Allama IQbal Special ..PG

[.]

Re: Allama IQbal Special ...Aanchal

Parindoun Ki Duniya Ka Darwash Hoon Main

Kay Shaheen Banata Nahi Aashiyana

[.]

Re: Allama IQbal Special ...Aanchal

اے ہمالہ! اے فصيل کشور ہندوستاں
چومتا ہے تيری پيشانی کو جھک کر آسماں

تجھ ميں کچھ پيدا نہيں ديرينہ روزی کے نشاں
تو جواں ہے گردش شام و سحر کے درمياں

[.]

Re: Allama IQbal Special ...Aanchal

Hum Kon Hain Kiya Hain Ba-KHUDA Yad Nahi
Apne Islaaf Ki Koi Bhi Ada Yaad Nahi

[.]

Re: Allama IQbal Special ...Aanchal

Jaafa Jo ishq Main Hoti Hai Woh Jafaa Hi Nahi ...
Sitam Na Ho tu Mohabbat Main Kuch Maza Hi Nahi ..!!

[.]

Re: Allama IQbal Special ...Aanchal

حضرت علامہ محمد اقبال رحمۃ اللہ علی
کی تصنیف ضرب کلیم کی نظم
"مرد مسلمان"

ہر لحظہ ہے مومن کی نئی شان، نئی آن
گفتار میں، کردار میں، اللہ کی برہان!

قہاری و غفاری و قدوسی و جبروت
یہ چار عناصر ہوں تو بنتا ہے مسلمان

ہمسایۂ جبریل امیں بندۂ خاکی
ہے اس کا نشیمن نہ بخارا نہ بدخشان

یہ راز کسی کو نہیں معلوم کہ مومن
قاری نظر آتا ہے ، حقیقت میں ہے قرآن!

قدرت کے مقاصد کا عیار اس کے ارادے
دنیا میں بھی میزان، قیامت میں بھی میزان

جس سے جگر لالہ میں ٹھنڈک ہو، وہ شبنم
دریاؤں کے دل جس سے دہل جائیں، وہ طوفان

فطرت کا سرود ازلی اس کے شب و روز
آہنگ میں یکتا صفت سورۂ رحمن

بنتے ہیں مری کار گہ فکر میں انجم
لے اپنے مقدر کے ستارے کو تو پہچان

[.]

Re: Allama IQbal Special ...Aanchal

بال جبرئیل سے ....

نگاہ فقر میں شان سکندری کیا ہے
خراج کی جو گدا ہو ، وہ قیصری کیا ہے
بتوں سے تجھ کو امیدیں ، خدا سے نومیدی
مجھے بتا تو سہی اور کافری کیا ہے
فلک نے ان کو عطا کی ہے خواجگی کہ جنھیں
خبر نہیں روش بندہ پروری کیا ہے
فقط نگاہ سے ہوتا ہے فیصلہ دل کا
نہ ہو نگاہ میں شوخی تو دلبری کیا ہے
اسی خطا سے عتاب ملوک ہے مجھ پر
کہ جانتا ہوں مآل سکندری کیا ہے
کسے نہیں ہے تمنائے سروری ، لیکن
خودی کی موت ہو جس میں وہ سروری کیا ہے
خوش آگئی ہے جہاں کو قلندری میری
وگرنہ شعر مرا کیا ہے ، شاعری کیا ہے

[.]

Re: Allama IQbal Special ...Aanchal

بال جبرئیل سے ....


ہزار خوف ہو لیکن زباں ہو دل کی رفیق
یہی رہا ہے ازل سے قلندروں کا طریق

ہجوم کیوں ہے زیادہ شراب خانے میں
فقط یہ بات کہ پیر مغاں ہے مرد خلیق

علاج ضعف یقیں ان سے ہو نہیں سکتا
غریب اگرچہ ہیں رازی کے نکتہ ہائے دقیق

مرید سادہ تو رو رو کے ہو گیا تائب
خدا کرے کہ ملے شیخ کو بھی یہ توفیق

اسی طلسم کہن میں اسیر ہے آدم
بغل میں اس کی ہیں اب تک بتان عہد عتیق

مرے لیے تو ہے اقرار باللساں بھی بہت
ہزار شکر کہ ملا ہیں صاحب تصدیق

اگر ہو عشق تو ہے کفر بھی مسلمانی
نہ ہو تو مرد مسلماں بھی کافر و زندیق

[.]

Re: Allama IQbal Special ...Aanchal

جہاد .... ضرب کلیم سے

فتویِِ' ہے شيخ کا يہ زمانہ قلم کا ہے
دنيا ميں اب رہی نہيں تلوار کارگر

ليکن جناب شيخ کو معلوم کيا نہيں؟
مسجد ميں اب يہ وعظ ہے بے سود و بے اثر

تيغ و تفنگ دست مسلماں ميں ہے کہاں
ہو بھی، تو دل ہيں موت کی لذت سے بے خبر

کافر کی موت سے بھی لرزتا ہو جس کا دل
کہتا ہے کون اسے کہ مسلماں کی موت مر

تعليم اس کو چاہيے ترک جہاد کی
دنيا کو جس کے پنجہ خونيں سے ہو خطر

باطل کی فال و فر کی حفاظت کے واسطے
يورپ زدہ ميں ڈوب گيا دوش تا کمر

ہم پوچھتے ہيں شيخ کليسا نواز سے
مشرق ميں جنگ شر ہے تو مغرب ميں بھی ہے شر

حق سے اگر غرض ہے تو زيبا ہے کيا يہ بات
اسلام کا محاسبہ، يورپ سے درگزر

[.]

Re: Allama IQbal Special ...Aanchal

حضرت علامہ محمد اقبال رحمۃ اللہ علیہ
کی فارسی تصنیف "اسرار خودی" سے،
برادرم محمد شعیب صاحب کا انتخاب --

باز بر خوانم ز فیض پیر روم
دفتر سر بستہ اسرار علوم

میں پیر روم کے فیض سے پھر وہ دفتر دنیا کو سنادوں جس میں علوم کے اسرار بند ہیں (علوم کے رازوں کی سربمہرکتاب پھر پڑھوں)

مشکل الفاظ کے معانی:
باز بر خوانم: دوبارہ پڑھوں، یا پھر پڑھوں
ز فیض پیر روم: پیر روم کے فیض سے
دفتر: بیاض،رجسٹر،طویل مضمون
سربستہ: ایسی چیز جو ڈھکی ہوئی ہو
اسرار علوم: علموں کے راز، بھید

[.]

Re: Allama IQbal Special ...Aanchal

--- بال جرئیل سے انتخاب ---

پوچھ اس سے کہ مقبول ہے فطرت کی گواہی
تو صاحب منزل ہے کہ بھٹکا ہوا راہی
کافر ہے مسلماں تو نہ شاہی نہ فقیری
مومن ہے تو کرتا ہے فقیری میں بھی شاہی
کافر ہے تو شمشیر پہ کرتا ہے بھروسا
مومن ہے تو بے تیغ بھی لڑتا ہے سپاہی
کافر ہے تو ہے تابع تقدیر مسلماں
مومن ہے تو وہ آپ ہے تقدیر الہی
میں نے توکیا پردئہ اسرار کو بھی چاک
دیرینہ ہے تیرا مرض کور نگاہی

[.]

Re: Allama IQbal Special ...Aanchal

-- ضرب کلیم سے انتخاب ---

اجتہاد

ہند میں حکمت دیں کوئی کہاں سے سیکھے*
نہ کہیں لذت کردار، نہ افکار عمیق*
حلقہ شوق میں وہ جرات اندیشہ کہاں
آہ محکومی و تقلید و زوال تحقیق!
خود بدلتے نہیں، قرآں کو بدل دیتے ہیں
ہوئے کس درجہ فقیہان حرم بے توفیق!
ان غلاموں کا یہ مسلک ہے کہ ناقص ہے کتاب
کہ سکھاتی نہیں مومن کو غلامی کے طریق!

[.]

Re: Allama IQbal Special ...Aanchal

--- بال جبرئیل سے انتخاب ---

اپنی جولاں گاہ زیر آسماں سمجھا تھا میں
آب و گل کے کھیل کو اپنا جہاں سمجھا تھا میں
بے حجابی سے تری ٹوٹا نگاہوں کا طلسم
اک ردائے نیلگوں کو آسماں سمجھا تھا میں
کارواں تھک کر فضا کے پیچ و خم میں رہ گیا
مہروماہ و مشتری کو ہم عناں سمجھا تھا میں
عشق کی اک جست نے طے کر دیا قصہ تمام
اس زمین و آسماں کو بے کراں سمجھا تھا میں
کہہ گئیں راز محبت پردہ دار یہاے شوق
تھی فغاں وہ بھی جسے ضبط فغاں سمجھا تھا میں
تھی کسی درماندہ رہرو کی صداے درد ناک
جس کو آواز رحیل کارواں سمجھا تھا میں

[.]

Re: Allama IQbal Special ...Aanchal

--- بال جبرئیل سے انتخاب ---

امین راز ہے مردان حر کی درویشی
کہ جبرئیل سے ہے اس کو نسبت خویشی
کسے خبر کہ سفینے ڈبو چکی کتنے
فقیہ و صوفی و شاعر کی نا خوش اندیشی
نگاہ گرم کہ شیروں کے جس سے ہوش اڑ جائیں
نہ آہ سرد کہ ہے گوسفندی و میشی
طبیب عشق نے دیکھا مجھے تو فرمایا
ترا مرض ہے فقط آرزو کی بے نیشی
وہ شے کچھ اور ہے کہتے ہیں جان پاک جسے
یہ رنگ و نم ، یہ لہو ، آب و ناں کی ہے بیشی

[.]

Re: Allama IQbal Special ...Aanchal

--- بانگ درا سے انتخاب ---

دعا

یارب دِل مسلم کو وہ زندہ تمنا دے
جو قلب کو گرما دے، جو روح کو تڑپا دے

پھر وادئ فاراں کے ہر ذرّے کو چمکا دے
پھر شوقِ تماشا دے، پھر ذوقِ تقاضا دے

محرومِ تماشا کو پھر دیدہء بینا دے
دیکھا ہے جو کچھ میں نے اوروں کو بھی دکھلادے

بھٹکے ہوئے آہو کو، پھر سوئے حرم لے چل
اس شہر کے خوگر کو، پھر وسعتِ صحرا دے

پیدا دِل ویراں میں، پھر شورشِ محشر کر
اس محملِ خالی کو، پھر شاھدِ لیلا دے

اس دور کی ظلمت میں ہر قلبِ پریشاں کو
وہ داغ محبت دے، جو چاند کو شرما دے

رفعت میں مقاصد کو ہمدوشِ ثریّا کر
خوددارئ ساحل دے، آزادی دریا دے

بے لوث محبت ہو، بیباک صداقت ہو
سینوں میں اجالا کر، دل صورتِ مینا دے

احساس عنایت کر آ ثارِ مصیبت کا
امروز کی شورش میں اندیشہء فردا دے

میں بلبلِ نالاں ہوں اک اجڑے گلستاں کا
تاثیر کا سائل ہوں، محتاج کو داتا دے

[.]

Re: Allama IQbal Special ...Aanchal

--- بال جبرئیل سے انتخاب ---

ایک نوجوان کے نام

ترے صوفے ہیں افرنگی ، ترے قالیں ہیں ایرانی
لہو مجھ کو رلاتی ہے جوانوں کی تن آسانی
امارت کیا ، شکوہ خسروی بھی ہو تو کیا حاصل
نہ زور حیدری تجھ میں ، نہ استغنائے سلمانی
نہ ڈھونڈ اس چیز کو تہذیب حاضر کی تجلی میں
کہ پایا میں نے استغنا میں معراج مسلمانی
عقابی روح جب بیدار ہوتی ہے جوانوں میں
نظر آتی ہے اس کو اپنی منزل آسمانوں میں
نہ ہو نومید ، نومیدی زوال علم و عرفاں ہے
امید مرد مومن ہے خدا کے راز دانوں میں
نہیں تیرا نشیمن قصر سلطانی کے گنبد پر
تو شاہیں ہے ، بسیرا کر پہاڑوں کی چٹانوں میں