(2011) ke liye paiGhaam e Khayaal

[Ismail Ajaz]

(2011) ke liye paiGhaam e Khayaal ke saath Khayaal kaa aadaab !!!!

arz e Khidmat hai


kyaa kuchh tum ne khoyaa hai aur kyaa kuchh tum ne paayaa hai
aa'eene meN waqt ne chehrah mohlat kaa dikhlaayaa hai

Zehn meN dhuNdlee taSweeroN kaa halkaa saa ubhraa hai aks
nazaroN meN guzree yaadoN kaa dilkash manzar chhaayaa hai

tanhaa tanhaa chalne waale thakkar aaKhir baiTh ga'ey
milkar chalne waaloN ne manzil kaa khoj lagaayaa hai

azm aur himmat , nek iraadoN ke saNg chalte jaaow tum
seedhe raste ne qadmoN ko manzil tak pohNchaayaa hai

kyaa kuchh karnaa thaa tum ne aur kyaa naheeN kar paa'ey ho
furSat ke iss pal ne aakar aaj yehee samjhaayaa hai

"Khayaal" Zaraa dunyaa se haT kar sochow kal ke baare meN
kuyN bekaar see dunyaa kaa kaaNdhoN par bojh uThaayaa hai



Ismail Ajaz Khayaal

[saraah]

Re: (2011) ke liye paiGhaam e Khayaal

seedhay rastay ne qadmon ko manzil tak pohnchaya hai ....wahh wahhh

[thefire1]

Re: (2011) ke liye paiGhaam e Khayaal

Bohat khoob Ismail sahab, bohat hi khoobsurat andaaz say aap nay haal-e-dil ko lafzoon ki shakal main paish kia hay, likhtay rahyeh aur iss khoobsurat tehreer likhnay per khiraj-e-tehseen qubool kijyey.

[Ismail Ajaz]

Re: (2011) ke liye paiGhaam e Khayaal

seedhay rastay ne qadmon ko manzil tak pohnchaya hai ....wahh wahhh

saraah jee Khush rahiye ,Allah aap ko izzateN ataa farmaa'ey

[Ismail Ajaz]

Re: (2011) ke liye paiGhaam e Khayaal

Bohat khoob Ismail sahab, bohat hi khoobsurat andaaz say aap nay haal-e-dil ko lafzoon ki shakal main paish kia hay, likhtay rahyeh aur iss khoobsurat tehreer likhnay per khiraj-e-tehseen qubool kijyey.

beHad karam nawaazee hai aap ko ,aap kee jaanib se HauSlah afzaa'ee izzat afzaa'ee ke liye dil kee gaihraa'iyoN se sipaasguzaar hooN

[T&T]

Re: (2011) ke liye paiGhaam e Khayaal

V nice thanks

[Ismail Ajaz]

Re: (2011) ke liye paiGhaam e Khayaal

V nice thanks

maiN shukrguzaar hooN janaab aap kee nawaazishaat ke liye

mamnoon