~~Bait Baazi~~

[Gul]

Re: ~~Bait Baazi~~

Ramzein on ki wohi janein humein tu bass itni khabar achi
keh keh daynay say acha lagta hay khamoshi ki zuban sun-na

[Masood]

Re: ~~Bait Baazi~~

itna bhi waqt kab tha keh patwar tham they
aisi chali hawa keh safeeney ulat gaey

yey

[Gul]

Re: ~~Bait Baazi~~

yeh kashti-e-hiyat, hawa-oun k rukh pay hay
hum khud hee jhailtay hein qismat ka khel dayko
wao

[Masood]

Re: ~~Bait Baazi~~

wohi karwaan, wohi raastey, wohi zindagi, wohi marhaley
magar apney apney muqaam per, kabhi ham nahin kabhi tum nahin

Noon

[Gul]

Re: ~~Bait Baazi~~

nahi hay zabat ab itna keh sailaboun ko yeh rokein
palkoun kay yeh nazuk band tu ab kholnay hee walay hein
noon

[Masood]

Re: ~~Bait Baazi~~

Na tifal ban, na dila mehw-e-husn-e-surat ho
khaloney miti key kartey hain be'shaoor pasand

Daal

[Gul]

Re: ~~Bait Baazi~~

Day do naam oss ko wafa ka cha-hay ya keh do jafa ossko
kay dil mein nam tu hay onn ka , kiya hay jo wo nahi apnay
yey

[Masood]

Re: ~~Bait Baazi~~

yeh kau dil key andheron sey shaam hotey hi
chiragh ley key guzarta dikhaii deta hai

yey

[Gul]

Re: ~~Bait Baazi~~

yeh aankhein hee hein jalti jab koi tareek saya ho
jo kahin pay rooh kay rastay dil mein aa k chaya ho
jahan pay guzray lamhoun kay sabhi qisay chupa-ay houn
jahan pay waqt nay khushi ka koi geet gaya ho..

Wao

[Masood]

Re: ~~Bait Baazi~~

woh khar khar hai shakh-e-gulab ki manind
main zakhm zakhm hoon phir bhi galey lagaoun ussey

yey

[Gul]

Re: ~~Bait Baazi~~

yeh gulab say sajay rastay jin pay sab hans kay chal gay hein
kantoun nay hee tu in gulon ko zamany say bachaya
alif

[Masood]

Re: ~~Bait Baazi~~

Ab key saal poonam mein jab tu aaey gi milney
ham ney soch rakha hai, raat yun guzarein gey
dharkanein bichaa dein, shokh terey qadmon mein
ham nigahon sey teri aalki utarein gey

yey

[Gul]

Re: ~~Bait Baazi~~

yeh kahan ki dosti hay keh banay hein dost naseh
koi chara saz hota koi ghumgusar hota
Alif

[Masood]

Re: ~~Bait Baazi~~

aashiyana, na qafas aur na chaman yaad aaya
aankh khulney bhi na paii thi keh sayyad aaya
alif

[Gul]

Re: ~~Bait Baazi~~

ab tu wafa kay zikar say bhi dil ghabrata hay
jab bhi sham dhalnay pay soraj b sath choray tu!

wao