Naat Special Thread

[.]

Re: Naat Special Thread

ہوں بڑی دیر سے پیاسا میں اے ساقئ کوثر
مجھکو نظروں سے پلادیں میں ہوں پیاسا تیرا

[.]

Re: Naat Special Thread

میری کشتی پهنسی ہے گہرے بهنور میں
ڈوب رہا ہوں ---------------بحر غم میں
موری نیاء -------------------لگا دو پار
یا محمد الله والے- --جاؤں تم پہ میں نثار

[.]

Re: Naat Special Thread

میں سو جاؤں یا مصطفی ﷺ کہتے کہتے.

کھلے آنکھ صلی اعلی کہتے کہتے؎

صلی اللہ علیہ وآلہ وسلم

[Zeest]

Re: Naat Special Thread

کھلا ہے سبھی کے لیے باب رحمت
وہاں کوئی رتبے میں ادنیٰ نہ عالی
مرادوں سے دامن نہیں کوئی خالی،
قطاریں لگائے کھڑے ہیں سوالی
میں پہلے پہل جب مدینے گیا تھا
تو تھی دل کی حالت تڑپ جانے والی
وہ دربار سچ مچ میرے سامنے تھا
ابھی تک تصور تھا جس کا خیالی
جو اِک ہاتھ سے دل سنبھالے ہوئے تھا
تو تھی دوسرے ہاتھ میں روضے کی جالی
دعا کے لیے ہاتھ اٹھتے تو کیسے
نہ یہ ہاتھ خالی نہ وہ ہاتھ خالی
جو پوچھا ہے تم نے کہ میں نذر کرنے
کو کیا لے گیا تھا تو تفصیل سن لو
تھا نعتوں کا اک ہار، اشکوں کے موتی،
درودوں کا گجرا، سلاموں کی ڈالی
دھنی اپنی قسمت کا ہے تو وہی ہے
دیار نبی جس نے آنکھوں سے دیکھا
مقدر ہے سچا مقدر اسی کا
نگاہ کرم جس پہ آقا نے ڈالی
میں اُس آستان حرم کا گدا ہوں
جہاں سجدے کرتے ہیں شاہان عالم
مجھے تاجداروں سے کم مت سمجھنا
مرا سر ہے شایان تاج بلالی
میں توصیف سرکار کر تو رہا ہوں
مگر اپنی اوقات سے با خبر ہوں
میں صرف ایک ادنیٰ ثنا خواں ہوں ان کا
کہاں میں کہاں نعت اقبال و حالی

[life.]

Re: Naat Special Thread

subhanAllah

[.]

Re: Naat Special Thread

اک میں ہی نہیں ان پر، قربان زمانہ ہے
جو رب دو عالم کا محبوب یگانہ ہے....

عزت سے نہ مر جائیں کیوں نام محمدصلی اللہ علیہ وسلم پر..
یوں بھی کسی دن ہم نے دنیا سے تو جانا ہے....

[MR.Fkas]

Re: Naat Special Thread



بگڑی بھی بنا ئیں گے جلوے بھی دکھا ئیں گے
گھبرا ﺅ نہ دیو انو سر کا ر بلا ئیں گے

ہم مسجد نبو یﷺ کے دیکھیں گے منیا روں کو
اور گنبد خضر یٰ کے پر نو ر نظا روں کو

ہم جا کے مد ینہ پھر واپس نہیں آئیں گے
گھبرا ﺅ نہ دیو انو سر کا ر بلا ئیں گے

مل جا ئیں گی تعبیر یں ایک روز تو خو ابو ں کی
گر جا ئیں گی دیو اریں سب دیکھنا راہوں کی

ہم رو ضہ اقد س پر جب آنسو بہا ئیں گے
گھبراﺅ نہ دیو انو سر کا ر بلا ئیں گے

دل عشق نبی ﷺ میں تم کچھ اور تڑ پنے دو
اس دید کی آتش کو کچھ اور بھڑ کنے دو

ہم تشنہ دلی چل کر زم زم سے بجھا ئیں گے
گھبرا ﺅ نہ دیو انو سر کا ر بلا ئیں گے

جب حشر کے میداں میں اک حشر بپا ہو گا
جب فیصلہ امت کا کر نے کو خدا ہو گا

امت کو شہ بطحا ﷺ کملی میں چھپا ئیں گے
گھبراﺅ نہ دیو انو سر کا ر بلا ئیں گے

للہ محمد ﷺ سے روداد میر ی کہنا
یہ پو چھ کے آقا سے اے حا جیو!تم آنا

عشر ت کو در اقد س کب آپ ﷺ بلا ئیں گے
گھبرا ﺅ نہ دیو انو سر کا ر بلا ئیں گے

[MR.Fkas]

Re: Naat Special Thread


مجھ پہ چشمِ کرم اے مرے آقا کرنا
حق تو میرا بھی ہے رحمت کا تقاضا کرنا

میں کہ ذرہ ہوں مجھے وسعتِ صحرا دےدے
کہ تیرے بس میں ہے قطرے کو بھی دریا کرنا

میں ہوں بےکس ترا شیوہ ہے سہارا دینا
میں ہوں بیمار ترا کام ہے اچھا کرنا

تُو کسی کو بھی اٹھاتا نہیں اپنے در سے
کہ تری شان کے شایاں نہیں ایسا کرنا

تیرے صدقے، وہ اُسی رنگ میں خود ہی ڈوبا
جس نے، جس رنگ میں چاہا مجھے رسوا کرنا

یہ ترا کام ہے اے آمنہ کے دُرِّ یتیم
ساری امت کی شفاعت، تنِ تنہا کرنا

کثرتِ شوق سے اوسان مدینے میں ہیں گم
نہیں کُھلتا کہ مجھے چاہیے کیا کیا کرنا
یہ تمنائے محبت ہے کہ اے داورِ حشر
فیصلہ میرا سپردِ شہہِ بطحا کرنا

آل و اصحاب کی سنت ، مرا معیارِ وفا
تری چاہت کے عوض ، جان کا سودا کرنا

شاملِ مقصدِ تخلیق یہ پہلو بھی رہا
بزمِ عالم کو سجا کر ترا چرچا کرنا

یہ صراحت ورفعنالک ذکرک میں ہے
تیری تعریف کرنا ،تجھے اونچا کرنا

تیرے آگے وہ ہر اک منظرِ فطرت کا ادب
چاند سورج کا وہ پہروں تجھے دیکھا کرنا

طبعِ اقدس کے مطابق وہ ہواؤں کا خرام
دھوپ میں دوڑ کے وہ ابر کا سایا کرنا

دشمن آجائے تو اٹھ کر وہ بچھانا چادر
حسنِ اخلاق سے غیروں کو وہ اپنا کرنا

کوئی فاروق سے پوچھے کہ کسے آتا ہے
دل کی دنیا کو نظر سے تہہ وبالا کرنا

اُن صحابہ کی خوش اطوار نگاہوں کو سلام
جن کا مسلک تھا طوافِ رخِ زیبا کرنا

مجھ پہ محشر میں نصیرؔ اُن کی نظر پڑ ہی گئی

کہنے والے اسے کہتے ہیں، خدا کا کرنا

کلام : پیر نصیر الدین نصیر رحمت اللہ علیہ

[MR.Fkas]

Re: Naat Special Thread

مصطفٰے شانِ قدرت پہ لاکھوں سلام
اولیں نقشِ خلقت پہ لاکھوں سلام

قائلِ وحدہٗ لاشریک لہٗ
ماحی بدعت پہ لاکھوں سلام

بھیڑ میں چوم لیں شاہ کی جالیاں
اے نظر تیری ہمت پہ لاکھوں سلام

کس کی چوکھٹ پہ دے رہا ہے تو صدا
اے گدا تیری قسمت پہ لاکھوں سلام

ان کی آمد کا سن کر جو ہوگا بپا
ایسے شورِ قیامت پہ لاکھوں سلام

چار یارانِ حضرت پہ ہر دم درود
ان کے دورِ خلافت پہ لاکھوں سلام

کیجیے بند آنکھیں نصیرؔ اور پھر
بھیجیے ان کی صورت پہ لاکھوں سلام

[MR.Fkas]

Re: Naat Special Thread


کیوں دلڑی اداس گھنیری اے
لوں لوں وچ شوق چنگیری اے
اج نیناں لائیاں کیوں جھڑیاں
الطیف سری من طلعتہ
والشذ و بدی من وفرتہ
فسکرت ھنا من نظرتہ
نیناں دیاں فوجاں سر چڑھیاں
مکھ چند بدر شعشانی اے
متھے چمکدی لاٹ نورانی اے
کالی زلف تے اکھ مستانی اے
مخمور اکھیں ہن مدھ بھریاں
دو ابرو قوس مثال دسن
جیں تھیں نوک مژہ دے تیر چھٹن
لباں سرخ آکھاں کہ لعل یمن
چٹے دند موتی دیاں ہن لڑیاں
اس صورت نوں میں جان آکھاں
جانان کہ جان جہان آکھاں
سچ آکھاں تے رب دی شان آکھاں
جس شان تو شاناں سب بنیاں
ایہہ صورت ہے بے صورت تھیں
بے صورت ظاہر صورت تھیں
بے رنگ دسے اس مورت تھیں
وچ وحدت پھٹیاں جد گھڑیاں
دسے صورت راہ بے صورت دا
توبہ راہ کی عین حقیقت دا
پر کم نہیں بے سوجھت دا
کوئی ورلیاں موتی لے تریاں
ایہا صورت شالا پیش نظر
رہے وقت نزع تے روز حشر
وچ قبر تے پل تھیں جد ہوسی گذر
سب کھوٹیاں تھیں سن تد کھریاں
یعطیک ربک داس تساں
فترضی تھیں پوری آس اساں
لج پال کریسی پاس اساں
واشفع تشفع صحیح پڑھیاں
لاہو مکھ تو مخطط برد یمن
من بھانوری جھلک دکھلاو سجن
اوہا مٹھیاں گالیں الاو مٹھن
جو حمرا وادی سن کریاں
حجرے توں مسجد آو ڈھولن
نوری جھات دے کارن سارے سکن
دو جگ اکھیاں راہ دا فرش کرن
سب انس و ملک حوراں پریاں
انہاں سکدیاں تے کرلاندیاں تے
لکھ واری صدقے جاندیاں تے
انہاں بردیاں مفت وکاندیاں تے
شالا آون وت وی اوھ گھڑیاں
سبحان اللہ ما اجملک
ما احسنک ما اکملک
کتھے مہر علیؔ کتھے تیری ثنا
گستاخ اکھیں کتھے جا اڑیاں

[MR.Fkas]

Re: Naat Special Thread

نہ میرے سخن کو سخن کہو
نہ مری نوا کو نوا کہو
میری جاں کو صحنِ حرم کہو
مرے دل کو غارِ حرا کہو
میں لکھوں جو مدحِ شہہِ اُممﷺ
اور جبرائیل بنیں قلم
میں ہوں ایک ذرہء بےدرہم
مگر آفتابِ ثناء کہو
طلبِ شہہِ عربیﷺ کروں
میں طوافِ حُبِ نبیﷺ کروں
مگر ایک بےادبی کروں
مجھے اُس گلی کا گدا کہو
نہ دھنک، نہ تارا، نہ پھول ہوں
قدمِ حضورﷺ کی دُھول ہوں
میں شہیدِ عشقِ رسول ﷺہوں
میری موت کو بھی بقا کہو
جو غریب عشق نورد ہو
اُسے کیوں نہ خواہشِ درد ہو
میرا چہرہ کتنا ہی زرد ہو
میری زندگی کو ہرا کہو
ملے آپﷺ سے سندِ وفا
ہوں بلند مرتبہء صفا
میں کہوں محمدِ مصطفٰےﷺ
کہو تم بھی صلے علیٰ کہو
وہ پیام ہیں کہ پیامبر
وہ ہمارے جیسا نہیں مگر
وہ ہے ایک آئینہء بشر
مگر اُنہیں عکسِ خدا کہو
یہ مظفر ؔایسا مکین ہے
کہ فلک پہ جس کی زمین ہے
یہ سگِ براق نشین ہے
اسے شہسوارِ صبا کہو
کلام مظفر وارثی

[MR.Fkas]

Re: Naat Special Thread


یا رحمت العالمیںﷺ
الہام جامہ ہے تیرا
قرآں عمامہ ہے تیرا
منبر تیرا عرشِ بریں
یا رحمت العالمیںﷺ

آئینۂ رحمت بدن
سانسیں چراغِ علم و فن
قربِ الٰہی تیرا گھر
الفقر و فخری تیرا دھن
خوشبو تیری جوئے کرم
آنکھیں تیری بابِ حرم
نُورِ ازل تیری جبیں
یا رحمت العالمیںﷺ

تیری خموشی بھی اذاں
نیندیں بھی تیری رتجگے
تیری حیاتِ پاک کا
ہر لمحہ پیغمبر لگے
خیرالبشر رُتبہ تیرا
آوازِ حق خطبہ تیرا
آفاق تیرے سامعیں
یا رحمت العالمیںﷺ

قبضہ تیری پرچھائیں کا
بینائی پر ادراک پر
قدموں کی جنبش خاک پر
اور آہٹیں افلاک پر
گردِ سفر تاروں کی ضَو
مرقب براقِ تیز رَو
سائیس جبرئیلِ امیں
یا رحمت العالمیںﷺ

تو آفتابِ غار بھی
تو پرچم ِ یلغار بھی
عجز و وفا بھی ، پیار بھی
شہ زور بھی سالار بھی
تیری زرہ فتح و ظفر
صدق و وفا تیری سپر
تیغ و تبر صبر و یقیں
یا رحمت للعالمیںﷺ

پھر گڈریوں کو لعل دے
جاں پتھروں میں ڈال دے
حاوی ہوں مستقبل پہ ہم
ماضی سا ہم کو حال دے
دعویٰ ہے تیری چاہ کا
اس امتِ گُم راہ کا
تیرے سوا کوئی نہیں
یا رحمت العالمیںﷺ

[MR.Fkas]

Re: Naat Special Thread

میرا تو سب کچھ میرا نبی ﷺہے
سیاہیاں مجھ میں داغ مجھ میں
جلیں اُسی کے چراغ مجھ میں
اثاثۂ قلب و جاں وہی ہے
میرا تو سب کچھ میرا نبی ﷺہے

مرے گناہوں پہ اُس کا پردہ
وہ میرا اِمروز میرا فردا
ضمیر پر حاشیے اُسی کے
شعور بھی اُس کا وضع کردہ
وہ میرا ایماں، میرا تیقن
وہ میرا پیمانۂ تمدن
وہ میرا معیارِ زندگی ہے
میرا تو سب کچھ میرا نبی ﷺہے

وہ میری منزل بھی ہمسفر بھی
وہ سامنے بھی پسِ نظر بھی
وہی مجھے دُور سے پکارے
اُسی کی پرچھائی روح پر بھی
وہ رنگ میرا، وہ میری خوشبو
میں اُس کی مٹھی کا ایک جگنو
وہ میرے اندر کی روشنی ہے
میرا تو سب کچھ میرا نبی ﷺہے

اُسی کے قدموں میں راہ میری
اُسی کی پیاسی ہے چاہ میری
اُسی کی مجرم میری خطائیں
اُسی کی رحمت گواہ میری
اُسی کا غم مجھ کو ساتھ رکھے
وہی میرے دل پہ ہاتھ رکھے
وہ درد بھی ہے سکُون بھی ہے
میرا تو سب کچھ میرا نبی ﷺہے

ازل کے چہرے پہ نور اُس کا
ظہورِ عالم ظہور اُس کا
خود اُس کی آواز گفتۂ حق
خود اُس کی تنہائی طُور اُس کا
بہت سے عالی مقام آئے
خدا کے بعد اُس کا نام آئے
وہ اولیں ہے وہ آخری ہے
میرا تو سب کچھ میرا نبی ﷺہے

نہ مجھ سے بارِ عمل اُٹھے گا
نہ عذب ہی کوئی ساتھ دے گا
اگر کہے گا تو روزِ محشر
خدا سے میرا نبیﷺ کہے گا
سیاہیاں داغ صاف کر دے
اِسے بھی مولیٰ معاف کر دے
یہ میرا عاشق ہے وارثی ہے
میرا تو سب کچھ میرا نبیﷺ ہے

کلام مظفر وارثی

[.]

Re: Naat Special Thread

[intelligent086]

Re: Naat Special Thread

علم محمد ، عدل محمد، پیار محمد

علم محمد ، عدل محمد، پیار محمد
ساری اعلیٰ قدروں کا شہکار محمد

ہم اِجمالی کیا جائیں تفصیل میں اُن کی
کیا دنیا کیا عُقبیٰ سب تحویل میں اُن کی
وقت کے بیچ محمد ، وقت کے پار محمد
ساری اعلیٰ قدروں کا شہکار محمد

سورج چاند ستارے اُن کے زیرِ سایہ
جو اُن تک پہنچا وہ روشنیاں لے آیا
بانٹیں کیا کیا چمکیلے کردار محمد
ساری اعلیٰ قدروں کا شہکار محمد

بندوں سے کیا ہوں گی تحقیقات خُدا کی
مسجدِ ہستی کا رقبہ ہے ذات خُدا کی
سارے پیمبر محرابیں ، مینار محمد
ساری اعلیٰ قدروں کا شہکار محمد

دھُوپ گناہوں کی بھی سایہ دار ہے کتنی
میری درویشی سرمایہ دار ہے کتنی
میرے لب پر آیا لاکھوں بار محمد
ساری اعلیٰ قدروں کا شہکار محمد

اپنی اپنی تہذیبیں سب بھُول چکے ہیں
سب پتھر کے عہد کی جانب لوٹ رہے ہیں
دُنیا کی ہر قوم کو ہیں درکار محمد
ری اعلیٰ قدروں کا شہکار محمد

اپنی خاص عنایت صَرف بھی فرماتے ہیں
خود اُس کی توسیعِ ظرف فرماتے ہیں
عشق جسے دیتے ہیں بے مقدار محمد
ساری اعلیٰ قدروں کا شہکار محمد

کیوں نہ مظفر میرے پاؤں پڑے خوش بختی
میری گردن میں بس اُن کے نام کی تختی
میری سب خوشیاں سارے تہوار محمد
ساری اعلیٰ قدروں کا شہکار محمد
٭٭٭