sirf december poetry

[life.]

Re: sirf december poetry

اور آخر میں پھر ایک نظم

محبت کے دسمبر میں
اچانک جیسے تپتا جون آیا ہے
تمہارا خط نہیں آیا نہ کوئی فون آیا ہے
تو کیا تم کھو گئے اجنبی چہروں کے جنگل میں
مسافر مل گیا کوئی ، کسی منزل کسی پل میں
عقیدت کے سنہرے پھول
چپکے سے کسی نے باندھ ڈالے آ کے آنچل میں
یکایک موڑ کوئی آگیا چاہت کی منزل میں
خیال وعدہء برباد بھی تم کو نہیں آیا
تو کیا ۔۔۔۔۔۔۔۔۔۔
میں یاد بھی تم کو نہیں آیا ؟

[life.]

Re: sirf december poetry


کچھ لمحے نومبر کے
ہم نے یوں گزارے ہیں
موسم اسکی یادوں کے
تصویر میں اتارے ہیں

کپکپاتے ہونٹوں سے
ڈگمگاتی دھڑکن سے
ہم نے اپنے خالق سے
بس دعا یہ مانگی ہے

اب کی بار دسمبر میں
جب بھی بادل اتریں تو
بس یہی تمنا ہے

نفرتوں کی بارش میں
دشمنوں کی سازش میں
بس اسی گزارش میں

زندگی کو جینے کا
اختیار مل جائے
اے مرے خدا سب کو
اپنا پیار مل جائے!!!

.................................................. ....

[life.]

Re: sirf december poetry


ابھی دسمبر کی ابتدا ہے
ابھی ہواؤں کا راج کچھ دن رہے گا فائق
ابھی چراغوں کے دن نہیں ہیں
ابھی درختوں نے زرد پتوں کے سب لبادے اتارنے ہیں
ابھی تو آنکھوں نے خواب نگری میں گھومنا ہے
مگر کبھی تو تعبیر کے سنگ اقدس کو چومنا ہے
ابھی خزاؤں کی حکمتوں کی حکومتیں ہیں
ابھی بہاروں نے صحن گلشن سے دور رہنا ہے اور کچھ دن
مگر خزاؤں کا دور کچھ دن،مگر ہواؤں کا دور کچھ دن

[life.]

Re: sirf december poetry

سے کہنا
دسمبر لوٹ آیا ہے
ہوائیں سرد ہیں
اور وادیاں بھی دھند میں
گم ہیں
پہاڑوں نے برف کی
شال پھر سے اوڑھ رکھی ہے
سبھی رستے تمہاری
یاد میں پُرنم سے لگتے ہیں
جنہیں شرفِ مسافت تھا
وہ سارے کارڈ وہ پرفیوم وہ چھوٹی سی ڈائری
وہ ٹیرس
وہ چائے
جو ہم نے ساتھ میں پی تھی
تمہاری یاد دلاتے ہیں
تمہیں واپس بلاتے ہیں
اسے کہنا کہ دیکھو
یوں ستائوں نہ
دسمبر لوٹ آیا ہے
سنو
تم لوٹ آئو نا!

[life.]

Re: sirf december poetry


دسمبر کی اُداس رت لوٹ آئی ہے
نمی آنکھوں میں لئے
اور کہہ رہی ہے مجھ سے
کہ
تیرے واسطے اب کی بار بھی
میرے دامن میں
صرف تنہائی ہے!!!

[life.]

Re: sirf december poetry

تیری یادیں دسمبر کی شبوں جیسی
جو آتی ہیں تو جانا بھول جاتی ہیں

[life.]

Re: sirf december poetry

دسمبر جب بھی لوٹا ہے میرے خاموش کمرے میں
میرے بستر پہ بکھری ہوئی کتابیں بھیگ جاتی ہیں

[life.]

Re: sirf december poetry

رات اُس نے پوچھا تھا
تم کو کیسی لگتی ہے
چاندنی دسمبر کی
میں نے کہنا چا ہا تھا
سال و ماہ کے بارے میں
گفتگو کے کیا معنی
چاہے کوئی منظر ہو
دشت ہو دسمبر ہو
جون ہو دسمبر ہو
دھڑکنوں کا ہر نغمہ
منظروں پہ بھاری ہے
ساتھ جب تمہارا ہو
دل کو اک سہارا ہو
ایسا لگتا ہے جیسے
اک نشہ سا طاری ہے
لیکن اُس کی قربت میں
کچھ نہیں کہا میں نے
تکتی رہ گئی مچھ کو
چاندنی دسمبر کی

[life.]

Re: sirf december poetry


ابھی ہجر کا قیام ہے اور دسمبر آن پہنچا ہے
یہ خبر شہر میں عام ہے دسمبر آن پہنچا ہے

آنگن میں اُتر آئی ہے مانوس سی خوشبو
یادوں کا اژدہام ہے ، دسمبر آن پہنچا ہے

خاموشیوں کا راج ہے ،خزاں تاک میں ہے
اداسی بھی بہت عام ہے ،دسمبر آن پہنچا ہے

تیرے آنے کی امید بھی ہو چکی معدوم
نئے برس کا اہتمام ہے ،دسمبر آن پہنچا ہے

خُنک رت میں تنہائی بھی چوکھٹ پہ کھڑی ہے
جاڑے کی اداس شام ہے ،دسمبر آن پہنچا ہے

تم آؤ تو مرے موسموں کی بھی تکمیل ہو جائے
نئے رُت تو سرِ بام ہے ، دسمبر آن پہنچا ہے

[life.]

Re: sirf december poetry

سمبر جب بھی آتا ہے

دسمبر جب بھی آتا ہے
وہ پاگل پھر سے
بیتے موسموں کو یا د کرتی ہے

پرانے کارڈ پڑھتی ہے
کہ جس میں اس نے لکھا تھا
"میں لو ٹوں گا دسمبر میں"

نئےکپڑے پہنتی ہے
وہ سارا گھر سجاتی ہے
دسمبر کے ہر دن کو
وہ گن گن کر ِبتاتی ہے
جونہی 15گذرتی ہے
وہ کچھ کچھ ٹوٹ جاتی ہے

مگر پھربھی
پرانے البم کھول کر
ماضی کو بلاتی ہے

نہیں معلوم یہ اس کو
کہ بیتے وقت کی خوشیاں
بہت تکلیف دیتی ہیں
محض دل کو جلاتی ہیں

یونہی دن بیت جا تے ہیں
دسمبر لوٹ جا تا ہے
مگر وہ خوش فہم لڑکی
دوبارہ سے کیلنڈر میں
دسمبر کے صفحے کو موڑ کر
پھر سے دسمبر کے سحرمیں ڈوب جاتی ہے

کہ آخر اس نے لکھا تھا
" میں لو ٹوں گا دسمبر میں"

[life.]

Re: sirf december poetry

سنو دسمبر

سنو دسمبر
اسے پکارو
سنو دسمبر
اسے ملادو
اسے بلادو

اب اس سے پہلے کہ
سال گذرے
اب اس سے پہلے کہ
جان نکلے

وہی ستارہ میری لکیروں میں
قید کردو
اس آخری شب کے
آخری پل
کوئی بڑا اختتام کر دو
یہ زندگی ہی تمام کردو

سنودسمبر
سنو دسمبر
اسے بلادو
اسے ملادو

[life.]

Re: sirf december poetry

مجھے اک شخص اچھا لگتا ہے
اور اسے دسمبر
کاش میں دسمبر ہوتا

[life.]

Re: sirf december poetry

دسمبر آگیا ھے ۔۔۔۔۔تم کہاں ہو؟
دسمبر آ گیا ھے ۔۔۔۔تم کہا ں ہو ۔۔۔؟

د ر ختو ں پہ ہر ے پتو ں نے ا پنے ر نگ بدلے ہیں۔۔۔۔۔۔


کہیں قر مز ہیں پتے ا و ر کہیں بھو ر ے۔۔۔۔۔


کہیں ھے ر نگ د ھا نی سا۔۔۔۔۔۔


فلک پر با د لو ں نے د و ر تک ڈ یر ے لگا ے ہیں۔۔۔۔۔۔


فضا میں چا ر سُو ا یسی اُ د ا سی ھے۔۔۔۔۔


خز ا ں بھی جیسے میر ے دُ کھ میں شا مل ہو ۔۔۔۔۔۔۔


مر ے کمر ے کی تنہا ئ ۔۔۔۔۔۔


مر ی آ زُ ر د گی کو یو ں بڑ ھا تی ھے۔۔۔۔۔۔۔


حر ا ر ت جسم کی ہو تی ھے کم ۔۔۔۔۔۔


سر د ی کی شد ت بڑ ھتی جا تی ھے۔۔۔۔۔۔


مر ے بستر کی چا د ر پہ ۔۔۔۔۔۔۔


پڑ ے شکنو ں کے جنگل میں ۔۔۔۔۔۔


تمہا ر ے لمس کی خشبو پرا نی یا د کے لمحے جگا تی ھے۔۔۔۔۔۔۔


مر ی سا نسو ں کو د ے کر ز ند گی بید ا ر کر تی ھے۔۔۔۔۔۔۔


فضا میں پھر و ہی ما نو س خشبو ر قص کر تی ھے۔۔۔۔۔۔۔


کہا ں ہو تم ۔۔۔۔۔۔۔؟


تمہا ر ی ر س بھر ی با تو ں کی خشبو ۔۔۔۔۔۔۔


پھر سما عت میں اُ تر تی ھے۔۔۔۔۔۔۔


مر ے کمر ے کی تنہا ئ تمہیں و ا پس بُلا تی ھے۔


ا نو ر زا ہد ی

[life.]

Re: sirf december poetry



دسمبر اب کے آؤ تو
تم اس شہرِ تمنا کی خبر لانا
کہ جس میں جگنوؤں کی کہکشائیں جھلملاتی ہیں
جہاں تتلی کے رنگوں سے فضائیں مسکراتی ہیں
وہاں چاروں طرف خوشبو وفا کی ہے
اور اس کو جو بھی پوروں سے
نظر سے چھو گیا پل بھر مہک اٹھتا


دسمبر اب کے آؤ تو
تم اس شہرِ تمنا کی خبر لانا
جہاں ریت کے ذرے ستارے ہیں
گل و بلبل، ماو ہ انجم وفا کے استعارے ہیں
جہاں دل وہ سمندر ہے جس کے کئی کنارے ہیں
جہاں قسمت کی دیوی مٹھیوں میں جگمگاتی ہے
جہاں دھڑکن کی لے پر بے خودی ںغمیں سناتی ہے

دسمبر ہم سے نہ پوچھو
ہمارے شہر کی بابت
یہاں آنکھوں میں گزرے کارواں کی گرد ٹھری ہے
محبت برف جیسی ہے یہاں اور دھوپ کے کھیتوں میں اگتی ہے
یہاں جب صبح آتی ہے تو شب کے سارے سپنے
راکھ کے ڈھیر کی صورت میں ڈھلتے ہیں
یہاں جزبوں کی ٹوٹی کرچیاں آنکھوں میں چھبتی ہیں
یہاں دل کے لہو میں اپنی پلکوں کو ڈبو کر ہم سنہرے خواب بنتے ہیں
پھر ان خوابوں میں جیتے ہیں
انہیں خوابوں میں مرتے ہیں

دریدہ روح کو لفظوں سے سینا، گو نہیں ممکن
مگر پھر بھی دسمبر اب کے آؤ تو
تم اس شہرِ تمنا کی خبر لانا

[life.]

Re: sirf december poetry

ابھی دسمبر کی ابتدا ہے
ابھی ہواؤں کا راج کچھ دن رہے گا فائق
ابھی چراغوں کے دن نہیں ہیں
ابھی درختوں نے زرد پتوں کے سب لبادے اتارنے ہیں
ابھی تو آنکھوں نے خواب نگری میں گھومنا ہے
مگر کبھی تو تعبیر کے سنگ اقدس کو چومنا ہے
ابھی خزاؤں کی حکمتوں کی حکومتیں ہیں
ابھی بہاروں نے صحن گلشن سے دور رہنا ہے اور کچھ دن
مگر خزاؤں کا دور کچھ دن،مگر ہواؤں کا دور کچھ دن