Bewafa Poetry Collection

[Decent Boy]

Re: Bewafa Poetry Collection

Kaha Tha Na K Humein Bhool Jao Ge,
Meri Ess Baat Py Aksar Lara Krty Thy Tum..
…

[Decent Boy]

Re: Bewafa Poetry Collection

Wo kaha karta tha
Jab
Mein tujhy bhoolunga
To wo din zindagi ka
Akhri din ho ga
Us raat taaray
Na chamkaingy
Us subha
Suraj na
Nikley ga
Wo kaha karta tha
Meri har
Saans se
Tu wabasta hai
Aaj jab us
Ne rasta badla
Tou
Yaad aya
Wo kaha karta tha

[Decent Boy]

Re: Bewafa Poetry Collection

Koi sawaal jo poochay to kia kahoon us se
Bicherney walay! Sabab to bata judai ka. . !

[Decent Boy]

Re: Bewafa Poetry Collection

Go zara si baat per baarso’n k yaranay gaye
Lekin itna to hua k kuch log pehchanaya gaye. . !
…

[Decent Boy]

Re: Bewafa Poetry Collection

Guzray hain aaj ishq mein hum us maqaam se
Nafrat si ho gai hai muhabbat k naam se. . !

[Decent Boy]

Re: Bewafa Poetry Collection

Geela kaghaz ki tarha zeest hamari thehri. .
Koi likhta bhi nahi, Koi jalata bhi nahi. . !

[Decent Boy]

Re: Bewafa Poetry Collection

Kitni aasani se us ne likh diya
“jaan-e-man! Mehsoos mat karna magar
In dino’n beemar bhi hoon aur kuch haalaat bhi achy nahi
Raat din socho’n mein gum rehti hoon mein
“Tum” rehti hoon mein
Ik guzarish hai bura mat manna
Mery khat aur meri tasweer’ain tamaam
Mujh ko wapis bhej do
Meri mangni honay wali hai, boht majboor hoon”
Us ki tasweerain aur us k khat tamaam
Meine chun chun kar rawana kar diye
Us ne phir likha k sari zindagi
Apni tehreer’on, tasweer’on ki surat mein sadaa
Ab tumhain dekhungi mein
Apni sanso’n k boht nazdeekh paungi tumhain
Doosro’n k wastay mein bhool jaungi tumhain . . !

[Decent Boy]

Re: Bewafa Poetry Collection

Guzar gaya koi thokar laga k aaj mujhay
K jaisy mein bhi khiza’n ka haqeer patta tha .

[Decent Boy]

Re: Bewafa Poetry Collection

Guzarney walay youn sarsari na guzar dil se
Muskan shikasta sahi per makeen rakhta tha. !

[Decent Boy]

Re: Bewafa Poetry Collection

Gardaab mein, chonk parra un ki sadaa per
Ehsaan ye mujh per mery ehbaab na kartay. . !

[Decent Boy]

Re: Bewafa Poetry Collection

Is dil ne teray baad muhabbat bhi nahi’n ki
Had ye k dharakney ki jasaarat bhi nahi’n ki
Tabeer ka aizaz hua hai usey haasil
Jis ne mery khuwabo’n mein sharakat bhi nahi’n ki
Ulfat tou barri baat hai hum se to sir-e-sheher
Logo’n ne kabhi dhang se nafrat bhi nahi’n ki
Aadab-e-safar ab wo sikhatay hain jinho’n ne
Do chaar qadam tay ye musaafat bhi nahi’n ki
Kia apni safai mein bayaa’n daity k hum ne
Nakarda gunaho’n ki wazahat bhi nahi’n ki
Khamosh tamashaai k manind sir-e-bazm
So zakhm sahay dil pe, shikayat bhi nahi’n ki
Us ghar k sabhi log mujhy chorrney aaye
Dehleez talak us ne ye zehmat bhi nahi’n ki
Us ne bhi ghulam’on ki safo’n mein humain rakha
Is dil pe kabhi jis ne hakoomat bhi nahi’n ki. . !

[Decent Boy]

Re: Bewafa Poetry Collection

Mein tou usko dekhtay hi jaisy pathar ho gaya
Baat tak na munh se nikli be-wafa k saamney. . !
…

[Decent Boy]

Re: Bewafa Poetry Collection

Meine chaha tha andoh-e-wafa se chootu’n
Wo sitam’gar mery marnay pe bhi razi na hua. . !
…

[Decent Boy]

Re: Bewafa Poetry Collection

Majrooh jin se dil hi nahi’n, Rooh tak hui. .
Wo teer ittefaq se ik aashna ka tha. . !
…

[Decent Boy]

Re: Bewafa Poetry Collection

Wohi kahi’n bhi gaya, lota tou mery paas aya. .
Bus yehi baat hai achi mery harjaai ki. . !