Allama IQbal Special ..PG

[.]

Re: Allama IQbal Special ...Aanchal

حضرت علامہ محمد اقبال
کی تصنیف بانگ درا کی غزل

نالہ ہے بلبل شوریدہ ترا خام ابھی
اپنے سینے میں اسے اور ذرا تھام ابھی
پختہ ہوتی ہے اگر مصلحت اندیش ہو عقل
عشق ہو مصلحت اندیش تو ہے خام ابھی
بے خطر کود پڑا آتش نمردو میں عشق
عقل ہے محو تماشائے لب بام ابھی
عشق فرمودئہ قاصد سے سبک گام عمل
عقل سمجھی ہی نہیں معنی پیغام ابھی
شیوئہ عشق ہے آزادی و دہر آشوبی
تو ہے زناری بت خانۂ ایام ابھی
عذر پرہیز پہ کہتا ہے بگڑ کر ساقی
ہے ترے دل میں وہی کاوش انجام ابھی
سعی پیہم ہے ترازوئے کم و کیف حیات
تیری میزاں ہے شمار سحر و شام ابھی
ابر نیساں! یہ تنک بخشی شبنم کب تک
مرے کہسار کے لالے ہیں تہی جام ابھی
بادہ گردان عجم وہ ، عربی میری شراب
مرے ساغر سے جھجکتے ہیں مے آشام ابھی
خبر اقبال کی لائی ہے گلستاں سے نسیم
نو گرفتار پھڑکتا ہے تہ دام ابھی

[.]

Re: Allama IQbal Special ...Aanchal

حضرت علامہ محمد اقبال
کی تصنیف بال جبرئیل کی نظم "دعا"
(مسجد قرطبہ میں لکھی گئی)

ہے یہی میری نماز ، ہے یہی میرا وضو
میری نواؤں میں ہے میرے جگر کا لہو

صحبت اہل صفا ، نور و حضور و سرور
سر خوش و پرسوز ہے لالہ لب آبجو

راہ محبت میں ہے کون کسی کا رفیق
ساتھ مرے رہ گئی ایک مری آرزو

میرا نشیمن نہیں درگہ میر و وزیر
میرا نشیمن بھی تو ، شاخ نشیمن بھی تو

تجھ سے گریباں مرا مطلع صبح نشور
تجھ سے مرے سینے میں آتش "اللہ ھو"

تجھ سے مری زندگی سوز و تب و درد و داغ
تو ہی مری آرزو ، تو ہی مری جستجو

پاس اگر تو نہیں ، شہر ہے ویراں تمام
تو ہے تو آباد ہیں اجڑے ہوئے کاخ و کو

پھر وہ شراب کہن مجھ کو عطا کر کہ میں
ڈھونڈ رہا ہوں اسے توڑ کے جام و سبو

چشم کرم ساقیا! دیر سے ہیں منتظر
جلوتیوں کے سبو ، خلوتیوں کے کدو

تیری خدائی سے ہے میرے جنوں کو گلہ
اپنے لیے لامکاں ، میرے لیے چار سو!

فلسفہ و شعر کی اور حقیقت ہے کیا
حرف تمنا ، جسے کہہ نہ سکیں رو برو

[.]

Re: Allama IQbal Special ...Aanchal

حضرت علامہ محمد اقبال رحمۃ اللہ علیہ
کی تصنیف ضرب کلیم کی نظم "مدرسہ"

عصر حاضر ملک الموت ہے تيرا ، جس نے
قبض کی روح تری دے کے تجھے فکر معاش
دل لرزتا ہے حريفانہ کشاکش سے ترا
زندگی موت ہے، کھو ديتی ہے جب ذوق خراش
اُس جنوں سے تجھے تعليم نے بيگانہ کيا
جو يہ کہتا تھا خرد سے کہ بہانے نہ تراش
فيض فطرت نے تجھے ديدہ شاہيں بخشا
جس ميں رکھ دی ہے غلامی نے نگاہ خفاش

مدرسے نے تری آنکھوں سے چھپايا جن کو
خلوت کوہ و بياباں ميں وہ اسرار ہيں فاش

[.]

Re: Allama IQbal Special ...Aanchal

حضرت علامہ محمد اقبال رحمۃ اللہ علیہ
کی تصنیف بال جبرئیل کی غزل

نہ تخت و تاج میں نے لشکر و سپاہ میں ہے
جو بات مردِ قلندر کی بارگاہ میں ہے

صنم کدہ ہے جہاں اور مردِ حق ہے خلیل
یہ نکتہ وہ ہے کہ پوشیدہ لَآ اِلٰہ میں ہے

وہی جہاں ہے ترا جس کو تو کرے پیدا!
یہ سنگ و خشت نہیں، جو تری نگاہ میں ہے

مہ و ستارہ سے آگے مقام ہے جس کا
وہ مشتِ خاک ابھی آوارگانِ راہ میں ہے

خبر ملی ہے خدایانِ بحر و بر سے مجھے
فرنگ رہگزر سیلِ بے پناہ میں ہے

تلاش اس کی فضاؤں میں کر نصیب اپنا
جہانِ تازہ مری آہِ صبحگاہ میں ہے

مرے کدو کو غنیمت سمجھ کہ بادۂ ناب
نہ مدرسے میں ہے باقی نہ خانقاہ میں ہے

[.]

Re: Allama IQbal Special ...Aanchal

اے ہمالہ! اے فصيل کشور ہندوستاں
چومتا ہے تيری پيشانی کو جھک کر آسماں

تجھ ميں کچھ پيدا نہيں ديرينہ روزی کے نشاں
تو جواں ہے گردش شام و سحر کے درمياں

[.]

Re: Allama IQbal Special ...Aanchal

" Faazaye Baadar Paida Kar Farishte Teri Naasrat Ko "

" Utar Sakte Hain Kaatar Andar Kaatar Aab Bhi "

[.]

Re: Allama IQbal Special ...Aanchal

Tujh Ko Maalum Hai Leta Tha Koi Naam Tera?
Quwwat-e-Baazoo-e-Muslim Ne Kiya Kaam Tera

[.]

Re: Allama IQbal Special ...Aanchal

عشق کی مستی سے ہے پیکر گل تابناک
عشق ہے صہبائے خام ، عشق ہے کاس الکرام
عشق فقیہ حرم ، عشق امیر جنود
عشق ہے ابن السبیل ، اس کے ہزاروں مقام

[.]

Re: Allama IQbal Special ...Aanchal

حضرت علامہ محمد اقبال رحمۃ اللہ علی
کی تصنیف بانگ درا کی نظم
"والدہ مرحومہ کی یاد میں" سے انتخاب

جوہر انساں عدم سے آشنا ہوتا نہیں
آنکھ سے غائب تو ہوتا ہے فنا ہوتا نہیں

[.]

Re: Allama IQbal Special ...Aanchal

حضرت علامہ محمد اقبال رحمۃ اللہ علی
کی تصنیف بال جبریل کی غزل

عقل گو آستاں سے دور نہيں
اس کي تقدير ميں حضور نہيں
دل بينا بھی کر خدا سے طلب
آنکھ کا نور دل کا نور نہيں
علم ميں بھی سرور ہے ليکن
يہ وہ جنت ہے جس ميں حور نہيں
کيا غضب ہے کہ اس زمانے ميں
ايک بھی صاحب سرور نہيں
اک جنوں ہے کہ باشعور بھی ہے
اک جنوں ہے کہ باشعور نہيں
ناصبوری ہے زندگی دل کی
آہ وہ دل کہ ناصبور نہيں
بے حضوری ہے تيری موت کا راز
زندہ ہو تو تو بے حضور نہيں
ہر گہر نے صدف کو توڑ ديا
تو ہی آمادہ ظہور نہيں
ارنی ميں بھی کہہ رہا ہوں ، مگر
يہ حديث کليم و طور نہيں

[.]

Re: Allama IQbal Special ...Aanchal

حضرت علامہ محمد اقبال رحمۃ اللہ علی
کی تصنیف بانگ درا کی نظم "خضر راہ" سے

پختہ تر ہے گردش پیہم سے جام زندگی
ہے یہی اے بے خبر راز دوام زندگی

[.]

Re: Allama IQbal Special ...Aanchal

--- ارمغان حجاز سے انتخاب --

کہا اقبال نے شیخ حرم سے
تہہ محراب مسجد سو گیا کون
ندا مسجد کی دیواروں سے آئی
فرنگی بت کدے میں کھو گیا کون؟

[.]

Re: Allama IQbal Special ...Aanchal

حضرت علامہ محمد اقبال رحمۃ اللہ علی
کی تصنیف بانگ درا کی نظم
"والدہ مرحومہ کی یاد میں" سے انتخاب

یہ اگر آئین ہستی ہے کہ ہو ہر شام صبح
مرقد انساں کی شب کا کیوں نہ ہو انجام صبح

[.]

Re: Allama IQbal Special ...Aanchal

حضرت علامہ محمد اقبال رحمۃ اللہ علی
کی تصنیف بانگ درا کی نظم "تصویردرد" سے

الہی پھر مزہ کیا ہے یہاں دنیا میں رہنے کا
حیات جاوداں میری نہ مرگ ناگہاں میری

[.]

Re: Allama IQbal Special ...Aanchal

بال جبرئیل کی نظم ساقی نامہ سے ..

خودی کیا ہے راز درون حیات
خودی کیا ہے بیداری کائنات —