Aanchal Ashaar Collection

[.]

Re: Aanchal Ashaar Collection

pas-e-marg mere mazaar par ji diyaa kisi ne jala diya
ise aah! daman-e-baad ne sar-e-shaam hii se bujha diya

[.]

Re: Aanchal Ashaar Collection

naheeN rah-bar ki kuch parwah hameiN, sadqay tasawwur ke
keh aaNkheN band karleeN aur tire kuuchay meiN ja-nikle

[.]

Re: Aanchal Ashaar Collection

umr kuchh shiddat e ahsaas ki barhh jaaye gi

aaiye aap mairay deeda e tar main rahiye

[.]

Re: Aanchal Ashaar Collection

ajeeb hotay hain aadaab e rukhsat e mehfil

keh uth kay woh bhi chalaa jis ka ghar na tha koii

[.]

Re: Aanchal Ashaar Collection

yeh shab rang zulfon kay bad mast baadal

mairay dil pe aay kaash khul kar barastay

[.]

Re: Aanchal Ashaar Collection

mairay naakhun e wafaa pe koii qarz reh na jaaye

tairay dil main jo girah hay usay neem baaz rakhna

[.]

Re: Aanchal Ashaar Collection

aay baad e saba naama o paighaam kay badlay

ek bosa miraa un lab o rukhsaar ko ponhchaa

[.]

Re: Aanchal Ashaar Collection

baAd masaaib kay milaa karti hay raahat aksar

talab e gul hay to phir tehni e pur khaar na daikh

[.]

Re: Aanchal Ashaar Collection

tum saath thay to ham bhi thay manzil say aashnaa

ab tum nahin to lagtay hain rastay ajeeb say

[.]

Re: Aanchal Ashaar Collection

too agar buraa na maanay to jahaan e rang o boo mayn

main sakoon e dil ki khaatir koii dhoondh loon sahaaraa

[.]

Re: Aanchal Ashaar Collection

naheeN tuu, tozinagaani shab-e-taar hay keh jis meiN
na fazaa meiN koee jugnuu, na falk pe koee taaraa

[.]

Re: Aanchal Ashaar Collection

tajdeed ke shu,oor se, aiy rah-baran-e-asr!
sheerazah-e-hayaat pareshaaN na kijiye

[.]

Re: Aanchal Ashaar Collection

waar kar saktaa to hoon main apnay dushman par magar

sochtaa hoon darmiyaan phir farq kia reh jaaye ga

[.]

Re: Aanchal Ashaar Collection

ab hawaayain hi karain gi raushni kaa faislah

jis diye main jaan ho gi woh diyaa reh jaaye ga

[.]

Re: Aanchal Ashaar Collection

kehtaa nahin hay koii bhi sach baat in dinon

achhay nahin hain shehr kay haalaat in dinon