~~ Where there is love there is life ~~ collection from the painful heart of pErIsH_BoY .>>>>>>

[pErIsH_BoY]

Re: Nazmein ( Only in Urdu Font ).........!!!

[pErIsH_BoY]

Re: Nazmein ( Only in Urdu Font ).........!!!

******************

آبِ جُو میں ایک طلسمی عکس ابھرا تھا ابھی

دہکے آرض۔۔۔۔۔۔۔ آئینے میں تیز شعلوں کی ضیاء
احمریں لب۔۔۔۔۔۔۔۔ زخمِ تازہ موجِ خوں سے آشنا
تیکھے ابرو۔۔۔۔۔۔ ۔۔۔۔ لَوحِ سیمیں پر دھویں کا خط کھینچا
بکھرے گیسو۔۔۔۔۔۔ ۔۔۔ کالی راتوں کا ملائم ڈھیر سا
بہتی افشاں۔۔۔۔۔ ۔۔۔۔ جگمگاتی مشعلوں کا قافلہ
گہری آنکھیں۔۔۔۔ ۔۔۔۔۔ دور تک منظر سہانے خواب کا

آبِ جُو میں ایک طلسمی عکس ابھرا تھا ابھی

نُقرئی پانی کے جو آنچل میں جھلمل کر رہی تھی، کون تھی
حُور تھی تخئیل کے رمزوں کی یا وہ جل پری تھی، کون تھی
اس پہیلی کی گِرہ کُھلنے سے پہلےہی نگاہوں پر میری
ریشمی قدموں کی آہٹ سے خلاء کی سبز چلمن آ گری
آبِ جُو میں نرم لہروں کا خرامِ بے جَرَس
یا کفِ ساحل پہ میرے نقش پا تھے اور بس !


******************

[pErIsH_BoY]

Re: Nazmein ( Only in Urdu Font ).........!!!

*****************


عجب گھڑی تھی

کتاب کیچڑمیں گر پڑی تھی

چمکتے لفظوں کی میلی آنکھوں میں

الجھتے آنسو بلا رہے تھے

مگر مجھے ہوش ہی کہاں تھا

نظر میں اک اور ہی جہاں تھا

نئے نئے منظروں کی خواہش میں

اپنے منظر سے کٹ گیا تھا،

نئے نئےدائروں کی گردش میں

اپنے محور سے ہٹ گیا ہوں

صلہ، جزاء، خوف، نا امیدی

امید، امکان، بے یقینی،

ہزاروں میں بٹ گیا ہوں

اب اس سے پہلے کے رات اپنی کمند ڈالے،

یہ چاہتا ہوں کے لوٹ آؤں

عجب نہیں کےوہ کتاب اب بھی وہیں پڑی ہو،

عجب نہیں آج بھی راہ میری دیکھتی ہو،

چمکتے لفظوں کی میلی آنکھوں میں الجھتے آنسو

ہوا و حرص و ہوس کی سب گرد صاف کر دیں

عجب نہیں میرے لفظ مجھکو معاف کر دیں

عجب گھڑی تھی

کتاب کیچڑمیں گر پڑی تھی



*****************

[pErIsH_BoY]

Re: Nazmein ( Only in Urdu Font ).........!!!

*******************


دردوں کے اس کوہِ گراں سے
میں نے تراشی نظم کے ایواں
کی اک اک سِل
اک اک سوچ کی حیراں مورت ...گرچہ قلم کی نوک سے ٹپکے
کتنے ترانے ،کتنے فسانے
لاکھ مسائل
دل میں رہی سب دل کی حکایت!
بیس برس کی خواہشِ پیہم
سوچتے دن اور جاگتی راتیں
:اُن کا حاصل
ایک یہی اظہار کی حسرت


*******************

[pErIsH_BoY]

Re: Nazmein ( Only in Urdu Font ).........!!!

******************

ایک شب اپنے دریچے میں کھڑے تھے جاناں
اور باہر کے اندھیرے سے کوئی دیکھے تو
اپنے چہرے تھے جو کھڑکی میں جڑے تھے جاناں
مجھ کو تو معلوم ہے خوں اپنا بس اک دائرہ ہے
درد کا کھیل فقط لمحہ موجود کا ہے
پچھلی تاریخ سے آغاز نہیں ہو سکتا
بھول جاؤں تو کوئی انداز نہیں ہو سکتا
بھول جاؤں تو کوئی یاد نئی آئے گی
یہ کوئی حل کوئی انداز نہیں ہو سکتا
اب بھی آئی ہے بہار آ کے چلی جائے گی
مجھ کو معلوم ہے خوں اپنا بس اک دائرہ ہے
اتفاقاً کبھی میں پیدا ہوا تھا جیسے
جب مری موت بھی آئے گی یونہی آئے گی


******************

[pErIsH_BoY]

Re: Nazmein ( Only in Urdu Font ).........!!!

ہوا کی آواز
خشک پتوں کی سرسراہٹ سے بھر گئی ہے
روش روش پر فتادہ پھولوں نے
لاکھوں نوحے جگا دیے ہیں
سلیٹی شامیں بلند پیڑوں پہ غل مچاتے
سیاہ کوؤں کے قافلوں سے اَٹی ہوئی ہیں
ہر ایک جانب خزاں کی آواز گونجتی ہے
ہر ایک بستی کشاکش مرگ و زندگی سے نڈھال ہو کر
مسافروں کو پکارتی ہے کہ آؤ
مجھ کو خزاں کے بے مہر تلخ احساس سے بچاؤ

[pErIsH_BoY]

Re: Nazmein ( Only in Urdu Font ).........!!!

[pErIsH_BoY]

Re: Nazmein ( Only in Urdu Font ).........!!!

[pErIsH_BoY]

Re: Nazmein ( Only in Urdu Font ).........!!!

**************

بیس برس کے خود کش حملہ آور کے نام

جن آنکھوں کو
خواب محبت کی پہلی من موہنی دستک سے کھلنا تھا
وہ آنکھیں اک وحشت ناک دھماکے
کے خونی جھٹکے سے…بند ہوئی ہیں
بھورے بھورے بال الجھے ہیں… اک جھاڑی سے
تن کی دھجی دھجی رستوں پر بکھری ہے

مارنے اور مرجانے کی اندھی خواہش میں
کس بدلے کی بھاونا… اک شعلے کی صورت
اس نازک تن میں جلتی تھی
دشمن کو بن پہچانے ہی
بیس برس کے اس سینے میں
کیوں اتنی نفرت پلتی تھی؟

بیس برس کی عمرتو ماں کی سبز دعاؤں سے اُگتی ہے
بیس برس کی آنکھوں کے محمل میں تو لیلیٰ رہتی ہے
بیس برس کا دل تو عشق کی اونچی لَو سے
سرخ چراغ بنا رہتا ہے
اپنے انجانے جذبوں کا
خود ہی سراغ بنا رہتا ہے

کس نے تمہارے روشن دل کو نفرت کرنا سکھلایا تھا
لمبی عمر کی… سبز دعاؤں والی رُت میں
کس ظالم نے موت کا سپنا دکھلایا تھا؟
کس نے کہا، اس آگ میں جل کر تم کو شہادت مل جائے گی
کس نے بتایا، موت کی کالی راہ پہ جنت مل جائے گی
بیس برس کے کم سنِ دل کو
پہلی چاہت مل جائے گی؟

**************

[pErIsH_BoY]

Re: Nazmein ( Only in Urdu Font ).........!!!

یہ عادت ہے اُس کی
ایک جھلک دے کر روپوش ہو جانا
کسی کُوندے کی مانند
آنکھ کی چوکھٹ کو چُھونا
اور چُھپ جانا
کسی بے مہر جھونکے کی طرح
پل میں گذر جانا
اُسے کیسے کہے کوئی
کہ شہروں کی تپتی پیاس
رِم جِھم سے نہیں بُجھتی

[pErIsH_BoY]

Re: Nazmein ( Only in Urdu Font ).........!!!

مجھے لکھنے کی خواہش ہے ۔۔۔
مگر لکھا نہیں جاتا
میرے الفاظ دل کی آہنی دیوار سے سر پھوڑتے ہیں
اور انہیں اظہار کا رستہ نہیں ملتا
میری آنکھیں جنھیں دِل میں چھپے جذبات کو اشکوں کی بولی میں
بتا دینے پہ قدرت تھی
وہ اب کچھ بھی نہیں کہتیں
میرے یہ لب !
جو دل کی ان کہی باتوں کو کہنے سے نہ ڈرتے تھے
وہ لب کچھ بھی نہیں کہتے
میرے یہ اُنگلیاں !
جو دل میں چُھپے جذبات کو اظہار کا رستہ بتاتی تھیں
وہ اب کچھ بھی نہیں لکھتیں
میری آنکھیں، یہ لب، یہ اُنگلیاں مجھ سے کہتے ہیں
کہ اب جذبات کو اظہار کا رستہ نہیں دینا
کہ یہ منہ زور ہوتے ہیں
فقط رستے کے ملنے سے
انہیں منزل تلک جانے کی حاجت ہی نہیں رہتی
نئے رستے پہ جاتے ہیں
نئی راہیں بناتے ہیں
مگر پھر واپسی کے سب نشاں یہ بھول جاتے ہیں
انہیں رستہ نہیں دینا
انہیں تم دِل میں رہنے دو !
وگرنہ خوں رُلائیں گے
انہیں رستہ نہیں دینا
انہیں تم دِل میں رہنے دو !
مجھے لکھنے کی خواہش ہے
مگر لکھا نہیں جاتا

[pErIsH_BoY]

Re: Nazmein ( Only in Urdu Font ).........!!!

مجھے اک نظم لکھنی ہے
کہیں سے لفظ مل جائیں
میں بے بس ہوں
کوئی تشبیہ نہ کوئی استعارہ ٹھیک لگتا ہے
کہاں سے لفظ وہ لاؤں جو دل کا حال کہہ پائیں
مجھے کتنی محبت ہے
مجھے کتنی عقیدت ہے
مجھے کتنی ضرورت ہے
میں بتلا دوں انہیں سب کچھ کہیں سے لفظ مل جائیں
مجھے ماں کی دعا سے جو ہوائے خلد آتی ہے
اسے کیسے میں لکھوں گا؟
مرے ابو کی شفقت جو مجھے جینا سکھاتی ہے
اسے کیسے میں لکھوں گا؟
میں بے بس ہوں
کہاںسے لفظ وہ لاؤں جو دل کا حال کہہ پائیں
میں ایسے لفظ ڈھونڈوں گا
جنہیں لکھوں تو کاغذ پر دیے سے جگمگا اٹھیں
جنہیں سوچوں توذہن ودل کا ہر گوشہ مہک جائے
جنہیںہونٹوںپہ لاؤں تودعاکے پھول کھل جائیں
کہیںسے لفظ مل جائیں
دھنک اوڑھے ہوئے کچھ لفظ مجھ کو ڈھونڈنے ہوں گے
کہ جن سے نظم لکھنی ہے،
انہیں سب کچھ بتاناہے
مجھے کتنی محبت ہے
مجھے کتنی عقیدت ہے
مجھے کتنی ضرورت ہے

[pErIsH_BoY]

Re: Nazmein ( Only in Urdu Font ).........!!!

مرے ہمدم، مرے ساتھی
تمہیں تو یاد ہی ہو گا
وہ دن کیا خاص تھا جب تم مرے جیون آئی تھیں
مری بے رنگ دنیا کو تمہاری مسکراہٹ نے ہزاروں رنگ بخشے تھے
اسے کیسے سجایا تھا تمہیں تو یاد ہی ہو گا
تمہیں میں نے بتایا تھا
کہ میں خوابوں میں رہتا ہوں مگر تم اک حقیقت ہو
محبت ہی محبت ہو
پھر اس کے بعد جیون کے سبھی موسم، سبھی منظر تمہاری آنکھ سے دیکھے
تمہارے ساتھ جو گذرے وہی پل زندگی ٹھہرے
تمہیں تو یاد ہی ہو گا،مجھے کب یاد رہتا تھا
مجھے کیا کام کرنے ہیں
مجھے کس کس سے ملنا ہے
کہاں جانا ضروری ہے
خفا کوئی ہے کیوں مجھ سے
کسے جا کر منانا ہے
مجھے کب یاد رہتا تھا
مرا معمول تو تم تھیں
تمہی سب یاد رکھتی تھیں
میں اپنے دل کی سب باتیں فقط تم سے ہی کرتا تھا
تمہاری بھی یہ عادت تھی
تمہیں تو یاد ہی ہو گا میں اکثر تم سے کہتا تھا
ابھی اس زندگی کے ساتھ کتنے روگ لپٹے ہیں
مجھے تم سے محبت کی ذرا فرصت نہیں ملتی
ذرا وہ وقت آنے دو، ذرا فرصت ملے مجھ کو
بٹھا کر سامنے تم کو تمہیں جی بھر کے دیکھوں گا
بتاؤں گا مجھے تم سے محبت سی محبت ہے
مجھے اس دم ملی فرصت
کہ جب یہ بات سننے کو نہیں تم سامنے میرے
مری جاں تم وہاں پر ہو جہاں سے لوٹ کر واپس کبھی کوئی نہیں آتا
تمہیں کیوں اتنی جلدی تھی؟
مرا اقرار سن لیتیں، مرا اظہار سن لیتیں
کہ اب فرصت ہی فرصت ہے
کہ اب معمول میں میرے فقط تم سے محبت ہے
مگر یہ بھی حقیقت ہے
کہ میں تاخیر سے پہنچا، تمہیں جانے کی جلدی تھی

[pErIsH_BoY]

Re: Nazmein ( Only in Urdu Font ).........!!!

جب وہ اِک شخص دسترس میں تھا
اس سے ملنا تمہارے بس میں تھا
اس کی آنکھیں تمہاری آنکھیں تھیں
اس کی باتیں تمہاری باتیں تھیں
اس کا چہرہ تمہارا چہرہ تھا
اس کے دل پر تمہارا پہرہ تھا
اس کی ہر سانس میں بسی تھیں تم
اس کے ہر لفظ میں کھلی تھیں تم
اس کے سپنوں میں بھی رچی تھیں تم
اس کی نیندوں میں جاگتی تھیں تم
وہ جو کہتا تھا بے قراری ہے
میری ساری وفا تمہاری ہے
صرف تم سے مجھے محبت ہے
صرف تم سے میری حقیقت ہے
کتنی باتیں میں کہہ نہیں سکتا
دور تم سے میں رہ نہیں سکتا
تب تم اس کے ہر ایک جملے کو
تب تم اس کے ہر ایک جذبے کو
اِک ہنسی میں اڑایا کرتی تھیں
سن کے تم بھول جایا کرتیں تھیں
اس کی آنکھوں کو دیکھتیں جب وہ
بے نیازی کے درد سہتا تھا
بھول جانا تمہاری عادت تھی
پھر بھی کتنا ملول رہتا تھا
اپنی تنہائی کے گلے لگ کر
سارے آنسو وہ رو گیا اک دن
ایک پتھر سے دل لگی کر کے
خود بھی پتھر کا ہو گیا اک دن
اب وہ تم سے تو کچھ نہیں کہتا
بے نیازی کے دکھ نہیں سہتا
اس کی آنکھیں اب اس کی آنکھیں ہیں
اس کی باتیں اب اس کی باتیں ہیں
بھول جانا تمہاری عادت ہے
اس کی باتوں کو بھول جاؤ نا !!
اب وہ اِک شخص دسترس میں نہیں
اس سے ملنا تمہارے بس میں نہیں
کس لیے اب اداس بیٹھی ہو؟؟

[pErIsH_BoY]

Re: Nazmein ( Only in Urdu Font ).........!!!