December ( دسمبر شاعری ) poetry Collection

[.]

Re: December ( دسمبر ) poetry Collection

Bicharr K Surkh Phol0n Ki Rutein Veeran Kar Gaya...
Wo Jis K Dam Se Hota Tha Kabhi Aabad December...!!

[.]

Re: December ( دسمبر ) poetry Collection

thitharti hui shab e siyah aur woh bhi taveel tar

mohsin hijr kay maaron par qayamat hai december

[.]

Re: December ( دسمبر ) poetry Collection

" Mujhe Ab Farq Nahi Parrhta December Beet Janay Sy.....!!!

" Udaasi Meri Fitrat Hai, Issay Mausam Se Kiya Matlb.....!!!

[.]

Re: December ( دسمبر ) poetry Collection

امجد اسلام امجد کی نظم "آخری چند دن دسمبر کے"

آخری چند دن دسمبر کے

ہر برس ہی گراں گزرتے ہیں
خواہشوں کے نگار خانے میں
کیسے کیسے گماں گزرتے ہیں

رفتگاں کےبکھرتے سالوں کی
ایک محفل سی دل میں سجتی ہے

فون کی ڈائری کے صفحوں سے
کتنے نمبر پکارتے ہیں مجھے
جن سے مربوط بے نوا گھنٹی
اب فقط میرے دل میں بجتی ہے

کس قدر پیارے پیارے ناموں پر
رینگتی بدنما لکیریں سی
میری آنکھوں میں پھیل جاتی ہیں
دوریاں دائرے بناتی ہیں

دھیان کی سیڑھیوں میں کیا کیا عکس
مشعلیں درد کی جلاتے ہیں
ایسے کاغذ پہ پھیل جاتے ہیں

حادثے کے مقام پر جیسے
خون کے سوکھے نشانوں پر
چاک کی لائنیں لگاتے ہیں

ہر دسمبر کے آخری دن میں
ہر برس کی طرح اب بھی

ڈائری ایک سوال کرتی ہے
کیا خبر اس برس کے آخر تک

میرے ان بے چراغ صفحوں سے
کتنے ہی نام کٹ گئے ہونگے
کتنے نمبر بکھر کے رستوں میں
گرد ماضی سے اٹ گئے ہونگے

خاک کی ڈھیریوں کے دامن میں
کتنے طوفان سمٹ گئے ہونگے

ہردسمبر میں سوچتا ہوں میں
ایک دن اس طرح بھی ہونا ہے
رنگ کو روشنی میں کھونا ہے

اپنے اپنے گھروں میں رکھی ہوئی
ڈائری ،دوست دیکھتے ہونگے

ان کی آنکھوں کے خاکدانوں میں
ایک صحرا سا پھیلتا ہوگا
اور کچھ بے نشاں صفحوں سے

نام میرا بھی

کٹ گیا ہوگا
(امجد اسلام امجد)

[.]

Re: December ( دسمبر ) poetry Collection




ہمارے حال پر رویا دسمبر
وہ دیکھو ٹوٹ کر برسا دسمبر

گزر جاتا ہے سارا سال یوں تو
نہیں کٹتا مگر تنہا دسمبر

بھلا بارش سے کیا سیراب ہوگا
تمھارے وصل کا پیاسا دسمبر

وہ کب بچھڑا، نہیں اب یاد لیکن
بس اتنا علم ہے کہ تھا دسمبر

یوں پلکیں بھیگتی رہتی ہیں جیسے
میری آنکھوں میں آ ٹھہرا دسمبر

جمع پونجی یہی ہے عمر بھر کی
میری تنہائی اور میرا دسمبر

[.]

Re: December ( دسمبر ) poetry Collection

تیس دن تک اسی دیوار پہ لٹکے گا یہ عکس
ختم اک دن میں دسمبر نہیں ہونے والا

[.]

Re: December ( دسمبر ) poetry Collection

تری یاد کی برف باری کا موسم
سلگتا رہا دل کے اندر اکیلے
ارادہ تھا جی لوں گا تجھ سے بچھڑ کر
گزرتا نہیں ہے دسمبر اکیلے

[.]

Re: December ( دسمبر ) poetry Collection

کسی کو دیکھوں تو ماتھے پہ ماہ و سال ملیں
کہیں بکھرتی ہوئی دھول میں سوال ملیں
ذرا سی دیردسمبر کی دھوپ میں بیٹھیں
یہ فرصتیں ہمیں شاید نہ اگلے سال ملیں

[.]

Re: December ( دسمبر ) poetry Collection

چاندنی دسمبر کی
رات اُس نے پوچھا تھا
تم کو کیسی لگتی ہے
چاندنی دسمبر کی
میں نے کہنا چا ہا تھا
سال و ماہ کے بارے میں
گفتگو کے کیا معنی
چاہے کوئی منظر ہو
دشت ہو دسمبر ہو
جون ہو دسمبر ہو
دھڑکنوں کا ہر نغمہ
منظروں پہ بھاری ہے
ساتھ جب تمہارا ہو
دل کو اک سہارا ہو
ایسا لگتا ہے جیسے
اک نشہ سا طاری ہے
لیکن اُس کی قربت میں
کچھ نہیں کہا میں نے
تکتی رہ گئی مچھ کو
چاندنی دسمبر کی

[.]

Re: December ( دسمبر ) poetry Collection

الاؤ بن کے دسمبر کی سرد راتوں میں
تیرا خیال میرے طاقچوں میں رہتا ہے
بچا کے خود کو گزرنا محال لگتا ہے
تمام شہر میرے راستوں میں رہتا ہے

[.]

Re: December ( دسمبر ) poetry Collection

سرد راتوں کی بھیگی تنہائی ،
برستی بوند کے چھوتے ہی سلگتا سا بدن ،
بیتی یادوں بیتے لمحوں میں سلگتا ہوا دل ،
یوں گزرے سال کے سارے دکھ اور سارے غم ،
اکیلا ایک دسمبر سہہ لیتا ہے

[.]

Re: December ( دسمبر ) poetry Collection

دسمبر کی سرد راتوں میں اک آتش داں کے پاس
گھنٹوں تنہا بیٹھنا، بجھتے شرارے دیکھنا
جب کبھی فرصت ملے تو گوشہ تنہائی میں
یاد ماضی کے پرانے گوشوارے دیکھنا

[.]

Re: December ( دسمبر ) poetry Collection

تپش ہے کیسی دسمبر کی ان ہواؤں میں

تپش ہے کیسی دسمبر کی ان ہواؤں میں
سلگ رہا ہے یہاں بدن بھی تو چھاؤں میں

نا آیا لوٹ کے اور انتظار چھوڑ گیا
کہاں تلاش کریں اس کو اب خلاؤں میں

نا دیکھا اس نے پلٹ کر نا میری بات سنی
خدایا اتنا اثر بھی نہیں صداؤں میں ! ! !

ہنسی دکھاوا ہے ، رشتہ ہے آنسوؤں سے میرا
کے میرا جنم ہوا ہے انہی گھٹاؤں میں

نظر ملا کے جتائی ہوئی غضب الفت
شمار ہم کو کیا اس نے بیوفاؤں میں

لٹا ہے کوئی ، کسی کا ہوا ہے قتل یہاں ؟
لہو برستا ہے ساون کی کیوں گھٹاؤں میں ؟

وفا بھی جرم ہے ساغر کے ہے گناہ عظیم
کڑی ہے اس کی سا دھر کی سزاؤں میں

[.]

Re: December ( دسمبر ) poetry Collection

یہ سال بھی اداس رہا روٹھ کر گیا
تجھ سے ملے بغیر دسمبر گذر گیا
جو بات معتبر تھی،وہ سر سے گزر گئی
جو حرف سرسری تھا وہ دل میں اُتر گیا

[.]

Re: December ( دسمبر ) poetry Collection

بے قرار دسمبر

بے قرار موسم میں ،
یاد کے جھرونکوں سے ،
پھر تمہی سے ملنے کی ،
دل میں کتنی خواہش ہے ،

جو اُداس رکھتی ہے آج کل ،
دسمبر کی پھر اُداس شامیں ہیں ،
ان اجاڑ آنکھوں میں ،
زرد زرد راتیں ہیں ،

بارشوں کے موسم میں ،
ٹوٹ پھوٹ جاتا ہوں ،
جب بھی یاد آتے ہو ،
خود کو بھول جاتا ہوں . . . . ! ! !