sirf Romantic poetry

[life.]

Re: sirf Romantic poetry



نہ سکون دے نہ قرار دے ، مجھے امتحان سے گزار دے
اسے جیت دے ، اسے پیار دے ، مجھے مات دے مجھے ہار دے
.
.
.
کسی شام کو میرے نام کر ، کوئی بات ہو تیرے ساتھ ہو
میری ایک شب تو سنوار دے، مجھے پیار کر مجھے پیار دے
__________________

[life.]

Re: sirf Romantic poetry


محبتوں میں تو ملنا ہے یا اجڑ جانا
مزاجِ عشق میں کب اعتدال رکھا ہے

[life.]

Re: sirf Romantic poetry



کوئی بات کرو

کوئی سونے جیسی بات کرو

مرے پاگل پاگل اس دل کو

کسی سچّے حرف کی دھڑکن دو

یہ جو تیری جھوٹ بھری آنکھیں

مری آنکھوں میں

پانی سے لدے ہوئے بادل گھیر کے لاتی ہیں

اِن جھوٹ بھری آنکھوں سے کہو

مِری آنکھوں کو

شبنم سے دُھلے، خوشبو سے لدے

کسی خوابِ گداز کا موسم دیں

ترے خاص گلابی ہونٹوں پر

یہ جو مکر بھرے اک لمس کی لَو لہراتی ہے

اس لمس کی لَو سے اُدھر تُم نے

وہ جوبات چھپا کر رکھی ہے

وہی بات کرو

مرے رختِ سفر کے لیے جاناں

مری جیت نہیں مری مات کو میرے ساتھ کرو

کوئی انہونی سی بات کرو
__________________

[life.]

Re: sirf Romantic poetry



پھر دل نے کہا ہے

پھر دل نے کہا ہے تجھے مانگوں خدا سے
پھر آنکھوں نے تیری دید کی چاہت کی ہے

پھر آج برس گئیں آنکھیں یاد میں تیری
پھر نیند نے آنکھوں سے شکایت کی ہے

پھر لہجے میں دکھ آن سمٹا ہے
پھر آنسوؤں نے آنکھوں سے بغاوت کی ہے

پھر وه تیرا ساتھ یاد آگیا
پھر دل نے محسوس تیری ضرورت کی ہے

تیرے دکھ تیری یاد سینے سے لگا کر
بہت ٹوٹ کر میں نے تجھ سے محبت کی ہے