sirf december poetry

[life.]

Re: sirf december poetry

her saal jaunary
humain kuch sapnay dikhati hai
jis ko poora kernay main
december aa pohanchta hai
zindagi aur akheer bi mano
umer kay january aur december hain
zindagi ki january bi jo khwab dikhati hai
admi umer ber un ko poora kerta rehta hai
aur umer ka december aan pohanchta hai
aur saal ki terha
saans bi khutum ho jati hai

[life.]

Re: sirf december poetry

December Jab bhi ata hai
wo pagli...
phir se beety mosumo'n ki
talkhion ko
yad karti ha
purana card perhti hai
k jis main os ne
likha tha
Main Lauton ga December main

Nai Kapry bnati hai
wo sara ghar sjati hai
December k her ik din ko
wo gin gin ker bit'tati hai
junhi 15 guzarti hai
wo kuch kuch toot jati hai
magar phir bi
purani albumo'n ko khol ker
mazi bulati hai !!!

nahi maloom ye osko
k beety waqt ki khushian
Bohat takleef deti hain
mehaz dil ko jalati hain...
yunhi din beet jaty hain
December laut jata hai
magar wo Khush feham larki...
dobara se calendar main
December k maheeny k safhy ko
mord ker, phir se
Phir se
December ke sahar main
Doob jati hai
k akhir os ne likha tha....
Main Lauton ga December main
..

[life.]

Re: sirf december poetry

Main Kaisay Sard Haathoun Say Tumharay Gaal Choota Tha
December Main Tum Ko Mayri Shararat Yaad Aaey Gee

[life.]

Re: sirf december poetry

Ossay Tou Mitt He Jaana Tha...


December K Hasee'n Din Thaay
Murree Ki Yukh-Basta Fizaou'n Main
Hamaray Char Haathou'n Nay
Mujasma Ek Banaya Tha
Kaha Tha Aik Dojay Ko
Nishaani Piyaar Ki Apni
Berhi Khoobsoorat Hai
Mujhey Ab Yaad Aata Hai
Mujasma Beraf Ka Tha Wo
Ossay Akhir Pighalna Tha
Ossay Tou Mitt He Jaana Tha

[life.]

Re: sirf december poetry

Abhi hijr ka qayaam hai aur December aan pahuncha hai
Ye khabr shahar mein aam hai December aan pahuncha hai

Aangan mein utar aayi hai manoos si khushboo
Yadon ka azdahaam hai December aan pahuncha hai

Khamoshiyon ka raaj hai khizaan taak mein hai
Udasi bhi bahot aam hai December aan pahuncha hai

Tere aanay ki ummid bhi ho chuki maadoom
Naye saal ka ahtamaam hai December aan pahuncha hai

Khunak rut mein udasi bhi chaukhat pe khadi ahi
Jaday ki udaas shaam hai December aan pahuncha hai

Tum Aao tou mere mausamon ki bhi takmeel ho jaye
Nayi rut tou sar e baam hai December aan pahuncha hai

[life.]

Re: sirf december poetry

December aa ker guzer jaye gaa
Ik pair kay na jaaney kitnay pattey giraa jaaey gaa
December aa ker guzar jaye gaa
Chiriyaa'n chehkein gee yakh-basta raato'n may
Aur pairo'n pey aa ker yeh gumsum rahein gee
Na koi hari shaakh ho gee
Na koi patta ho gaa
December aa ker guzar jaye gaa
Kitney parindey be-ghar ho jaain gey
Jalaa dey gee unn ko december ki thandi hawa
Na jaaney kitney khwaab bin taabeer dhal jaain gey
December aa ker guzar jaye gaa
Ik pair kay na jaaney kitney pattey giraa jaye gaa

[life.]

Re: sirf december poetry

Yeh kesa Alwidai geet gaaya december ne
jatey jatey nargissi mausam ko rulaya
khain pe lalazar banya
gulab motia chambeli se
tulip ki larioon se goond ke
pyar ke rangoon se sainch ke
parioon si khawishoon ke jhoormat
main
hamare laboon pe
duaaon ke alwidi kalmaat
tum hamesh raho mere saat
marmareen hatehlioon pe naii
umeedoon ke roshan chiragh
sadioon se chand ke devi
kaat rahi hai charqha
narm narm galoon se
prem ki dhank se dhunak rahi hai
hur ane wali subha ko
Rub ne dia hai sub ko ye hi pegham
ajj jati december ki sham
insaanyat ke naam
mohabbat azaadi shanti amaan hai
sub ki jaan
nafratoon ko kar do tammam
choti se hasti hai ye
pyar se basti hai
hamesha se hai
hamesha rahingain
Main or Nelaa Asmman

[life.]

Re: sirf december poetry

December ab kay aao to
Tum uss shehr-e-tamanna ki khabar laana
Kay jis may jugnoo'n ki kehkashaain jhilmilaati hain
Jahan titlee kay rangoo'n sey fazaain muskuraati hain
Wahan chaaro'n taraf khushboo wafa ki hai
Aur uss ko jo bhi pouron sey
Nazar sey chhoo gaya pal bhar
Mehek uthaa

December ab kay aao to
Tum uss shehr-e-tamanna ki khabar laana
Jahan per rait kay zarey sitaarey hain
Gul-o-bulbul, maah-o-anjum wafa kay istiaarey hain
Jahan dil woo samander hai , jiss kay kaee kinaarey hain
Jahan qismat ki daive muthiyon mein jagmagaati hai
Jahan dhakan ki lay per bey-khudi nagmein sunaati hai
December hum sey na poocho hamaarey sheher ki baabat
Yahan aankhoun mein guzrey kaarwaan ki gard thehri hai
Labo'n per al-atsh hain, batan mein faaqey pinaptey hein

Muhabbat barff jaisee hai yahaan
Aur dhoop kay khaitoun mein ugti hai
Yahan jab subah aati hai
Tou shab kay saarey sapney
Raakh kay aik dhair ki soorat mein dhaltey hein
Yahan jazboun ki tooti kirchiyaan aankhoon mein chupbhti hain
Yahan dil kay lahoo mein
Apne Laikh'on ko dabo ker ham
Sunehray khwaab buntey hein
Phir unn khwaaboun mein jeetay hein
Inhi khwaaboun pey martey hein

Dareedah rooh koo lafzoon sey seena goo nahin mumkin
Magar phir bhi
December Ab KaY AaOoO Tu
Tum uss shehr-e-tamanna ki khabar laana.....!!!

[life.]

Re: sirf december poetry

Suno!
December Ki Thatharti Hoi Shamien
Kohar Mein Lipti Dhundali Se Subhien
Darakhto'n Se Girtey Huay
Khushk Zard Pattey
Woh Gao'n Ke Tama'm Raste
Mohabbato'n Ke Tama'm Rishtey
Khiyaal Abad Karte Hain
Tumhein Sab yaad Karte Hain...!!!...

[life.]

Re: sirf december poetry

Saal kaa Aakhri Din Hai
Abhi Kuch Dhoop Hai Leikin
Zara See Dair ko Tay Hai Kay Akhir Shaam Hona Hai
Haqiqat Ya Kahani Jo Bhee Hai Anjam Hona Hai
Chaloo Mil Baith Kay Apnay Khasaray Bant Letay Hain
Sab He Rang Aur jugnoo Aur Sitaray Bant Letay Hain
Zara See Dair Ko Tay Hai key Akhir Shaam Hona Hai
Haqiqat Ya Kahani Jo Bhee Hai Anjam Hona Hai


Too kyon Naa Kuch Shaam Say Pehlay
Jo Kuch Ghariyan Muyasir Hain
Unhee Mein Zindagi Kar Lain,
Kisi Ahsaas Kee Shama Jala Kar
Inn Andheron Main
Koyee Daam Roshi Kar Lain
Chaloo Hum Dosti Kar Lain
Zara See Dair ko Tay Hai Kay Akhir Shaam Hona Hai
Haqiqat Ya Kahani Jo Bhee Hai Anjam Hona Hai

[life.]

Re: sirf december poetry

Halki Halki Baarish Hai
Aasman Pe Baadal Hain
Badalon Ki Chilman Se
Chaandni Chhanakti Hai,
Mujh Se Baat Karti Hai
Yaad Wo Dilaati Hai
Pichhley Saal Ka Mosam
Serdiayaan December Ki
Porey Chaand Ki Raatain
Or
Wo Pyar Ki Baatain

[life.]

Re: sirf december poetry

Halki Halki Si Sard Hawaa

Zara Zara Sa Dard e Dil…



Andaaz Achaa Hai

December Tere Aane Ka…

[life.]

Re: sirf december poetry

YE SAAL BHI AAKHIR BEET GAYA



Koi Haar Gaya, Koi Jeet Gaya

Ye Saal Bhi Aakhir Beet Gaya



Kabhi Sapne Sajae Aankho Mei

Kabhi Beet Gae Pal Baato Mei



Kuch Talkh Se Lamhaat Bhi Thy

Kuch Haadse Or Sadmaat Bhi Thy

[life.]

Re: sirf december poetry

December Ke Mahine Mei

Saal e Nau Ki Aahat Per

Mera Dil Chonk Uttha Hai

Kia Koi Bichhraa Aan Mile Ga

Ya Phir!!!

Koi Hum Se Judaa Ho Jaae Ga…

[life.]

Re: sirf december poetry

Ye Saal Bhi Chala Gaya Har Saal Ki Tarhan



Mujh Se Bichhar Gaya Jo Gaye Saal Ki

Tarhan



Is Ka Bhi Haal Hoga Mere Haal Ki

Tarhan



Aaya Nhi Wo, Reh Gaye Raste Sajey

Sajaye



Ye Saal Bhi Chala Gaya Har Saal Ki

Tarhan