~~Bait Baazi~~

[Khushi]

Re: ~~Bait Baazi~~

lo ji ye tou Tariq Aziz Show wali bait bazi shru ho gaee.teams aik he lambi si ghazal yaad ker aati hain aur ussi lafz per atki rehti hain. seems aap ne bhi yehi kaam kerna hai :hehe:

gay dinon ka surag lykar kidhar se aya kidhar giya wo
ajeeb manos ajnabi tha mujhy to hayran kar giya wo

Wow

[Masood]

Re: ~~Bait Baazi~~

to aur kya ab aap ko sahih bait bazi ka mazzah aaey na :p

woh log kartey hain tareef-e-khuld mamber per
giney nahin jo kabhi koo-e-yaar key nazdeek
Kaaf

[Khushi]

Re: ~~Bait Baazi~~

:lol waquii

Kesi mohabbat kahan ka ishq, hum pe sab kuch roshan tha
yun he bus ik shoq hua tha, aao dil berbad karen!!!

Noon

[Masood]

Re: ~~Bait Baazi~~

nishaat-e-daagh gham-e-ishq ki bahar na pooch
shaguftgi hai shaheed-e-gul khizana-e-shama'a

Ain

[Khushi]

Re: ~~Bait Baazi~~

Ishq ne seekh he li waqt ki taqseem k ab
Woh mujhe yaad tou aata hai mager kaam k baad

daal

:wave

[Baad-e-Saba]

Re: ~~Bait Baazi~~

Dil ky phaphooly jal uthhy, seeny ky daagh sy
iss ghar ko aag lag gaii ghar ky charaagh sy

yey

[Masood]

Re: ~~Bait Baazi~~

Yeh kahan ki dosti hai keh baney hain dost naaseh
koi charasaaz hota, koi gham'gusaar hota
alif

[aik_lerki]

Re: ~~Bait Baazi~~

Isi ishq say ise maan sy ise chah say ise piyar say
mere aankh mai koe khawab do mai bohat dino sy udaas hon

noon

[Masood]

Re: ~~Bait Baazi~~

nahin maloom kis kis ka lahoo pani huwa ho ga
qayamat hai sarshak aaluda hona teri mizgaan ka

Alif

[aik_lerki]

Re: ~~Bait Baazi~~

Aik baar to mere aankhon ki piyas bujha do
lazim hai wakt rukhsat ki khawahish ka ahtiram

meem

[Masood]

Re: ~~Bait Baazi~~

Mujh ko woh do keh jissey khaa key na paani mangoon
zehar kuchh aur sahi, aab-e-baqa aur sahi

yey

[aik_lerki]

Re: ~~Bait Baazi~~

yay kiya thakan hai ky khawabo say aankh der hai
yay kesa dasht hai jis mai kise ko piyaas nahe

noon

[Baad-e-Saba]

Re: ~~Bait Baazi~~

nahin maloom kis kis ka lahoo pani huwa ho ga
qayamat hai sarshak aaluda hona teri mizgaan ka

Alif

aadhii sy diaada shab e gham kaat chuka hoon
abb bhii agar aa jaao to ye raat buhat hy

[Masood]

Re: ~~Bait Baazi~~

na janoon nek hoon ya bad hoon, per sohbat mukhalif hai
jo gul hoon to hoon gulkhun main jo khas hoon to hoon gulshan main

Noon

[aik_lerki]

Re: ~~Bait Baazi~~

Na tamanna chand ki kee na aarzoo sitaro ki
phir kion siyahe raton ki muqadder mera bani


yay