Aanchal Ashaar Collection

[.]

Assalamalikum

activity ka mera thread :rose

ہر پل دھیان میں بسنے والے، لوگ فسانے ہوجاتے ہیں
آنکھیں بوڑھی ہوجاتی ہیں،خواب پرانے ہوجاتے ہیں

ساری بات تعلق والی،جذبوں کی سچائی تک ہے
میل دلوں میں آجائے تو ،گھر ویرانے ہوجاتے ہیں

منظر منظر کھل اٹھتی ہے ،پیراہن کی قوسِ قزاح
موسم تیرے ہنس پڑنے سے اور سہانے ہوجاتے ہیں

جھونپڑیوں میں ہر اک تلخی پیدا ہوتے مل جاتی ہے
اس لیئے تو وقت سے پہلے طفل سیانے ہوجاتے ہیں

موسمِ عشق کی آہٹ سے ہی ہر اک چیز بدل جاتی ہے
راتیں پاگل کردیتی ہیں،دن دیوانے ہوجاتے ہیں

دنیا کے اس شور نے امجد کیا کیا ہم سے چھین لیا ہے
خود سے بات کیئے بھی اب تو کئی زمانے ہوجاتے ہیں

[.]

Re: Aanchal Ashaar Collection

منزلیں بھی اُس کی تھیں
راستہ بھی اُس کا تھا
ایک میں اکیلا تھا
قافلہ بھی اُس کا تھا
ساتھ ساتھ چلنے کی سوچ بھی اُس کی تھی
پھر راستہ بدلنے کا فیصلہ بھی اُس کا تھا
آج کیوں اکیلا ہوں ۔ ؟
دل سوال کرتا ہے ۔ !
لوگ تو اُس کے تھے
کیا خدا بھی اُس کا تھا ۔۔۔ ؟

[.]

Re: Aanchal Ashaar Collection

زیرِ لب یہ جو تبسّم کا دِیا رکھا ہے
ہے کوئی بات جسے تم نے چھپا رکھا ہے

چند بے ربط سے صفحوں میں، کتابِ جاں کے
اِک نشانی کی طرح عہدِ وفا رکھا ہے

ایک ہی شکل نظر آتی ہے، جاگے، سوئے
تم نے جادُو سا کوئی مجھ پہ چلا رکھا ہے

یہ جو اِک خواب ہے آنکھوں میں نہفتہ، مت پوچھ
کس طرح ہم نے زمانے سے بچا رکھا ہے!

کیسے خوشبو کو بِکھر جانے سے روکے کوئی!
رزقِ غنچہ اسی گٹھڑی میں بندھا رکھا ہے

کب سے احباب جِسے حلقہ کیے بیٹھے تھے
وہ چراغ آج سرِ راہِ ہوا، رکھا ہے

دن میں سائے کی طرح ساتھ رہا، لشکرِ غم
رات نے اور ہی طوفان اٹھا رکھا ہے

یاد بھی آتا نہیں اب کہ گِلے تھے کیا کیا
سب کو اُس آنکھ نے باتوں میں لگا رکھا ہے

دل میں خوشبو کی طرح پھرتی ہیں یادیں، امجد
ہم نے اس دشت کو گلزار بنا رکھا ہے

[.]

Re: Aanchal Ashaar Collection

چپکے چپکے اثر کرتا ہے
عشق کینسر کی طرح بڑھتا ہے

جو کوئی جی نہ سکے مر جائے
آپ کا نام عبث لیتا ہے

کون سناتا ہے کسی کی ویپارہ
سب کے ماتھے پہ یہی لکھا ہے

کوئی ڈراتا ہے بھری محفل میں
کوئی تنہائی میں ہنس پڑٹا ہے

یہی ہے جنت یہی ہے دوزخ
اور دیکھو تو یہی دنیا ہے

سب کی قسمت میں فنا ہے جب تک
آنسوؤں پہ کوئی زندہ ہے

وہ خدا ہے تو زمین پر آئے
حشر کا دن تو یہاں برپا ہے

سانس روکے ہوئے بیٹھو “ امجد “
وقت دشمن کی طرح چلاتا ہے

[.]

Re: Aanchal Ashaar Collection

ختم اپنی چاہتوں کا سلسلہ کیسے ہوا
ختم اپنی چاہتوں کا سلسلہ کیسے ہوا
تو تو مجھ میں جذب تھا مجھ سے جدا کیسے ہوا
وہ جو تیرے اور میرے درمیاں ایک بات تھی
آئو سوچیں شہر اسے آشنا کیسے ہوا
چب گئیں سینے میں ٹوٹی خواہشوں کی کرچیاں
کیا لکھوں دل ٹوٹنے کا حادثہ کیسے ہوا
جو رگِ جاں تھا کبھی ملتا ہے اب رخ پھیر کر
سوچتا ہوں اس قدر وہ بے وفا کیسے ہوا

[.]

Re: Aanchal Ashaar Collection

گزرتے لمحوں!

مجھے بتاؤ زندگی کا اصول کیا ہے
تمام ہاتھوں میں آئینے ہیں
کون کس سے چھپتا ہے
اگر صدا کا وجود کانوں سے منسلک ہے
تو کون خوشبو بن کر بولتا ہے
اگر سمندر کی حد ساحل ہے
تو کون آنکھوں میں پھیلتا ہے
تمام چیزیں اگر ملتی ہیں
تو کون چیزوں سے ماورا ہے
کِسے خبر ۔۔۔ بدلتی رُت نے پرانے پتوں سے کیا کہا
یہ کون بادل سے پوچھے کہ اتنے سال کہاں رہا
یہ جو آج دیکھا ہے وہ کل نہ ہوگا
کوئی لمحہ اٹل نہ ہوگا
گزرتے ہوئے لمحو!
مجھے بتاؤ زندگی کا اصول کیا ہے

[.]

Re: Aanchal Ashaar Collection

خلافِ قانون

لوگ کہتے ہیں پانی میں لکڑی نہیں ڈوبتی
اور وجہ یہ بتاتے ہیں
لکڑی کا اپنا حجم
چونکہ پانی کی اتنی ہی مقدار کے
بالمقابل زیادہ نہیں
اس لئے وہ سدا
سطح آبِ رواں پہ رہے گی مگر
ڈوبنے کا عمل اس پہ ہو گا نہیں
ازل سے یہ قدرت کا قانون ہے
اور قانون قدرت بدلتا نہیں
پہ میں سوچتا ہوں
اگر یہ حقیقت میں قانون ہے
تو تیرے غم کے دریا میں
دل کیسے ڈوبا؟

[.]

Re: Aanchal Ashaar Collection

کوئی بھی دشمنن جاں ہو مجھے قبول مگر
میں اپنے مصر کا یوسف ہوں مجھہ کو بھائی نہ دے

سکوت دشت کی ہیبت ہے یا خموشی مرگ
خود اپنی چیخ بھی محسن مجھے سنائی نہ دے

[.]

Re: Aanchal Ashaar Collection

میں ازل کی شاخ سے ٹوٹا ہوا
پھر رہا ہوں آج تک بھٹکا ہوا

دیکھتا رہتا ہے مجھ کو رات دن
کوئی اپنے تخت پر بیٹھا ہوا

چاند تارے دور پیچھے رہ گئے
میں کہاں پر آگیا اُڑتا ہوا

بند کھڑکی سے ہوا آتی رہی
ایک شیشہ تھا کہیں ٹوٹا ہوا

اپنے ماضی کا سمندر چھانیئے
اک خزانہ ہے یہاں ڈوبا ہوا

دوستوں نے کچھ سبق ایسے دیئے
اپنے سائے سے بھی ہوں سہما ہوا

[.]

Re: Aanchal Ashaar Collection

اے صبح کے ستارے
ڈوبیں گے ساتھ تیرے
کچھ لوگ غم کے مارے
اے صبح کے ستارے

بھولے ہوئے منظر ، آنکھوں میں تیرتے ہیں
کچھ عکس دوستی کے ، سانسوں میں پھیلتے ہیں
خوابوں میں ڈولتے ہیں
کچھ نقش بے سہارے
اے صبح کے ستارے

ہر راہ ڈھونڈتی ہے ، گزرے مسافروں کو
لمحے ترس رہے ہیں ، مانوس اۤہٹوں کو
ہم اور سجن ہیں جیسے
دریا کے دو کنارے
اے صبح کے ستارے
ڈوبیں گے ساتھ تیرے
کچھ لوگ غم کے مارے

[.]

Re: Aanchal Ashaar Collection

اُس نے آہستہ سے جب پُکارا مجھے
جھُک کے تکنے لگا ہر ستارا مجھے

تیرا غم، اس فشارِ شب و روز میں
ہونے دیتا نہیں بے سہارا مجھے

ہر ستارے کی بجھتی ہوئی روشنی
میرے ہونے کا ہے استعارا مجھے

اے خدا کوئی ایسا بھی ہے معجزہ
جو کہ مجھ پر کرے آشکارا مجھے

کوئی سورج نہیں کوئی تارا نہیں
تو نے کس جھٹپٹے میں اُتارا مجھے

عکسِ امروز میں نقشِ دیروز میں
اک اشارا تجھے اک اشارا مجھے

ہیں ازل تا ابد ٹوٹتے آئینے
آگہی نے کہاں لا کے مارا مجھے

[.]

Re: Aanchal Ashaar Collection

نہ دکھا پائے گا تُو خواب میری آنکھوں کے
اب بھی کہتا ہوں مصور میرا چہرہ نہ بنا

[kutkutariyaan]

Re: Aanchal Ashaar Collection

Walikum Salam :D:

دوستوں نے کچھ سبق ایسے دیئے
اپنے سائے سے بھی ہوں سہما ہوا
Well said :thmbup:

[.]

Re: Aanchal Ashaar Collection

ارادے جن کے پختہ ہوں نظر جن کی خدا پر ہو
تلاطم خیز موجوں سے وہ گھبرایا نہیں کرتے

[.]

Re: Aanchal Ashaar Collection

زمین جلتی ہے اور آسمان ٹوٹتا ہے
مگر گریز کریں ہم تو مان ٹوٹتا ہے

کوئی بھی کام ہو انجام تک نہیں جاتا
کسی کے دھیان میں پَل پَل یہ دھیان ٹوٹتا ہے

کہ جیسے مَتن میں ہر لفظ کی ہے اپنی جگہ
جو ایک فرد کٹے، کاروان ٹوٹتا ہے

نژادِ صبح کے لشکر کی آمد آمد ہے
حصارِ حلقئہ شب زادگان ٹوٹتا ہے

اگر یہی ہے عدالت ! اور آپ ہیں مُنصِف
عجب نہیں جو ہمارا بیان ٹوٹتا ہے

وفا کے شہرکے رستے عجیب ہیں امجد
ہر ایک موڑ پہ اِک مہربان ٹوٹتا ہے