Aik Ehsaas - Aik Biyaan - Aik Shi'r

[Masood]

Re: Aik Ehsaas - Aik Biyaan - Aik Shi'r

maza aa jaey ga mehshar mein kuchh suneney sunaaney ka
zuban to meri ho gi aur kahani aap ki ho gi

[*muSkaan*]

Re: Aik Ehsaas - Aik Biyaan - Aik Shi'r

hehe qayamat aa jaey gi tumharey sambhaltey sambhaltey :kr:

::::::::::::::::::::::::

Woh mehrbaan rahey bhi to kab tak hamarey, hui shama gul aur doobey sitarey
Qamar is qadar unko jaldi thi ghar ki, woh ghar chal diyey chandni dhaltey dhaltey

haaan....achaa to apki hopes Qaayamat takk kaim rahengi...
bohat himmat hai.... 372-haha

wah wah.... kiske ghar??? 372-haha
(sorry....:kr: )

[saraah]

Re: Aik Ehsaas - Aik Biyaan - Aik Shi'r

hansnay ka shoq hum ko b thaa aap ki trah
hansiye magr hansanay ka maza hum se poochiye........

[Eshaa Chaudhry]

Re: Aik Ehsaas - Aik Biyaan - Aik Shi'r

Kat to jaati hai magar raat ki fitrat hai ajeeb
Is ko chup chaap jo kaato to sadee ban jaye

[Masood]

Re: Aik Ehsaas - Aik Biyaan - Aik Shi'r

Maloom hain mujh ko terey ahwaal keh main bhi
muddat hui thi guzra tha isi raah'guzar sey

[saraah]

Re: Aik Ehsaas - Aik Biyaan - Aik Shi'r

aqal Naasikh Hai Har Dam Lagzish E Paa Ka Khyaal
dil Wo Diwana Yehi Chahay K Nadani Kre

[Masood]

Re: Aik Ehsaas - Aik Biyaan - Aik Shi'r

kaun janey yeh muhabbat ki saza hai keh sila
ham kinarey peh bhi pohanchey to kinara na mila
bujh geya chand kisi dard bharey dil ki tarha
raat ka rang abhi aur bhi kala ho geya

[WASI ANJUM]

Re: Aik Ehsaas - Aik Biyaan - Aik Shi'r

Woh mujh ko bhool betha hai nahi hua hairan sun kar
woh apni aam si cheezon ko aksar bhool jata hai

[Masood]

Re: Aik Ehsaas - Aik Biyaan - Aik Shi'r

Ilm-o-fun key deewaney, aashqi sey dartey hain
zindagi key maarey hain, zindagi sey dartey hain
yun to ham zamaney mein kab kisi sey dartey hain
aadmi key maarey hain, aadmi sey dartey hain
tauba aur jawani mein, aey Khumaar kya kehna
log aap jaisey hi, mutaqqi sey dartey hain

[saraah]

Re: Aik Ehsaas - Aik Biyaan - Aik Shi'r

suraahi bazm me jab qehqhay ughalti hai
sakoot e jaam pe derveish muskurata hai

[Eshaa Chaudhry]

Re: Aik Ehsaas - Aik Biyaan - Aik Shi'r

boht pehlay ye nazm perhi thi kisi magazine mein.....jis ki wordings kuch change kar k apni diary mein note kiya.....its one of my favrt :rose


chalo us des chalien

jahan phool khile hon pather mien
jahan deep saje hon gher gher mien
jahan her mausam ho bheega sa
jahan sehra bhi ho derya sa
jahan ansoo heeray mooti hon
jahan aankhien jheel si gehri hon
jahan ghanghor registano mein bhi
khumaar ki titli urti ho

chalo us des chalien
Aoo chalo us des cahlien

jahan aag hawa ka anchal ho
jahan noor shafaq sa kajal ho
jahan gaiso gaiso badal ho
jahan sher bayan mien shamil ho
jahan matlah shabnam sa tapke
jahan maqtah khushboo sa mehke
jahan ghazal bhi jaam-o-saghir ho
jahan her mausam hi shair ho
chalo us des chalien

jahan shaam sawere milte hon
Jahan sab apany samajhtay hon
jahan gham ke phool na khilte ho
jahan log dhanak ko urhte hon
jahan gham bhi oos mien dhulte hon
jahan qadam qadam kinare hon
jahan jugnu shaam ke tare hon
jahan zakhm zakhm sunhera ho
jahan dukh pe lakhon pehra ho
jahan girya shaaz-o- nadir hon

[Masood]

Re: Aik Ehsaas - Aik Biyaan - Aik Shi'r

jo fareb main ney khaya, tujhey raazdaan samajh ker
ussey kaisey bhool jaoun ik daastaan samajh ker
na mitao thokron sey yeh mizaar hai kisi ka
zara reham kar Khudara issey ik nishaan samajh ker
arey O jilaaney waley, yeh tera hi tha nasheman
jissey tu ney phoonk dala mera aashiyaan samajh ker

[saraah]

Re: Aik Ehsaas - Aik Biyaan - Aik Shi'r

kahnaiyaan hi sahi sab mubalghay hi sahi
agar wo khwaab hai taabeer kr k dekhtay hain

[Masood]

Re: Aik Ehsaas - Aik Biyaan - Aik Shi'r

meri rooh ki haqeeqt merey aansuoun sey poochho
mera majlisi tabbassum mera tarjumaan nahin hai
inhi pathron peh chal keh agar aa sako to aao
merey ghar key raastey mein koi kehkashaan nahin hai

[Eshaa Chaudhry]

Re: Aik Ehsaas - Aik Biyaan - Aik Shi'r

Usee ka sheher wahi muddai wahi munsif
Hame yaqeeN tha hamara qusoor niklega