or hath dua keh lia uth jate hain
Kion keh main ne suna hai
Pichle pehar maangi hui duain, qubool hoti hain

[musaddaq]

Re: Musaddaq Ki Choice

:)

[musaddaq]

Re: Musaddaq Ki Choice

Aisa nahi K Tujh Se Muhabat Nahi Humain
Ghum Roz Roz Sehny ki Aadat Nahi Humain

Har Bar Tere Samne Sar Ko Jhoka Liya
Aur Phir Bhi Dekh Tujh se Shikayat Nahi Humain

Tu Aitebar kar k Tujhe Chahate Hain Hum
Tery Siwa Kisi Ki Bhi Chahat Nahi Humain

Hum Jante Hain Tum Tanha Nahi Hamary Bin
Auron se Pochne ki Zarorat Nahi Humain

Kese Rahen Gay Bin Tere Ab Baat Maan lay
Tery Bagair Rahene ki ab Aadat Nahi Humain

[musaddaq]

Re: Musaddaq Ki Choice

Yoon be_kal be-kal lamhoon main
Jab bojhal bojhal qadmoon sey
Sahil ki taraf main jati hoon
Tumhain saath main aksar paati hoon
Jab aati jati mojoon sey
be-rabt si baatain karti hoon
Tab yaad tumhain main karti hoon

Kabhi aadhi raat ko uth kar jab
Be-wajha tehla karti hoon
Ya apney kamrey ki khirki sey
Chand ko dekha karti hoon
Aur uss ki thandi roshni ko
Ang ang main samoya karti hoon
Tab yaad tumhain main karti hoon

Jab zabt k khooni panjoon sey
Main apna app bachati hoon
Kar kar k yaad wo guzrey pall
Main pehron ask bahati hoon
Phir ankhoon k totey taroon sey
Aanchal ko bhigoya karti hon
Tab yaad tumhain main karti hoon

[baqarkashmiri]

Re: Musaddaq Ki Choice

nice

[musaddaq]

Re: Musaddaq Ki Choice

Ik taaza hikayat hai
Sun lo to inaayat hai

Ik shakhs ko dekha tha
Taaron ki tarah ham ne
Ik shakhs ko chaha tha
Apnon ki tarah ham ne
Ik shakhs ko samjha tha
Phoolon ki tarah ham ne

Woh shakhs qayamat tha
Kiya us ki karain baatain
Din us ke liye paida
Aur us ki hi thi raatain
Kam milna kisi se tha
Ham se theen mulaqaatain

Rang us ka shahabi tha
Zulfon main theen mehkaarain
Aankhain theen ke jadoo tha
Palkain theen ke talwaarain
Dushman bhi agar dekhain
Sou jaan se dil haarain

Kuch tum se woh milta tha
Baaton main shabahat main
Haan tum sa hi lagta tha
Shokhi main shararat main
Lagta bhi tumhi sa tha
Dastoor-e-mohabbat main

Woh shakhs hamain ik din
Apnon ki tarah bhoola
Taaron ki tarah dooba
Phoolon ki tarah toota
Phir haath na aaya woh
Ham ne to buhat dhoonda

Tum kis liye chonkey ho
Kab zikr tumahra tha
Kab tum se taqaza hai
Kab tum se shikayat hai

Ik taaza hikaya hai
Sun lo to inayat hai

[musaddaq]

Re: Musaddaq Ki Choice

Meri galation ko chuna karo, meri larzishon ko gina karo

Qadam qadam ki hadood kya, mery sath sath chala karo


Main khuly majaz ka shaks hoon, main takllufaat say hon maavra
Ye mehrbaani k lafz hain, enhian tum na mujh say kaha karo


Kahin tum na ho jao bay sakoon, Koi bad'd dua tumhain kha na lay
Ye jo khoye khoye say log hian, enhain dekh kar hansa na karo


Ye dua hai RUB-E-KAREEM say, teri taazgi ko khizaan na ho
Ye baahar tum say jala kary, sada muskuraty raha karo,,,,,!!! !

[jia]

Re: Musaddaq Ki Choice

Pichle pehar ka chaand
Jab khule dareecha se jhaankta hai
To be-saakhta mera mann, meri aankhain
Tujhe pukarne lagti hain
Or hath dua keh lia uth jate hain
Kion keh main ne suna hai
Pichle pehar maangi hui duain, qubool hoti hain

very ncie bohat acha likha hay app nay:)

[jia]

Re: Musaddaq Ki Choice

Aisa nahi K Tujh Se Muhabat Nahi Humain
Ghum Roz Roz Sehny ki Aadat Nahi Humain

Har Bar Tere Samne Sar Ko Jhoka Liya
Aur Phir Bhi Dekh Tujh se Shikayat Nahi Humain

Tu Aitebar kar k Tujhe Chahate Hain Hum
Tery Siwa Kisi Ki Bhi Chahat Nahi Humain

Hum Jante Hain Tum Tanha Nahi Hamary Bin
Auron se Pochne ki Zarorat Nahi Humain

Kese Rahen Gay Bin Tere Ab Baat Maan lay
Tery Bagair Rahene ki ab Aadat Nahi Humain

very nice musaddaq
bohat he acha likah hay app nay
keep it up
b happy:rose

[duaaaa]

Re: Musaddaq Ki Choice

great

[duaaaa]

Re: Musaddaq Ki Choice

bohat achajia geee

[musaddaq]

Re: Musaddaq Ki Choice

Bin us k zindagi dard hai tanhai hai
Meri aankhon mein kiyun maut simat aayee hai

Kehtay hain log ishq ko ibaadat yaaro
Ibaadat mein phir kiyun ruswaai hai

Woh na aaye tau dil ko lubhanay mere
Shab-E-Hijr mein uski yaad chali aayee hai

Mehfil mein reh kar bhi tanha rehna
Yeh adaa uski muhabbat ne sikhlaayee hai

Yeh bhi uski muhabbat ki inaayat hai yaaro
Main tamasha hoon aur duniya tamaashaayee hai

Intizar mein kissi ki na raat ko barbaad karna
Doobtay taaron ne mujhe yeh baat samjhaayee hai

Us se talluq kuch aisa raha hai yaaro
Jab bhi socha ussay aankh bhar aayee hai...!!!

[musaddaq]

Re: Musaddaq Ki Choice

Us simt mujh ko yar ne jane nahi diya

ek aur shahar e yar may ane nahi diya

Kuch aur waqt chahate the ki sochen tere liye
tune wo waqt ham ko zamane nahi diya

Manzil hai is mahak ki kahan kis chaman may hai
is ka pata safar may hawa ne nahi diya

Roka ana ne kawish e besud se mujhe
us but ko apana hal sunane nahi diya

Hai jis ke bad ahad e zawal ashna "Munir"
itana kamal ham ko Khuda ne nahi diya