sirf sad poetry

[life.]

Re: sirf sad poetry


تیری یادیں

رات کی جلتی تنہائی میں
اندھیاروں کے جال بنے تھے
دیواروں پہ تاریکی کی گرد جمی تھی
خوشبو کا احساس ہوا میں ٹوٹ رہا تھا
دروازے بانہیں پھیلائے اونگھ رہے تھے
دور سمندر پار ہوائیں بادلوں سے باتیں کرتی تھیں
ایسے میں ایک نیند کا جھونکا
لہر بنا اور گزر گیا
پھر آنکھ کھلی تو اس موسم کی پہلی بارش
اور تیری یادیں
دونوں مل کر ٹوٹ کے برسیں

[life.]

Re: sirf sad poetry

کس کو معلوم تھا؟

یونہی چلتے ہوئے راستوں میں کئی ہمسفر جو ملے
اور بچھڑتے گئے
آتے جاتے ہوئے موسموں کی طرح
آپ ہی اپنی گردِ سفر ہو گئے
نہ کبھی میں نے پھر مُڑ کے دیکھا اور نہ سوچا کبھی
وہ کہاں کھو گئے؟
جو گئے، سو گئے
پھر یہ کیسے ہوا؟
یونہی اک اجنبی، دیکھتے دیکھتے
دل میں اُترا، دل میں سما سا گیا
اور دھنک رنگ سپنے جگا سا گیا
جیسے بادل کوئی، بےارادہ یونہی، میری چھت پہ رُکا
اور برسے بنا اس پہ ٹھہرا رہا
کیا تماشا ہوا، سامنے تھی ندی اور کوئی تشنہ لب
اس کو تکتا گیا اور پیاسا رہا
ایک لمحے میں سمٹے گی یہ داستاں
کس کو معلوم تھا؟
تم مِلو گے مجھے اس طرح بے گماں
کس کو معلوم تھا؟

[life.]

Re: sirf sad poetry

میرا کل، میرا ماضی ہے
اس ماضی کی کچھ یادیں ہیں
اس ماضی کی تحریریں ہیں
اور ڈھیر سی تصویریں ہیں
یہ ماضی مجھے جینے نہیں دیتا
کچھ آگے چلنے نہیں دیتا
اسی لئے میں سوچتا ہوں
کیوں نہ ان یادوں کا آج
ڈھیر لگا کر
تحریریں، تصوریں جلا کر
اور ان کی پھر راکھ بنا کر
کھڑکی کھول کے، تیز ہوا میں
راکھ یہ آج، اُڑا دیتا ہوں
دل سے تجھے بُھلا دیتا ہوں

[.]

Re: sirf sad poetry

:thmbup:

[life.]

Re: sirf sad poetry

میری سنگت میں مت بیٹھو

میری سنگت میں مت بیٹھو
میں تنہائی پہنتا ہوں
اُداسی کے اُجاڑ آنگن میں چُنتا ہوں
میں اپنی ذات میں اُجڑے ہوئے گاؤں کا میلہ ہوں
میرے یارو!
تمہارے ساتھ رہ کر بھی، اکیلا ہوں
میری سنگت میں مت بیٹھو
تمہیں تو خود سنورنا ہے
تمہاری خواہشوں کے بام و در پہ
روشنی کے پھول کھِلنا ہیں
تمہیں لکھنا ہے، اپنی سانس کی گرمی سے
نیندوں کا سفر نامہ
میری سنگت میں مت بیٹھو
کہ میں پتھر کا محبص ہوں
کہ میں محرومیوں کے شہر کا باسی
میری قسمت اُداسی، کم لِباسی، ناشناسی ہے
میری سنگت میں مت بیٹھو
مجھے ملنے سے کتراؤ
خود اپنے دل کو سمجھاؤ
میرے نزدیک مت آؤ
میرے دل میں اندھیرا ہے
اندھیرا صرف میرا ہے

[life.]

Re: sirf sad poetry


اس سے پہلے کہ اُداسی کا سفر ہو دائم
سانس ہوجائے جدائی کی ہوا سے نیلا
جسم کے چاند کو لگ جائے گہن لمحوں کا
دھوپ کی بارشیں کھا جائیں بدن سایے کا
خواب کے عکس میں آجائے دُھواں حسرت کا
خامشی روح کے ہر تار کو مُردہ کردے
تیری مجبور نظر وقت کے سناٹے میں
ڈھونڈ لے اپنی محبت کے مقدر کی صلیب
آ کسی روز بہاروں کی برہنہ رُت میں
غم کی تصویر کو رنگوں کا کنارا دے دیں

[life.]

Re: sirf sad poetry

اپنی ہتھیلی پر بیتا ہر لمحہ
آنکھوں میں ہر زخمی موسم
چہرے پر محرومی کے سب صحرا لے کر آنا
جھریوں میں بے وارث لمحوں کی قبریںہوں
پلکوں کے ہینگر پر اپنی رسوائی کا بوجھ
اور ہونٹوں پر ٹوٹی چاہت کی تصویرکی پپڑی
گزرے دنوں کی زرد نشانی لے کر آنا
پیاسے سفر کی تنہا راتیں
درد لٹاتی تیز ہوائیں
سوچ کے پھول جلاتی دھوپ صدائیں
خوابوں جیسے لوگوں کے بے سمت دلاسے
سب کچھ لے کر آنا
میرے کمرے میں جب آنا
مجھ کو ساری رات جگانا

[life.]

Re: sirf sad poetry

Suna hai naya saal phir araha hai








Khushian b hongi , Baharain b hongi
Mager hum tu guzray December ki sochoon mein gum hain
K jab tu meray pass thy
Hath tera meray hath mein tha
Aur khushian char soo hamaray sath theen
Mager ab akelay tumhain sochtay hain
Yahee khoof daman say lepta howa hai
K aisa na ho es baras b December
Tumharay bina he kaheen beet jaye
December to her saal ata rahay ga
Mager tum na hogay tu kuch b na hoga

Suna hai nayaa saal pher aaraha hai...

[-=The Driver=-]

Re: sirf sad poetry

umda intekhaab hai jinab

[life.]

Re: sirf sad poetry

مجھ سے تم نے کیا لینا ہے
میرے پاس رکھا ہی کیا ہے
کچھ ٹُوٹے خوابوں کے ٹکڑے
کچھ آنکھوں میں جلتی راتیں
کچھ اچھے وقتوں کی یادیں
کچھ لفظوں کے بکھرے موتی
کچھ اُلجھی اُلجھی سی سوچیں
کچھ بے معنی رشتے، ناطے
کچھ ہونٹوں سے چِپکے شِکوے
کچھ آدھی کچھ پُوری باتیں...
جُز اِن بے وقعت سی چیزوں کے
میرے پاس رکھا ہی کیا ہے





اِک زخمی سہما سا دِل ہے
دو اشکوں میں ڈوبی آنکھیں
چند بُجھتی بُجھتی سی سانسیں
تم کو میں کیا دے سکتا ہوں
اِن خالی ہاتھوں میں کیا ہے
ہاں اِس زخمی سہمے دل میں
چاروں جانب تم ہی تم ہو
مُمکن ہو تو وہ لے جاؤ

عاطف سعید

[life.]

Re: sirf sad poetry


وہی گلیاں، وہی کُوچے، وہی سردی کا موسم ہے

اسی انداز سے اپنا نظامِ زیست برہم ہے

یہ حُسنِ اتفّاق ایسا کہ نکھری چاندنی بھی ہے

وہی ہر سمت ویرانی، اداسی ، تشنگی سی ہے

وہی ہے بھیڑ سوچوں کی وہی تنہائیاں پھر سے

مجھے سب یاد ہے، کچھ سال پہلے کا یہ قصّہ ہے

وہی لمحہ تو ویرانے کا اک آباد حصّہ ہے

میری آنکھوں میں وہ اک لمحئہ موجود اب بھی ہے

وہ زندہ رات میرے ساتھ لاکھوں بار جاگی ہے

کسی نے رات کی تنہائیوں میں سرگوشیاں کی تھیں

کسی کی نرم گفتاری نے دل کو لوریاں دی تھیں

کسی نے میری تنہائی کا سارا کرب بانٹا تھا

کسی نے رات کی چنری میں روشن چاند ٹانکا تھا

چمکتے جگنوؤں کا سیل اک بخشا تھا راتوں کو

دھڑکتا سا نیا عنوان دیا تھا میرے خوابوں کو

میرے شعروں میں وہ اِلہام کی صورت اُترا تھا

معنی بن کے جو لفظوں میں پہلی بار دھڑکا تھا

وہ جس کے ہونے سے زندگی نغمہ سرائی ہے

اُسے کہنا کہ بھیگی جنوری پھر لوٹ آئی ہے ۔۔۔

[life.]

Re: sirf sad poetry

اے دل پہلے بھی ہم تنہا تھے
اے دل ہم تنہا آج بھی ہیں
ان زخموں سے
ان داغوں سے
اب اپنی باتیں ہوتی ہیں
جو زخم کہ سُرخ گلاب ہوئے
جو داغ کہ بدرِ مُنیر ہوئے
اس طرح سے کب تک جینا ہے
میں ہار گیا اس جینے سے
کوئی ابر اٹھے کسی قلزم سے
رس برسے میرے ویرانے پر
کوئی جاگتا ہو، کوئی کُڑھتا ہو
میرے دیر سے واپس آنے پہ
کوئی سانس بھرے میرے پہلو میں
اور ہاتھ دھرے میرے شانے پر
اور دبے دبے لہجے میں کہے
تم نے اب تک بڑے درد سہے
تم تنہا تنہا چلتے رہے
تم تنہا تنہا جلتے رہے
سنو! تنہا چلنا کھیل نہیں
چلو آؤ میرے ہمراہ چلو
چلو نئے سفر پر چلتے ہیں
چلو مُجھ کو بنا کے گواہ چلو

[life.]

Re: sirf sad poetry

کہیں ملے تو یہ اسے کہنا
کہ تنہا ساون بتا چکا ہوں
میں سارے ارماں جلا چکا ہوں
جو شعلے بھڑکے تھے خواہشوں کے
وہ آنسوؤں سے بجھا چکا ہوں
کہیں*ملے تو اسے یہ کہنا
کہ بن اسکےاداس ہوں میں
بدلتی رت کا قیاس ہوں میں
بجھا دے اپنی محبتوں سے
سلگتی صدیوں*کی پیاس ہوں میں
کہیں*ملے تو اسے یہ کہنا
نہ دل میں کوئی ملال رکھے
ہمیشہ اپنا خیال رکھے
اپنے غم مجھکو دے کر
وہ اپنی خوشیاں سمبھال رکھے

[life.]

Re: sirf sad poetry

تیری یادیں

رات کی جلتی تنہائی میں
اندھیاروں کے جال بنے تھے
دیواروں پہ تاریکی کی گرد جمی تھی
خوشبو کا احساس ہوا میں ٹوٹ رہا تھا
دروازے بانہیں پھیلائے اونگھ رہے تھے
دور سمندر پار ہوائیں بادلوں سے باتیں کرتی تھیں
ایسے میں ایک نیند کا جھونکا
لہر بنا اور گزر گیا
پھر آنکھ کھلی تو اس موسم کی پہلی بارش
اور تیری یادیں
دونوں مل کر ٹوٹ کے برسیں

[life.]

Re: sirf sad poetry

کس کو معلوم تھا؟

یونہی چلتے ہوئے راستوں میں کئی ہمسفر جو ملے
اور بچھڑتے گئے
آتے جاتے ہوئے موسموں کی طرح
آپ ہی اپنی گردِ سفر ہو گئے
نہ کبھی میں نے پھر مُڑ کے دیکھا اور نہ سوچا کبھی
وہ کہاں کھو گئے؟
جو گئے، سو گئے
پھر یہ کیسے ہوا؟
یونہی اک اجنبی، دیکھتے دیکھتے
دل میں اُترا، دل میں سما سا گیا
اور دھنک رنگ سپنے جگا سا گیا
جیسے بادل کوئی، بےارادہ یونہی، میری چھت پہ رُکا
اور برسے بنا اس پہ ٹھہرا رہا
کیا تماشا ہوا، سامنے تھی ندی اور کوئی تشنہ لب
اس کو تکتا گیا اور پیاسا رہا
ایک لمحے میں سمٹے گی یہ داستاں
کس کو معلوم تھا؟
تم مِلو گے مجھے اس طرح بے گماں
کس کو معلوم تھا؟