do ghaRi chain se basar na hui(Taaza tarahi ghazal)

[shummu]

Salaam ahl-e-bazm..ek site pe diye gaye tarahi misre pe ghazal kehne ki koshish ki hai...ummeed hai pasand aayegi..aap ki aara ka intizaar rahega :)

baat jo pehle mo'atabar na hui
aaj kaise woh be asar na hui

usko apnii har ik khushii de dii
zindagii phir bhi mukhtasar na hui

maine khud ko jalaa jalaa Daalaa
raushnee jab jahaaN jidhar na hui

woh miree dhaRkanoN meiN kab aaye
mere is dil ko bhii khabar na hui

aisi ujlat meiN zindagii guzrii
'do ghaRi chain se basar na hui'

jab se taareekiyoN ne aa ghaeraa
mere aanGan meiN phir sahar na hui

zeest ka meri ban gayaa hissa
justujuu jiski umr bhar na hui

aakhirii uski Call thii shayad
phir kabhii baat bhool kar na hui

sunke uski wafaaoN ke charche
kaise keh doon ki chashm tar na hui

bhoolne kii 'Shumaa'ilah' usko
koi tadbeer kaargar na hui

faqat,
Shumaila

[Muhammad Khalil]

Re: do ghaRi chain se basar na hui(Taaza tarahi ghazal)

great shumaila really nice one..................

[shummu]

Re: do ghaRi chain se basar na hui(Taaza tarahi ghazal)

Thanx a lot LAST KNIGHT :-)

[Masood]

Re: do ghaRi chain se basar na hui(Taaza tarahi ghazal)

Shairi ki aisi umdah aur nafees misaal bohat kam milti hai. Yeh rawangi yeh alfaaz ki adaeegi, yeh soch ko qalamband karney ka andaz aur us per har aik shair mein aik kahani ka biyaan - Shumaila hamein itni ronaq bakhsney per bohat bohat shukriyah :)

Yeh shair mujhey kisi khaas wajah sey bohat pasand aaya hai - issey mein mehfooz karna chahta hoon:

woh miree dhaRkanoN meiN kab aaye
mere is dil ko bhii khabar na hui

Khush raho aur isi tarha likhti raho :)

[Saaram]

Re: do ghaRi chain se basar na hui(Taaza tarahi ghazal)

Shummu jee bohat umdah likha hay aapne mazeed ka wait rahe ga :)

[.]

Re: do ghaRi chain se basar na hui(Taaza tarahi ghazal)

buhat acha likha hai shummu :thmbup:

yeh wala shair buhat acha laga
woh miree dhaRkanoN meiN kab aaye
mere is dil ko bhii khabar na hui

:phool:

[shummu]

Re: do ghaRi chain se basar na hui(Taaza tarahi ghazal)

Shairi ki aisi umdah aur nafees misaal bohat kam milti hai. Yeh rawangi yeh alfaaz ki adaeegi, yeh soch ko qalamband karney ka andaz aur us per har aik shair mein aik kahani ka biyaan - Shumaila hamein itni ronaq bakhsney per bohat bohat shukriyah :)

Yeh shair mujhey kisi khaas wajah sey bohat pasand aaya hai - issey mein mehfooz karna chahta hoon:

woh miree dhaRkanoN meiN kab aaye
mere is dil ko bhii khabar na hui

Khush raho aur isi tarha likhti raho :)

Masood jee aap ke comments ka besabri se intizaar tha kyonki mujhe yaqeen tha aap ko ye kalaam zaroor pasand aayega....:) mujhe bahuuuuuuuuut khushi hui aap ke itne hauslakun comments dekh kar......dil ki gehraaiyon se shukriya qubool farmaayeiN.... meri khushnaseebi hai keh aap ne haamre sher ko is qaabil samjha ke use mehfooz karna chhate hain.....zaeroor zaroor shauq se karein..:salam:


Thanx a bunch :phool:

shumaila

[shummu]

Re: do ghaRi chain se basar na hui(Taaza tarahi ghazal)

Shummu jee bohat umdah likha hay aapne mazeed ka wait rahe ga :)

Thanx a lot Saaram jee :phool:

[shummu]

Re: do ghaRi chain se basar na hui(Taaza tarahi ghazal)

buhat acha likha hai shummu :thmbup:

yeh wala shair buhat acha laga
woh miree dhaRkanoN meiN kab aaye
mere is dil ko bhii khabar na hui

:phool:

thanx a lot Aanchal:rose

[Yaaram]

Re: do ghaRi chain se basar na hui(Taaza tarahi ghazal)

Shummu aik aur aap ki tarahi ghazal parhney ko mila.....lafzon ka taal mel bohat kamal hay :) acha likhti hain aap :) mazeed likhti rahein aur hum se share karti rahein :)

[shummu]

Re: do ghaRi chain se basar na hui(Taaza tarahi ghazal)

Bahut bahut nawaazish YAARAM jee jo aap hamesha meri hausla afzaayi farmate rehte haiN.....aap khud mashaAllah achcha likhte hain isliye aap ki jaanib se daad paake bada achcha lagta hai...shukriya!:)

Shumaila

[Z.]

Re: do ghaRi chain se basar na hui(Taaza tarahi ghazal)

v nice shummu

tumhari saari ghazlein aur nazm abhi hi perhi hain ---sabhi bohot zabardast hein

keep them coming:thmbup:

[shummu]

Re: do ghaRi chain se basar na hui(Taaza tarahi ghazal)

Thanx a lot for appreciating my work Xenya....!:rose

meri site pe u can listen to some of my ghazals also..... :)

[zmufti]

Re: do ghaRi chain se basar na hui(Taaza tarahi ghazal)

buhat khoob
shummu jee ghazal ke liye daad qabool kijye
naya kalam kab share kar rahi heN??
khush rahiye
zmufti

[sohailmalik64]

Re: do ghaRi chain se basar na hui(Taaza tarahi ghazal)

Bohat hi khub kehi shumaila ji

is sher ki to kia hi baat hay

aisi ujlat meiN zindagii guzrii
'do ghaRi chain se basar na hui'