December ( دسمبر شاعری ) poetry Collection

[.]

Re: December ( دسمبر ) poetry Collection

یہ سال بھی اداس رہا روٹھ کر گیا
تجھ سے ملے بغیر دسمبر گزر گیا

[.]

Re: December ( دسمبر شاعری ) poetry Collection

ہلکی ہلکی سی سرد ہوا‘ذراذرا سا درد دل
انداز اچھا ہے دسمبر تیرے آنے کا

[.]

Re: December ( دسمبر ) poetry Collection

دسمبر آن پہنچا ہے

ابھی ہجر کا قیام ہے اور دسمبر آن پہنچا ہے
یہ خبر شہر میں عام ہے دسمبر آن پہنچا ہے

آنگن میں اُتَر آئی ہے مانوس سی خوشبو
یادوں کا اژدھام ہے دسمبر آن پہنچا ہے

خاموشیوں کا راج ہے خزاں تاک میں ہے
اُداسی بھی بہت عام ہے دسمبر آن پہنچا ہے

تیرے آنے کی امید بھی ہو چکی معدوم
نئے سال کا اہتمام ہے دسمبر آن پہنچا ہے

خنک رت میں اُداسی بھی چوکھٹ پے کھڑی ہے
جاڑے کی اداس شام ہے دسمبر آن پہنچا ہے

تم آؤ تو میرے موسموں کی بھی تکمیل ہو جائے
نئی رت تو سر بام ہے دسمبر آن پہنچا ہے

[.]

Re: December ( دسمبر ) poetry Collection

ہمارے حال پر رویا دسمبر
وہ دیکھو ٹوٹ کر برسا دسمبر

گزر جاتا ہے سارا سال یوں تو
نہیں کٹتا مگر تنہا دسمبر

بھلا بارش سے کیا سیراب ہوگا
تمھارے وصل کا پیاسا دسمبر

وہ کب بچھڑا، نہیں اب یاد لیکن
بس اتنا علم ہے کہ تھا دسمبر

یوں پلکیں بھیگتی رہتی ہیں جیسے
میری آنکھوں میں آ ٹھہرا دسمبر

جمع پونجی یہی ہے عمر بھر کی
میری تنہائی اور میرا دسمبر

[.]

Re: December ( دسمبر ) poetry Collection

اکیلا دسمبر

سرد راتوں کی بھیگی تنہائی ،
برستی بوند کے چھوٹتے ہی سلگتا سا بدن ،
بیتی یادوں بیتے لمحوں میں سلگتا ہوا دل ،
یوں گزرے سال کے سارے دکھ اور سارے غم ،
اکیلا ایک دسمبر سہہ لیتا ہے

[.]

Re: December ( دسمبر ) poetry Collection

قبل اس کے۔ ۔ ۔
دسمبر کی ہواؤں سے رگوں میں خون کی گردش ٹھہر جائے
جسم بے جان ہو جائے
تمہاری منتظر پلکیں جھپک جائیں
بسا جو خواب آنکھوں میں ہے وہ ارمان ہوجائے
برسوں کی ریاضت سے
جو دل کا گھر بنا ہے پھر سے وہ مکان ہو جائے
تمہارے نام کی تسبیح بھلادیں دھڑکنیں میری
یہ دل نادان ہو جائے
تیری چاہت کی خوشبو سے بسا آنگن جو دل کا ہے
وہ پھر ویران ہوجائے
قریب المرگ ہونے کا کوئی سامان ہوجائے
قبل اس کے۔ ۔ ۔
دسمبر کی یہ ننھی دھوپ کی کرنیں
شراروں کی طرح بن کر، میرا دامن جلا ڈالیں
بہت ممکن ہے
پھر دل بھی برف کی مانند پگھل جائے
ممکن پھر بھی یہ ہے جاناں۔ ۔ ۔
کہ تیری یاد بھی کہیں آہ بن کر نکل جائے
موسمِ دل بدل جائے ۔ ۔ ۔
یا پہلے کی طرح اب پھر دسمبر ہی نہ ڈھل جائے
!قبل اس کے۔ ۔ ۔
دسمبر اور ہم تیری راہوں میں بیٹھے تم کو یہ آواز دیتے ہیں
کہ تم ملنے چلے آؤ
دسمبر میں چلے آؤ

[.]

Re: December ( دسمبر ) poetry Collection

دسمبر اب کے آؤ تو

دسمبر اب کے آؤ تو
تم اس شہرتمنا کی خبر لانا
کے جس میں جگنوں کی کہکشائیں جھلملاتی ہیں
جہاں تتلی کے رنگوں سے فضائیں مسکراتی ہیں
وہاں چاروں طرف خوشبو وفا کی ہے
اور اس کو جو بھی پوروں سے
نظر سے چھو گیا پل بھر
مہک اٹھا

دسمبر اب کے آؤ تو
تم اس شہر تمنا کی خبر لانا
جہاں پر ریت کے ذرے ستارے ہیں
گل و بلبل ، ماہ و انجم وفا کے استعارے ہیں
جہاں دل وہ سمندر ہے ، جس کے کئی کنارے ہیں
جہاں قسمت کی دیوی مٹھیوں میں جگمگاتی ہے
جہاں دھڑکن کی لے پر بےخودی نغمیں سناتی ہے
دسمبر ہم سے نا پوچھو ہمارے شہر کی بابت
یہاں آنکھوں میں گزرے کارواں کی گرد ٹھری ہے
لبوں پر ال آتش ہیں ، باتوں میں فاقے پنپتے ہیں

محبت برف جیسی ہے یہاں
اور دھوپ کے کھیتوں میں اگتی ہے
یہاں جب صبح آتی ہے
تو شب کے سارے سپنے
راکھ کے ایک ڈھیر کی صورت میں ڈھلتے ہیں
یہاں جذبوں کی ٹوٹی کرچیاں آنکھوں میں چبھتی ہیں
یہاں دل کے لہو میں
اپنے لیکھوں کو دبو کر ہم
سنہرے خواب بنتے ہیں
پھر ان خوابوں میں جیتے ہیں
انہی خوابوں پے مارتے ہیں

دریدہ روح کو لفظوں سے سینا گو نہیں ممکن
مگر پھر بھی
دسمبر اب کے آؤ تُو
تم اس شہر تمنا کی خبر لانا . . . . . ! ! !

[.]

Re: December ( دسمبر شاعری ) poetry Collection

دسمبر آ کے گزر جائے گا

دسمبر آ کر گزر جائے گا
اک پیڑ کے نا جانے کتنے پتّے گرا جائے گا
دسمبر آ کر گزر جائے گا
چڑیاں چہکیں گی یخ بستا راتوں میں
اور پیڑوں پہ آ کر یہ گم صم رہیں گی
نا کوئی ہری شاخ ہو گی
نا کوئی پَتّا ہو گا
دسمبر آ کر گزر جائے گا
کتنے پرندے بے گھر ہو جائیں گے
جلا دے گی ان کو دسمبر کی ٹھنڈی ہوا
نا جانے کتنے خواب بن تعبیر ڈھل جائیں گے
دسمبر آ کر گزر جائے گا
اک پیڑ کے نا جانے کتنے پتّے گرا جائے گا

[.]

Re: December ( دسمبر ) poetry Collection

دسمبر کی آس

دسمبر جب بھی آتا ہے
وہ پگلی . . .
پھر سے بیتے موسموں کی
تلخیوں کو
یاد کرتی ہے
پرانا کارڈ پڑھتی ہے
کے جس میں اس نے
لکھا تھا
میں لوٹوں گا دسمبر میں

نئے کپڑے بناتی ہے
وہ سارا گھر سجاتی ہے
دسمبر کے ہر اک دن کو
وہ گن گن کر بیتاتی ہے
جونہی 15 گزرتی ہے
وہ کچھ کچھ ٹوٹ جاتی ہے
مگر پھر بھی
پرانی البموں کو کھول کر
ماضی بلاتی ہے ! ! !

نہیں معلوم یہ اسکو
کے بیتے وقت کی خوشیاں
بہت تکلیف دیتی ہیں
محض دل کو جلاتی ہیں . . .
یونہی دن بیت جاتے ہیں
دسمبر لوٹ جاتا ہے
مگر وہ خوش فہم لڑکی . . .
دوبارہ سے کیلنڈر میں
دسمبر کے مہینے کے صفحے کو
موڑ کر ، پھر سے
پھر سے
دسمبر کے سحر میں
ڈوب جاتی ہے
کے آخر اس نے لکھا تھا . . . .
میں لوٹوں گا دسمبر میں

[.]

Re: December ( دسمبر ) poetry Collection

پھر دسمبر کی یکم آئی ہے

پھر دسمبر کی یکم آئی ہے اور وہی پرانی یخ بستہ راتیں
پھر تیری یادیں ہیں دل میں اور دسمبر کی راتیں

دن تو کسی طور کٹ ہی جاتا ہے اے متاع زیست
مگر مجھے سونے نہیں دیتیں یہ دسمبر کی راتیں

یہ دو ہی چیزیں جاں کا عذاب بنی ہیں ہمدم
اک ہر قدم پہ رقیب دوسری یہ دسمبر کی راتیں

تو اسی موسم میں مجھ کو تنہا چھوڑ گیا تھا
میرا گواہ ہے یہ چاند اور دسمبر کی راتیں

ہر ماہ کی راتیں اترتی ہیں میرے آنگن میں
جانے کیوں مجھے پاگل سا کر دیتی ہیں یہ دسمبر کی راتیں

میری کل محبت کا حاصل بس یہی ہے فیاض
بکھرے پھول تیز ہوائیں اور دسمبر کی راتیں

[.]

Re: December ( دسمبر شاعری ) poetry Collection

سرد دسمبر،تم اور میں



ہجر کو چھو کر آئے تھے سرد دسمبر،تم اور میں
شجر سے لگ کر روئے تھے سرد دسمبر،تم اور میں

تنہا سی پگڈنڈی پر جانے کتنی دور تلک
یاد کے پھیلے سائے تھے سرد دسمبر، تم اور میں

جانے کیسی رت تھی وہ جانے کیسا موسم تھا
فصل گل کے نوحے تھے سرد دسمبر،تم اور میں

گم صم گم صم لرزیدہ گلے سے لگ کر روئے تھے
خواب جو ہم نے بو ئے تھے سرد دسمبر،تم اور میں

بارش،کہرے،پت جھڑ میں بجلی کوندی یاد آیا
دھوپ سنہری سوئے تھے سرد دسمبر،تم اور میں

ٹرین کی آخری سیٹی تک شاید تم کو یاد بھی ہو
اک دوجے میں کھوئے تھے سرد دسمبر ، تم اور میں

[.]

Re: December ( دسمبر ) poetry Collection

دسمبر اب بھی تیرا منتظر ہے

وہ لمحے . . . . . . . . . . . .
سوچ کی دہلیز پے ٹھہرے ہوئے ہیں !

دسمبر کے مہینے میں
ہزاروں سال پہلے جب

تیرے وعدے کے ہاتھوں نے
میری آنکھوں سے بہتی زندگی کے ہاتھ چومے تھے !

میری بےرنگ باتوں کے کنارے
تم نے خوابوں کے
سہارے اور اشکوں کے ستارے رکھ دیے تھے !

اور . . . . . . .
ہوا کو اپنی چاہت کی
حفاظت کا اشارہ کر دیا تھا !

ہوا کی کھنکیوں میں اب بھی تیری نرم باتیں
آہٹوں کا جال بنتی ہیں !

سماعت . . . . اب بھی تیری
قہقہوں کا شور سنتی ہے !

خیال اب تک تمہاری انگلیوں سے
میرے دل کے سرخ آنسو پونچھتا ہے !

نگاہیں برف کے پھیلے
چمکتے کینوس پر جا بجا
تیری رفاقت کی ضرورت پینٹ کرتی ہے !

ٹھٹھرتے پانیوں کے تن پے بکھری دھوپ
تیرے بغیر روتی ہے
کہاں ہوتا ہے تو . . . . . . .
محبت کی سلگتی راہگزر کے کنارے پے

دسمبر . . . .
اب بھی تیرا منتظر ہے !

[.]

Re: December ( دسمبر ) poetry Collection

چاندنی دسمبر کی

رات اس نے پوچھا تھا
تم کو کیسی لگتی ہے
چاندنی دسمبر کی !
میں نے کہنا چاہا تھا
سال و ماہ کے بارے میں
گفتگو کے کیا معنی ؟
چاہے کوئی منظر ہو
دشت ہو ، سمندر ہو
جون ہو ، دسمبر ہو
دھڑکنوں کا ہر نغمہ
مزاروں پے بھاری ہے
ساتھ جب تمہارا ہو
دل کو ایک سہارا ہو
ایسا لگتا ہے جیسے
ایک نشہ سا طاری ہے
لیکن اس کی قربت میں
کچھ نہیں کہا میں نے
تکتی رہ گئی مجھ کو
چاندنی دسمبر کی !

[.]

Re: December ( دسمبر ) poetry Collection

کہا تھا یہ دسمبر میں

ہمیں تم ملنے آؤ گے

دسمبر کتنے گزرے ہیں

تمہاری راہوں کو تکتے

نجانے کس دسمبر میں

تمہیں ملنے کو آنا ہے

ہماری تو دسمبر نے

بہت اُمیدیں توڑیں ہیں

بڑے سپنے بکھیرے ہیں

ہماری راہ تکتی منتظر پُر نم نگاہوں میں

ساون کے جو ڈیرے ہیں

دسمبر کے ہی تحفے ہیں

دسمبر پھر سے آیا ہے

جو تم اب بھی نہ آئے تو

پھر تم دیکھنا خود ہی

تمہاری یاد میں اب کے

اکیلے ہم نہ روئیں گے

ہمارا ساتھ دینے کو

ساون کے بھرے بادل

گلے مل مل کے روئیں گے

پھر اتنا پانی برسے گا

سمندر سہہ نہ پائے گا

کرو نہ ضد چلے آؤ

رکھا ہے کیا دسمبر میں

دلوں میں پیار ہو تو پھر

مہینے سارے اچھے ہیں

کسی بھی پیارے موسم میں

چپکے سے چلے آؤ

سجن اب مان بھی جاؤ

دسمبر تو دسمبر ہے

دسمبر کا کیا بھروسہ

دسمبر بیت ہی جائے گا۔

[.]

Re: December ( دسمبر ) poetry Collection

میں لوٹوں گا دسمبر میں


’’دسمبر جب بھی آتا ہے‘‘

وہ پگلی پھر سے بیتے موسم کی تلخیوں کو یاد کرتی ہے
پرانے کارڈ پڑھتی ہے کہ جس میں لکھاتھا
’’میں لوٹوں گا دسمبر میں‘‘

نئے کپڑے بناتی ہے
وہ سارا گھر سجاتی ہے
دسمبر کے ہر اک دن کو
وہ گِن گِن کے بِتاتی ہے

جونہی پندرہ گزرتی ہے
وہ کچھ کچھ ٹوٹ جاتی ہے
مگر پھر بھی پرانے البموں کو کھول کر
ماضی بلاتی ہے

نہیں معلوم یہ اس کو کہ
بیتے وقت کی خوشیاں بہت تکلیف دیتی ہے
بہت دل کو جلاتی ہیں

یونہی دن بیت جاتے ہیں
دسمبر لوٹ جاتا ہے
مگر خوش فہم سی لڑکی دوبارہ سے
کلینڈر میں دسمبر کے مہینے کے صفحے کو
موڑ کر پھر سے دسمبر کے سحر میں کھو جاتی ہے
کہ آخر اس نے کہا تھا
’’میں لوٹوں گا دسمبر میں‘‘