Bewafa Poetry Collection

[Decent Boy]

Re: Bewafa Poetry Collection

Hamary paao’n mein tum ne zanjeer-e-wafa daali, ,
Tumhary haath se kyun rishta-e-mehr-o-karam choota. . !

[Decent Boy]

Re: Bewafa Poetry Collection

Tark-e-ta’alluq kar tou chukay hain, aik imkaan abhi baaqi hai
Aik mahaaz se loot aye hain, aik maidan abhi baaqi hai
Shayad us ne hansi hansi mein, tark-e-wafa ka zikr kiya
Yunhi si ik khush-fehmi hai, itmenaan abhi baaqi hai
Raat’ain us k hijr mein ab bhi, naza’a kay aalam mein kat’ti hain
Dil mein waisi hi wehshat hai, tann mein jaan abhi baaqi hai
Bachpan k is ghar k saray kamray, maliya-mait huay hain
Jis mein hum khaila karty thy, wo daalan abhi baaqi hai
Diye mundair pe rakh aaty hain, hum har sham najanay kyun
Shayad us k laut aany ka, kuch imkaan abhi baaqi hai
Aik adalat aur hai jis mein, hum tum ik din hazir hongy
Faisla sun kar khush mat hona, aik mezaan abhi baaqi hai. . !

[Decent Boy]

Re: Bewafa Poetry Collection

Hum hi mein na thi koi baat jo yaad na tum ko aa sakay
Tum ne humain bhula diya, hum na tumhain bhula sakay. . !

[Decent Boy]

Re: Bewafa Poetry Collection

Tujhy bhula k jiyu’n, aisi bad-dua bhi na de
Khuda mujhy ye tahammul, ye hosla bhi na de
Meray bayan-e-safaai k darmian mat bol
Sunay baghair mujhy, apna faisla bhi na de
Ye umer meine tery naam be-talab likh di
Bhalay se daman-e-dil mein kahin jaga bhi na de
Ye din bhi aaingy, aisa kabhi socha na tha
Wo mujh ko dekh bhi lay aur muskura bhi na de
Ye ranjish’ain to muhabbat k phool hain ‘Sajid’
Ta’aluqaat ko is baat per ganwa bhi na de. . !

[Decent Boy]

Re: Bewafa Poetry Collection

Hum tujhy bhool k khush baithay hain
Hum sa be-dard koi kia ho ga. . . ?

[Decent Boy]

Re: Bewafa Poetry Collection

Tum ne hi majboor kiya hai, Mujh ko raah badalny per
Jeewan k be-ant safar mein, Ghair ka ho kar chalny per
Meine tumhari aasha’on ka, Her her roop saraha tha
Meine apna aap bhula kar, Tum ko toot k chaha tha
Umer ki ujli deewaro’n per, Qismat ka andheyaara tha
Aur boht they suraj lekin, Tum sa charaagh hi piyara tha
Lekin tum hi mery maseeha, Nafrat k saanchay mein dhal kar
Ik Din mery saamney aa gaye, Qaatil ka behroop badal kar
Ab kia shikwa, Kesi Shikayat, Chahat k sab rishtay kachay
Mein bhi aur tum bhi har-jaai, Mein bhi theek aur tum bhi sachay. . !

[Decent Boy]

Re: Bewafa Poetry Collection

Bichra kuch is adaa say kay rut hi badal gayi,
Ek shahkhs saaray shahar ko weraan kar geya..
…

[Decent Boy]

Re: Bewafa Poetry Collection

Bas ek teray bicharnay ki dair thi jaisay,
Simat kar aagaye kadmoon main karb sadioon ka ..

[Decent Boy]

Re: Bewafa Poetry Collection

Bicharnay walay tujhey dekh dekh kar sochta hun,
Tu jab milay ga tu kitna badal chukka hoga..

[Decent Boy]

Re: Bewafa Poetry Collection

Yeh aur baat hai saqi key mujhai hosh nahi,
werna main kuch bhi hoon ehsaan faramosh nahi..

[Decent Boy]

Re: Bewafa Poetry Collection

Yeh kya kam hai key mar janay pe duniya yaad karti hai,
Kesi key ishq main duniya lut’ta kar hum bhi dekhain gaye..

[Decent Boy]

Re: Bewafa Poetry Collection

Ye ittefaq hain sab rah ki musafat key,
Chalay kesi key lye ja milay kesi k sath..
…

[Decent Boy]

Re: Bewafa Poetry Collection

Ye fakhar tu hasil hai, buray hain key bhalay hain,
do chaar qadam hum bhi teray sath chalain hain…
…

[Decent Boy]

Re: Bewafa Poetry Collection

Yehi hai naa tumhain hum sey bichar janay ki jaldi hai,
Kabhi milna tumharay maslay ka hal nikalain gaye..
…

[Decent Boy]

Re: Bewafa Poetry Collection

Yun phir raha hai kaanch ka peikar liye howey,
Ghafil ko gumaan hai key pathar naa aye ga..