Bewafa Poetry Collection

[Decent Boy]

Muhabbat tum ne danista ganwaai thi. . !
Tou behtar hai k ab us ko bhula daalo
K ab pachtanay se bhi kuch nahi hoga
Ye tum ko baarha hum ne kaha bhi tha
Suno jana’n!
Gulabo’n se ye lamhay hain
Inhein khonay se pehlay hi sambhal jao
Khiza’n se dosti karna nahi acha
Magar tum ko tou zid si thi mitanay ki, jalanay ki, ganwanay ki
Jo tum ne aag bharkai thi haatho’n se
Tumharay apny daaman tak bhi aa pohnchi tou rotay ho?
Suno! pachtanay se bhi kuch nahi hoga
Muhabbat tum ne danista ganwaai thi.
To behtar hai k ab usko bhula daalo. . !

[Decent Boy]

Re: Bewafa Poetry Collection

Dushmano’n se mohabbat hone lagi hai mujhe,
Jese jese doston ko aazmaata ja raha hoon mein..

[Decent Boy]

Re: Bewafa Poetry Collection

Suno Jana!
muhabbat mein kisi ko panay ki ujlat
Dikha kar kia mila tum ko?
kabhi socha?
kabhi socha k tum ne mujh ko bhi to khaali khaali
jhootay raisham k hi dhaago’n mein
Ulajhney ki saza di hai
Suno! Mein ne tumhara kia bigara tha?
Ye sab kuch kyun kiya tum ne?
Mujhy youn zindagi se badguma’n kar k bhala kia paa liya tum ne?
Abhi bhi wakt hai tum rok lo, titli ko marney se
Khushbu’on ko nikherny se
Wagarna kal tumharay haath
yaado’n ki zara si raakh hogi aur kuch bhi to nahi ho ga
Abhi bhi wakt hai tum rok lo
Titli Ko Marnay Se. . !

[Decent Boy]

Re: Bewafa Poetry Collection

Cherri phir aap hi ne wohi be-rukhi ki baat. .
Phir aap ne chupa liya chehra naqaab mein. . !

[Decent Boy]

Re: Bewafa Poetry Collection

Chalo itna tou nikla kaam baham aashnai se. . !
Wafa se hum ho gaye aashna tum be-wafai se. . !

[Decent Boy]

Re: Bewafa Poetry Collection

Chain leny nahi daiti hai us ki yaad ‘Sana’. . !
Naam bhi yaad jisay apna dilaya jaaye. . !

[Decent Boy]

Re: Bewafa Poetry Collection

Mein rah’guzar mein khari hui hoon. . !
Tumhari khatir arri hui hoon
Dukho’n se daaman wasee hai mera
Inhi mein pal k barri hui hoon
Kisi ki mujh ko nahi hai parwah
Mein tery dil mein jurri hui hoon. . !

[Decent Boy]

Re: Bewafa Poetry Collection

Mein aaj boht udaas hoon
koi nahi
Jis dil se veerani baant saku’n
Koi nahi
Jo mery behtay aansuo’n ko rok sakay
Koi nahi
Jo ik zara harf-e-tasalli de
koi nahi
Jo muskura k kahay
“Apni hasaas aankho’n ko takleef na de”
Ye moti merey dil pe girty hain
Koi nahi
Agar hai tou bolta kyun nahi hai. . !
…

[Decent Boy]

Re: Bewafa Poetry Collection

Koi guzra hua lamha
Koi beeti hui sa’at
Tumhary dil k band dareechy mein chali aaye
Tumhain aisa lagay
K muddat baad
Tumhain dheemi c, meethi c
Kasak mehsoos hoti hai
Tumhain kuch yaad aata hai
Tou mery bhoolay huay saathi
Mery na-meherbaa’n
Palat aana, Palat aana
K meri sama’atain ab bhi
Tumhari ahat’on ki muntazir hain.

[Decent Boy]

Re: Bewafa Poetry Collection

Hadood-e-Zindagi mein jab koi mushkil maqaam aya. .
Na ghair’on ne tawajja di, na apna koi kaam aaya. . !
…

[Decent Boy]

Re: Bewafa Poetry Collection

Sari duniya ki nigah’on sey gira hai majroh.!!
Tab kahi’n ja key teray dil mein jagha pai hai..

[Decent Boy]

Re: Bewafa Poetry Collection

Suna tha tutey huay saaz khob bajtey hein.!
Baraey khalus sey dil ka rubab laya hun..

[Decent Boy]

Re: Bewafa Poetry Collection

Yaha’n ehal-e-dil toot’ain gey nahi to
Be-wafa’on ko aram kesay aye ga
Wo awara mizaj kahin door ja basa hai
Aab meri saada’on per kesay aaye ga
Saans’on mein basa hai yaad’on ki surat
Per is ko yakeen kesay aaye ga
Mein is ko kab ka bhol gaya hota ‘Gul’
Masla is dil ka hai is ko qarar kesay aaye ga

[Decent Boy]

Re: Bewafa Poetry Collection

Sar uthaney ka bhala aur kisy yara tha..
Bas teray shehar mein ye rasm ada hum sey hui!

[Decent Boy]

Re: Bewafa Poetry Collection

Mein ik pal bhi ghar sey nikl’on
To wo mujh sey pocha kerti thi
Tum kahan gaye thay
Kis sey milney gaye thay
Kia kam tha tujh o
Aisey be-wajha
Ghar sey na nikla karo
Zamana bohat kharab hai
Aaj teen shab bad
Jab mein ghar lauta to
Yaad aya
Wo pocha kerti thi