Shab-e-hijr merii azaaboN meiN guzrii

[shummu]

Salaam ahl-e-bazm..Aanchal ke hukm ki taameel karte hue apni ek ghazal pesh kar rahi hoon ..ummeed hai aap logon ko pasand aayegi :)

shab-e-hijr merii azaaboN meiN guzrii
kisii ke khayaaloN meiN,khwaaboN meiN guzrii

kabhii manzil-e-ishq paanaa thaa aasaaN
magar justujuu tab saraaboN meiN guzrii

baDii be mazaa vasl kii raat thi jo
musalsal sawaaloN jawaaboN meiN guzrii

kahin ho na jaaye miraa ghar bhi raushan
isi khauf se zau hijaaboN meiN guzrii

kabhii sher ban ke ,kabhii ban ke naGhmaa
miree khasta haalii naqaaboN meiN guzrii

shikast-e-muhabbat ki itnii kahaanii.....
gul-e-khushk ban ke kitaaboN meiN guzrii

miree aah-o-zaarii nashaa ban ke aksar
sar-e-bazm-e-rindaaN sharaaboN meiN guzrii

woh kya jaane pur khaar rastoN ki shiddat
guzar gaah jiskii GhulaaboN meiN guzrii

naseehat hameiN kar rahaa hai woh naaSeH
sadaa umr jiskii KharaaboN meiN guzrii

agar hauslaa hai to ban ke dikhaa de
Woh LAILAA kabhi jo nisaaboN meiN guzrii!!!


Aapki aara ki muntazir,
Shumaila

[.]

Re: Shab-e-hijr merii azaaboN meiN guzrii

:thmbup:

so sweet shummu darling

apni shairi post karti rehna takay sab ko pata chalye shummu kitni achi sharaya hain :wk

[shummu]

Re: Shab-e-hijr merii azaaboN meiN guzrii

lolz thanx anchal... abhi to bahut dinon se kuch bhi naya nahi likha.... puraane kalaam hi share karti rahungi tab tak ..chalega na :-)

[Masood]

Re: Shab-e-hijr merii azaaboN meiN guzrii

shab-e-hijr merii azaaboN meiN guzrii
kisii ke khayaaloN meiN,khwaaboN meiN guzrii

Jab khawabon aur khiyalon mein hi koi ho to har shab shab-e-hijr lagti hai aur shab-e-hijr to kat'ti hi azzabon mein hain, bohat umdah naqsha kheencha hai aap ney is kafiyyat ka.

kabhii manzil-e-ishq paanaa thaa aasaaN
magar justujuu tab saraaboN meiN guzrii

baDii be mazaa vasl kii raat thi jo
musalsal sawaaloN jawaaboN meiN guzrii

Bohat khoob, manzil-e-ishq aasan ho jati agar justjoo khaam hoti aur sarabon mein na bhattak jati. Aur yeh bhi kya baat hoti hai keh wasl ki raat bohat mukhtasir hoti hai magar amooman shikwey aur shikayat mein hi guzr jati hai.

kahin ho na jaaye miraa ghar bhi raushan
isi khauf se zau hijaaboN meiN guzrii

Zabardast!

shikast-e-muhabbat ki itnii kahaanii.....
gul-e-khushk ban ke kitaaboN meiN guzrii

Muhabbat ki nishaniyon ki qabar!

woh kya jaane pur khaar rastoN ki shiddat
guzar gaah jiskii GhulaaboN meiN guzrii

Haan koi nahin janta kisi key dil per kya guzri hai. Log bas tamasha dekhtey hain :)

Shummu achha laga aap ka kalaam parh kar. Khush rahiye aur likhti rahiye :)

[shummu]

Re: Shab-e-hijr merii azaaboN meiN guzrii

itna pyaara tabsira wah. ..bahut hi achcha laga paRh ke..dil ki gehraiyon se shukriya qubool farmaayeiN MASOOD sahab...aap ne bahut hausla afzaayi hai meri..... thanx! :rose

[SAGARKHAN]

Re: Shab-e-hijr merii azaaboN meiN guzrii

wahhh kamal ghazal kahi lutf aaya parh kar:phool:
likhtii raheyey khush raheyey sadda:rose

[sheem]

Re: Shab-e-hijr merii azaaboN meiN guzrii

hmmm nice one dear:phool:

[shummu]

Re: Shab-e-hijr merii azaaboN meiN guzrii

wahhh kamal ghazal kahi lutf aaya parh kar:phool:
likhtii raheyey khush raheyey sadda:rose

bahut bahut shukriya sagar jee :)

[shummu]

Re: Shab-e-hijr merii azaaboN meiN guzrii

hmmm nice one dear:phool:

thanx a lot sheeem:rose

[Hassan]

Re: Shab-e-hijr merii azaaboN meiN guzrii

:insha:
bohat achi shaery ki hay aap ne,,,hr hr shaer main naya pn prhny ko mila hay or tarteeb or talafuzz daykh kr tu ghazal prhny ka lutf aa gaya
soch raha tha ky agr ye urdu main likhi hoti tu maza dobala ho jata.
liktry rehaey.
mare duain tumhrey stah hain
H
@
$
$
@
N

[Hassan]

Re: Shab-e-hijr merii azaaboN meiN guzrii

ohoo hooo
InshAAllah Naihn MashAAllah kahna tha........................
H
@
$
$
@
N

[shummu]

Re: Shab-e-hijr merii azaaboN meiN guzrii

bahut shukriya is qadar hausla afzaayi farmaane ka SKK jeee ..these words of appreciation means a lot to me :)

[Masood]

Re: Shab-e-hijr merii azaaboN meiN guzrii

itna pyaara tabsira wah. ..bahut hi achcha laga paRh ke..dil ki gehraiyon se shukriya qubool farmaayeiN MASOOD sahab...aap ne bahut hausla afzaayi hai meri..... thanx! :rose

Shummu achha kalaam aur pur'khaloos insaan kam kam milta hai. Jab milein to unki qadar karni chahiye :) Hamein umeed hai keh aap Pegham ko apney khoobsurat kalaam sey nawazti rahein gi :)

[shummu]

Re: Shab-e-hijr merii azaaboN meiN guzrii

zarra nawaazi ka shukriya Masood jee :)

[khurram_shaikh]

Re: Shab-e-hijr merii azaaboN meiN guzrii

Assalaam o alekum,


shummu raani hamesha ki tareh tumhari yeh ghazal bhi lajawaab hai itnien bhaari bherkam alfaaz mien kaise likh leti ho :( waise bahoot khoob likhaa hai dil ko chhoonien waali yeh ghazal hai tumhaari dili daad qabool karo aur haan aayinda bhi meri naaaaaani ( anchal ) ke huqm ki tameel kerti raho :tang: waise bahoot khushi ho rahi hai ke ab tum yehan bila naagah aanien lagi ho :) :) khush raho

kabhii sher ban ke ,kabhii ban ke naGhmaa
miree khasta haalii naqaaboN meiN guzrii

shikast-e-muhabbat ki itnii kahaanii.....
gul-e-khushk ban ke kitaaboN meiN guzrii