sirf december poetry

[life.]

Re: sirf december poetry

Raat Uss ne Poocha tha
Tum ko Kaisi Lagti Hai
Chandni December ki_____!!

Main ne Kehna Chaha Tha:
Saal-o-Maah ke Baarey mein
Guftagu ke Kya Maani ?
Chahey koi Manzir ho
Dasht ho , Sumnadar ho
June ho , December ho
Dharkanoo'n ka Har Naghma
Manzaroo'n pe Bhaari hai
Saath Jab Tumhara Ho
Dil ko Ik Sahara ho
Aisa Lagta hai, jaise
Ik Nasha sa Taari hai

Lakin Uss ki Qurbat mein
Kuch Nahi Kaha Main ne
Takti Reh gayi Mujh ko
Chandni December ki_____!!

[life.]

Re: sirf december poetry

December ki sard hawaoo
Us se milo to kehna
K aaj bhe
Us ki yaad
Kisi k dil main
Mustaqil
Khaima zan hay
Koi aaj bhe usay
Uthtay,bethtay,sotay ,jagtay,
Hanstay,rotay
Yaad karta hay_____!!

[life.]

Re: sirf december poetry

December ki sard hawaoo
Us se milo to kehna___!!

K aaj bhe
Kisi ki palkain
Sir e sham he
Us k intizar main
Beech jati hain,
Aaj bhe koi
Us kay liye
Udas rehta hay___!!

December ki sard hawaoon
Us se milo toa kehna
K aaj bhe
Kisi k din rat
Us kay bin
Sogawar guzertay hain,
Aaj bhe
Kisi ki aankhain
Us kay liye
Num rehti hain__!!

December ki sard hawaoo
December ki sard hawaoo
December ki sard hawaoo__!!

[life.]

Re: sirf december poetry

Kayii Saal Guzrey
Kayii Saal Beetey
Shab-o-Roz Ki Gardishon Ka Tasalsul
Dil-o-Jaan Mein Saanson Ki Partein Ultatey Hue
Zalzalon Ki Tarah Haanpta Hay!
Cheekhtey Hue Khuwab
Aankhon Ki Nazuk Ragein Cheeltey Hain
Magar Main Har Ik Saal Ki Goud Mein
Jagti Subah Ko
Bey Karaan Chahton Se Atti Zindagi Ki Dua Dey Kar
Ab Tak Vohi Justaju Kar Raha Hoon
Safar Zindagi Hay
Safar Aagahi Hay
Safar Aabla Payii Ki Dastan Hay
Safar,Umer Bhar Ki Sulagti Hui Khuwahishon Ka Dhuwan Hay
Kayii Saal Guzrey
Kayii Saal Beetey
Musalsal Safar k Kham-o-Paich Mein
Saans Leti Hui Zindagi Thak Gayii Hay
k Jazbon Ki Geeli Zameenoo Mein
Boye Hue Roz-o-Shab Ki Har Ik Fasal Ab Pakk Gayii Hay
Guzarta Hua Saal b Aakhrii Hichkiyaan Ley Raha Hay
Mery Paish-o-Pass
Khauf, Dehshat, Ajal,Barood Ki Mouj
Aabadian Noch Kar Apney Jabrron Mein Jhakrri Hui Zindagi Ko
Darindoo Ki Surat
Nigalney Ki Mashqon Mein Masroof Tar Hain
Har Ik Rasta, Maut Ki Rahguzar Hay
Guzarta Hua Saal Jaisy b Guzra
Magar Saal k Aakhri Din
Nihayet Kathin Hain
Har Ik Simt Laashon k Anbaar
Zakhmi Janazon Ki Lambii Qitarein
Kahan Tak Koi Dekh Paye?
Hawaon Mein Barood Ki Baas
Khud Aman Ki Noha Khuwan Hay
Koi Chara Gar, Asr-e-Hazir Ka Koi Maseeha Kahan Hay?
Mery Milney Walon!
Naye Saal Ki Muskuratii Subah Gar Haath Aye
To Milna!!
k Jatay Hue Saal Ki Saaton Mein
Yeh Bujhta Hua Dil
Dharakta To Hay
Muskurata Nahi
December Mujhay Raas Aata Nahi_____!!

[life.]

Re: sirf december poetry

December Mujhey Raas Aata Nahi

Suno____!!!
Guzarta Hua Saal Jaisey Bhi Guzraa
Magar Saal Kay Aakhri Din
Nihaayat Kathhin Hain..
Suno_______!!!
Naye Saal Ki Muskuraati Hui Subha
Yeh Bujhhta Hua Dil Dharakta To Hai..
Muskuraata Nahi..
December Mujhey Raas Aata Nahi_________!!

[life.]

Re: sirf december poetry

Wo gham
Wo aansoon
Wo dard
Ab bhi mehsoos hota hai____!!

Wo batain
Wo sapnain
Wo ratain
Ab bhi jeetain hain_________!!

Wo rahain
Wo sasain
Wo bahain
Ab bhi tarpati hain________!!

Par sard shamain guzar rahi hai
Wo garm sasain thehar rahi hain

Aankhon ki un surkhion main lehar thi jo wo jam rahi hai
Aur zindagi bhi tham rahi hai

K Ab

December Beet Raha Hai_____!!

[life.]

Re: sirf december poetry

Dekh December Ab Mat Aana
Dekh December Mere Ander
Kitnay Sehra Phail Chukay Hain
Tanhayi Ki Rait Ne Mere
Saaray Darya Paat Diye Hain
Ab Main Hoon
Aur Mere Banjar Pun Ki Bojhalta Hay
Dekh December
Teri BarFaab Shaboon Mein
Teri BeKhuwab Shaboon Mein
Khuwab Sweater Kon Bunay Ga
Rooh k Ander Girti Barfein Kon Chunay Ga
Dekh December Ab Mat Aana
Aur Agar Tu Aye b To
Apnay Dukh Ki Baraf Pehan Kar
Dhoop Diyaroon Tak Mat Jana
Mere Pyaroon Tak Mat Jana
Dekh December Ab Mat Aana________!!
______________

[life.]

Re: sirf december poetry

December Ki Thatharti Shaam

December ki tatharti shaam hai
Aur mein sulagta hoon dooston

Dil mein ik mehfil jami hai
Aur mein tanha hoon dooston

12 Maahh ki ronkeen tanha hi dekh ker
Aaj najany kiuon wo mere taraf chala aya hai dooston

Aankein khush hein dekh ker usay
Aur dil gay dinon ka soog mana raha hai dooston

Zaalim halaat ka sitam suna raha hai
Bekhabar mere barbadi suna raha hai doston

Shaid aab kay koi aietbar ki sorat nikal hi aay
Usay roko kay wo phir se rooth ker ja raha hai doston_______!!

[life.]

Re: sirf december poetry

Mujh Se Poochtey Hain Log
Kis Liye December Mein
Yun Udas Rehta Hoon
Koi Dukh Chupata Hoon
Yaa Kisi k Janey Ka
Sog Main Manata Hoon

Aap Mery Album Ka
Safha Safha Dekhein Ge?
Aayiee Dikhata Hoon
Zabt Aazmata Hoon

Sardion k Mausam Mein
Garam Garam Coffee k
Chotay Chotay Sip Ley Kar
Koi Mujh Se Kehta Tha
Haye Iss December Mein
Kis Bala Ki Sardi Hay
Kitna Thanda Mausam Hay
Kitni Yakh Hawayein Hain
Aap b Ajab Shay Hain
Itni Sakht Sardi Mein
Ho k Itney Bey Parwah
Jeans Aur T-Shirt Mein
Kis Mazey Se Phirtey Hain

Shaal b Mujhay Dey Di
Coat b Oorrha Dala
Phir b Kaanpti Hoon Main
Chaliye Ab Sharafat Se
Pehan Lijiye Sweater
Aap k Liye Main Ne
Bun Liya Tha Do Din Mein

Kitna Maan Tha Uss Ko
Meri, Apni Chahat Par
Ab b Har December Mein
Uss Ki Yaad Aati Hay

Garam Garam Coffee k
Chotay Chotay Sip Ley Kar
Haath Gaal Par Rakhey
Hairat Aur TaAjjub Se
Mujh Ko Dekhti Rehti
Aur Muskura Deti

Shokh-o-Sard Lehjay Mein
Mujh Se Phir Vo Kehti Thi
Itney Sard Mausam Mein
Aadhi Sleeves Ki T-Shirt
Iss Qadar Na Itrayein
Seedhay Seedhay Ghar Jayein

Ab Ki Baar Jab Aayein
Brown Trouser K Sath
Black High Neck Pehnein
Coat Koi Dhang Ka Ley Lein
Warna Main Qasam Se Phir
Aisy Rooth Jaon Gi
Dhoondtey Hi Rahiye Ga
Samney Na Aaon Gi

Pass Baithey Abbu k
Politics Par Kijiye Garam Garam Discussion
Coffee Ley Kar Kamrey Mein
Main To Phir Na Aaon Gi
Khali Khali Nazron Se Aap In Khalaon Mein
Yunhi Taktey Rahiye Ga
Aur Bey Khayali Par Daantt Khatey Rahiye Ga

Kitni Mukhtalif Thi Vo
Sab Se Munfarid Thi Vo
Apni Aik Lagzish Se
Main Ne Kho Diya Uss Ko
Ab b Har December Mein
Uss Ki Yaad Aati Hay...!!!

[life.]

Re: sirf december poetry

Suno!
December Ki Thatharti Hoi Shamien
Kohar Mein Lipti Dhundali Se Subhien
Darakhto'n Se Girtey Huay
Khushk Zard Pattey
Woh Gao'n Ke Tama'm Raste
Mohabbato'n Ke Tama'm Rishtey
Khiyaal Abad Karte Hain
Tumhein Sab yaad Karte Hain___!!

[life.]

Re: sirf december poetry

gaye din .....!
gaye pal laut'ty nahi
magr mosam laut aaty hain
wohi mosam!
jo apni rafaqatoon k ameen they
wo saary lamhay jo dil ko azbar thy
sunoo !
wo mosam laut aye hain
December laut aya hai

meri khirki main yakh-basta hawaain
tumhari Hidat churaa k lai hain
Khunak Mosam muj se baten krta hai
tumhary lehjay main!
bolta hai

wohi meethi c sargooshi
wohi jadu bhara lehja
soochon to paas ho kitny
dekhon jo ....
tum! kahen bhi nahi
December laut aya hai magar ab ke
meri khalwat k haseen lamhon main
tumhary ehsaas k siwa kuch
kahen bhi nahi
kuch bhi nahi...

[life.]

Re: sirf december poetry

Ane wale December Ki Is Sham Mein
Chupkay Say Agar Tum Aa Jao

Ye Sham Suhani Ho Jaye
Rangeen Kahani Ho Jaye

Wo Bat Jo Lab Na Keh Sky
Ankhon Ki Zubani Ho Jaye

Koi Pyar Ka Naghma Tum Cherro
Koi Pyar Ka Geet Sunayen Hum

Haan Pyar Karen Youn Hum Dono
Ye Raat Suhani Ho Jaye

Mai Bethun Tere Pehlu Mein
Kuch Dil Ki Baten Ho Jaye

Tum Unglyan Phero Mere Balon Mein
Hum Meethi Neend So Jayen

[life.]

Re: sirf december poetry

Ik baar to milny aao december aany wala he
Kesa Guzra he ye sall batao December aany wala he

Khush ho jao K milny ka saal aa rha he phir
wasi youn na aanso bahao december aany wala he

Shayed ab k baras bhi wo lot kr na aay
Tanhaiyon abhi chor kar na jaao December aany wala he

Ae mery dukhon k sathiyo Khush ho jao
Apny apny Ghron Ko sajao December aany wala he

Kia pata Phir december aay na aay Jany (WASI)
Meri mano ab tum lot aao december aany wala he
Han December aany wala he.

Mery Ban Jao

[life.]

Re: sirf december poetry

Faqt ik meri baat nahi thi,
Sub ka dard December tha,
Barf ke shehr main rehne wala,
ik ik fard December tha,
Pichle saal ke akhir main bhi,
Hairat main hum teenon thy,
Ik main tha,
Ik tera gham tha,
Ik be dard December tha….

[life.]

Re: sirf december poetry

ابھی کچھ لمحے باقی ہیں
رواں سال ختم ہونے میں
چلو ایسا کریں ہم تم
گلے شکوے چو رہتے ھیں
ہمیشہ درمیاں اپنے
انہیں ہم ختم کر ڈالیں
نئے وعدے نئی قسمیں
نئی بنیاد ھم باندھیں
نئے انداز سے جیون کا
ایک اک رخ بدل ڈالیں
دلوں میں ہے کدورت جو
ہم اس کو ختم کر ڈالیں
ابھی کچھ وقت باقی ہے
نیا پھر سال آنے میں