~~ Where there is love there is life ~~ collection from the painful heart of pErIsH_BoY .>>>>>>

[pErIsH_BoY]

Re: GuriYa Aao sajan sy milwaoN......!!

جانے پھر اگلی صدا کِس کی تھی

جانے پھر اگلی صدا کِس کی تھی
نیند نے آنکھ پہ دستک دی تھی

موج در موج ستارے نکلے
جھیل میں چاند کرن اُتری تھی

پریاں آئی تھیں کہانی کہنے
چاندنی رات نے لوری دی تھی

بات خوشبو کی طرح پھیل گئی
پیرہن میرا ، شِکن تیری تھی

آنکھ کو یاد ہے وہ پَل اب بھی
نیند جب پہلے پہلے ٹوٹی تھی

عشق تو خیر تھا اندھا لڑکا
حسن کو کون سی مجبوری تھی

کیوں وہ بے سمت ہُوا جب میں نے
اُس کے بازو پہ دُعا باندھی تھی


پروین شاکر
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

رُکو تو تم کو بتائیں ، وُہ اِتنے نازُک ہیں

رُکو تو تم کو بتائیں ، وُہ اِتنے نازُک ہیں
کلی اَکیلے اُٹھائیں ، وُہ اِتنے نازُک ہیں

کہا طبیب نے ، گر رَنگ گورا رَکھنا ہے
تو چاندنی سے بچائیں ، وُہ اِتنے نازُک ہیں

وُہ بادلوں پہ کمر ’’سیدھی‘‘ رَکھنے کو سوئیں
کرن کا تکیہ بنائیں ، وُہ اِتنے نازُک ہیں

وُہ نیند کے لیے شبنم کی قرص بھی صاحب
کلی سے پوچھ کے کھائیں ، وُہ اِتنے نازُک ہیں

بدن کو دیکھ لیں بادل تو غسل ہو جائے
دَھنک سے خشک کرائیں ، وُہ اِتنے نازُک ہیں

سیاہی شب کی ہے چشمِ غزال کو سُرمہ
حیا کا غازہ لگائیں ، وُہ اِتنے نازُک ہیں

وُہ دو قدم چلیں پانی پہ ، دیکھ کر چھالے
گھٹائیں گود اُٹھائیں ، وُہ اِتنے نازُک ہیں

کلی جو چٹکے تو نازُک ترین ہاتھوں سے
حسین کان چھپائیں ، وُہ اِتنے نازُک ہیں

سریلی فاختہ کُوکے جو تین مُلک پرے
شکایت اُس کی لگائیں ، وُہ اِتنے نازُک ہیں

پسینہ آئے تو دو تتلیاں قریب آ کر
پروں کو سُر میں ہلائیں ، وُہ اِتنے نازُک ہیں

ہَوائی بوسہ دِیا پھول نے ، بنا ڈِمپل
اُجالے ، جسم دَبائیں ، وُہ اِتنے نازُک ہیں

وُہ گھپ اَندھیرے میں خیرہ نگاہ بیٹھے ہیں
اَب اور ہم کیا بجھائیں ، وُہ اِتنے نازُک ہیں

وُہ گنگنائیں تو ہونٹوں پہ نیل پڑ جائیں
سخن پہ پہرے بٹھائیں ، وُہ اِتنے نازُک ہیں

وُہ زیورات کی تصویر ساتھ رَکھتے ہیں
یا گھر بلا کے دِکھائیں ، وُہ اِتنے نازُک ہیں

کبوتروں سے کراتے تھے بادشاہ جو کام
وُہ تتلیوں سے کرائیں ، وُہ اِتنے نازُک ہیں

وُہ پانچ خط لکھیں تو ’’شکریہ‘‘ کا لفظ بنے
ذِرا حساب لگائیں ، وُہ اِتنے نازُک ہیں

گواہی دینے وُہ جاتے تو ہیں پر اُن کی جگہ
قسم بھی لوگ اُٹھائیں ، وُہ اِتنے نازُک ہیں

بس اِس دلیل پہ کرتے نہیں وُہ سالگرہ
کہ شمع کیسے بجھائیں ، وُہ اِتنے نازُک ہیں

وُہ سانس لیتے ہیں تو اُس سے سانس چڑھتا ہے
سو رَقص کیسے دِکھائیں ، وُہ اِتنے نازُک ہیں

جلا کے شمع وُہ جب غُسلِ آفتاب کریں
کریم رُخ پہ لگائیں ، وُہ اِتنے نازُک ہیں

شراب پینا کجا ، نام جام کا سن لیں
تو جھوم جھوم سے جائیں ، وُہ اِتنے نازُک ہیں

گھروندے ریت سے ساحل پہ سب بناتے ہیں
وُہ بادلوں پہ بنائیں ، وُہ اِتنے نازُک ہیں

نزاکت ایسی کہ جگنو سے ہاتھ جل جائے
جلے پہ خوشبو لگائیں ، وُہ اِتنے نازُک ہیں

شکار کرنے کو جانا ہے ، کہتے جاتے ہیں
پکڑنے تتلی جو جائیں ، وُہ اِتنے نازُک ہیں

شکاریوں میں اُنہیں بھی جو دیکھیں زَخمی شیر
تو مر تو شرم سے جائیں ، وُہ اِتنے نازُک ہیں

اُٹھا کے لاتے جو تتلی تو موچ آ جاتی
گھسیٹتے ہُوئے لائیں ، وُہ اِتنے نازُک ہیں

کلی کو سونگھیں تو خوشبو سے پیٹ بھر جائے
مزید سونگھ نہ پائیں ، وُہ اِتنے نازُک ہیں

غلام چٹکی نہ سننے پہ مرتے مرتے کہیں
خدارا تالی بجائیں ، وُہ اِتنے نازُک ہیں

نکاح خوان کو بس ’’ایک‘‘ بار وَقتِ قُبول
جھکا کے پلکیں دِکھائیں ، وُہ اِتنے نازُک ہیں

ہر ایک کام کو ’’مختارِ خاص‘‘ رَکھتے ہیں
سو عشق خود نہ لڑائیں ، وُہ اِتنے نازُک ہیں

اُتار دیتے ہیں بالائی ، سادہ پانی کی
پھر اُس میں پانی ملائیں ، وُہ اِتنے نازُک ہیں

وُہ دَھڑکنوں کی دَھمک سے لرزنے لگتے ہیں
گلے سے کیسے لگائیں ، وُہ اِتنے نازُک ہیں

وُہ سیر ، صبح کی کرتے ہیں خواب میں چل کر
وَزن کو سو کے گھٹائیں ، وُہ اِتنے نازُک ہیں

وَزن گھٹانے کا نسخہ بتائیں کانٹوں کو
پھر اُن کو چل کے دِکھائیں ، وُہ اِتنے نازُک ہیں

حنا لگائیں تو ہاتھ اُن کے بھاری ہو جائیں
سو پاؤں پر نہ لگائیں ، وُہ اِتنے نازُک ہیں

وُہ تِل کے بوجھ سے بے ہوش ہو گئے اِک دِن
سہارا دے کے چلائیں ، وُہ اِتنے نازُک ہیں

کل اَپنے سائے سے وُہ اِلتماس کرتے تھے
مزید پاس نہ آئیں ، وُہ اِتنے نازُک ہیں

تھکن سے چُور وُہ ہو جاتے ہیں خدارا اُنہیں
خیال میں بھی نہ لائیں ، وُہ اِتنے نازُک ہیں

پری نے ہاتھ سے اَنگڑائی روک دی اُن کی
کہ آپ ٹوٹ نہ جائیں ، وُہ اِتنے نازُک ہیں

غزل وُہ پڑھتے ہی یہ کہہ کے قیس رُوٹھ گئے
کہ نازُکی تو بتائیں ، وُہ اِتنے نازُک ہیں


شہزاد قیس
• — — — — — — — — — — — — •

Ruko Tu Tum Ko Ba'taain , Woh Itnay Naazuk Hain
Kalee A'kay-lay Uthaaen , Woh Itnay Naazuk Hain

Kahaa Ta'beeeb Nay , Gar Ranng Goraa Rakhna Hai
Tu Chaandani Say Bacxhaain , Woh Itnay Naazuk Hain

Woh Baadalon Peh Kamar " Seedhee " Rakh-nay Ko So-ain
Ki'ran Kaa Takiyah Banaaain , Woh Itnay Naazuk Hain

Woh Neend Kay Liyeh Shabnam Ki Qurse Bhi Sa-hib
Kalee Say Poooch Kay Khaa'in , Woh Itnay Naazuk Hain

Badan Ko Daikh Layn Baa'dal Tu Ghussl Ho Jaye
Dhanak Say Khuush'k Karaain , Woh Itnay Naazuk Hain

Siyahee Shab Ki Hai Chushmay Gha'zaaal Ko Surmaa
Haya Kaa Ghaazaa La-gaain , Woh Itnay Naazuk Hain

Woh Do Qadam Cxhalaen Paani Peh , Daikh Kar Chaa-lay
Gha-ttaaai Goad Uthaaen , Woh Itnay Naazuk Hain

Kalee Jo Chatt-kay Tu Naazuk Tareen Haathon Say
Haseen Kaan Chupaaain , Woh Itnay Naazuk Hain

So-reelee Fakhtaa Kooo-kay Jo Teen Muul'k P'arey
Shi-kayat Uss Ki La-gaain , Woh Itnay Naazuk Hain

Pa'seena Aey Tu Do Tit-lee-yan Qareeb Aa Kar
Paron Ko Sor Main Helaain , Woh Itnay Naazuk Hain

Ha-vaaaee Bosaa Diyaa Phool Nay , Bina Dimple
Ojaalay , Jism Dabaain , Woh Itnay Naazuk Hain

Woh Ghupp Undhey'ray Main Khee-raa Negaah Baithay Hain
Aab Aur Hum Kiya Bujhaain , Woh Itnay Naazuk Hain

Woh Guun-Guuna-ayain Tu Ho'ntoan Peh Neeel Parr Jaain
Sokhan Peh Peh-ray Bitthaain , Woh Itnay Naazuk Hain

Woh Zayvaraaat Ki Tasveer Saath Rakh-tay Hain
Ya Ghar Balaa Kay Dekhaaain , Woh Itnay Naazuk Hain

Kaboota'ro Say Karaatay Thay Badshah Jo Kaam
Woh Titliyon Say Karaain , Woh Itnay Naazuk Hain

Woh Paaanch Khat Likhain Tu " Shukriyaa " Kaa Lafz Banay
Zera Hisaab La-gaain , Woh Itnay Naazuk Hain

Ga'vaahi Day-nay Woh Jaa-tay Tu Hain Par Unn Ki Ja'gah
Qa'sam Bhi Log Uthaaen , Woh Itnay Naazuk Hain

Bus Iss Daleeel Peh Kar-tay Naheen Woh Saal-Geraa
Keh Shamaa Kaisay Bujhaain , Woh Itnay Naazuk Hain

Woh Saans Lay-tay Hain Tu Uss Say Saans Char-rhtaa Hai
So Raqs Kaisay Dekhaaain , Woh Itnay Naazuk Hain

Jalaa Kay Shamaa Woh Jab Ghuslay Aftaab Ka'rain
Cream Rookh Peh La-gaain , Woh Itnay Naazuk Hain


Sharaab Pee-naaa Kujaaa , Naam Jaam Kaa Suun Layn
Tu Jhooom Jhooom Say Jaain , Woh Itnay Naazuk Hain

Gharoan-day Rayt Say Saahil Peh Sab Banaaa-tay Hain
Woh Baadalon Peh Banaaain , Woh Itnay Naazuk Hain

Nazakat Aisee Keh Jugnoo Say Haath Jal Jaye
Ja-lay Peh Khushboo La-gaain , Woh Itnay Naazuk Hain

Shi-kaaar Kar'nay Ko Jana Hai , Keh-tay Jaa-tay Hain
Pakarrhnay Titlee Jo Jaain , Woh Itnay Naazuk Hain

Shi-kaaareeon Main Unhain Bhi Jo Daikhain Zakhmee Shair
Tu Mar Tu Sharm Say Jaain , Woh Itnay Naazuk Hain

Uttha Kay Laa-tay Jo Titlee Tu Moach Aa Jatee
Gha-seat-tay Hoo-way Laain , Woh Itnay Naazuk Hain

Kalee Ko Sooonghain Tu Khushboo Say Paitt Bhar Jaye
M'zeeed Sooongh Na Paaa'ain , Woh Itnay Naazuk Hain

Ghulaam Chuutt-key Na Sunn'nay Peh Martay Martay Keheen
Kho-daaa-ra Ta'alee Bajaaein , Woh Itnay Naazuk Hain

Nikaah Khaan Ko Bus " Aik " Bar Waq-tay Qabool
Jhukaa Kay Palkain Dekhaaain , Woh Itnay Naazuk Hain

Har Aik Kaam Ko " Mokh-taaar-e-Khaaass " Rakh-tay Hain
So Ishq Khud Na La-rra-ayn , Woh Itnay Naazuk Hain


O-taaar Day-tay Hain Baa-laaaee , Sadah Paani Ki
Phir Uss Main Paani Melaain , Woh Itnay Naazuk Hain

Woh Dharrkano Ki Dhamak Say La-raz-nay Lag-nay Hain
Gaa'ley Say Kaisay La-gaain , Woh Itnay Naazuk Hain

Woh Sayr , Subhaa Ki Kar-tay Hain Khaab Main Cxhal Kar
Va'zen Ko So Kay Gha-ttaaai , Woh Itnay Naazuk Hain

Va'zen Gha-taa-nay Kaa Nuskhaa Ba'taain Kaa'ntto Ko
Phir Unn Ko Cxhal Kay Dekhaaain , Woh Itnay Naazuk Hain

Hinaa La-gaain Tu Haath Unn Kay Bhaaari Ho Jaain
So Paaoon Par Na La-gaain , Woh Itnay Naazuk Hain

Woh Til Kay Boajh Say Bay Hosh Ho Gaye Ik Din
Sahaara Day Kay Cxhalaain , Woh Itnay Naazuk Hain

Kal Up-nay Sa-aye Say Woh Ilti-maas Kar-tay Thay
M'zeeed Pass Na Aeen , Woh Itnay Naazuk Hain

Tha'kan Say Cxhoooor Woh Ho Jaa-tay Hain Kho-daaa-ra Unhain
Kha-yaaal Main Bhi Na Laain , Woh Itnay Naazuk Hain

Pa'ri Nay Haath Say Ung-rraa'ee Roak Dee Unn Ki
Keh Aap Ttooott Na Jaain , Woh Itnay Naazuk Hain

Gha'zal Woh Parrh-tay He Yeh Keh Kay Qais Rootth Gaye
Keh Naazuki Tu Ba'taain , Woh Itnay Naazuk Hain

Shehzad Qais
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

جب تیرا درد میرے ساتھ وفا کرتا ہے

جب تیرا درد میرے ساتھ وفا کرتا ہے
ایک سمندر میری آنکھوں سے بہا کرتا ہے

اس کی باتیں مجھے خوشبو کی طرح لگتی ہیں
...پھول جیسے کوئی صحرا میں کھلا کرتا ہے

میرے دوست کی پہچان یہی کافی ہے
وہ ہر شخص کو دانستہ خفا کرتا ہے

اور تو سبب اس کی محبت کا نہیں
بات اتنی ہے وہ مجھ سے جفا کرتا ہے

جب خزاں آئی تو لوٹ آئے گا وہ بھی فراز
وہ بہاروں میں ذرا کم ہی ملا کرتا ہے


احمد فراز
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

فرصت میں اوپر والے کو دھیان جب آیا تیرا

فرصت میں اوپر والے کو دھیان جب آیا تیرا
چاند کی کرنیں گوندھ کے اس نے جسم بنایا تیرا

میں دیوار سے کان لگا کر سنتا دھڑکن تیری
کاش مجھے تقدیر بنا دیتی ہمسایہ تیرا

شانے تیرے چاندی چاندی،زلفیں سونا سونا
چور بنا دیتا ہے سب کو یہ سرمایہ تیرا

سمجھ گیا وہ، میں ہی لپٹا ہوں تیرے قدموں سے
چاندنی راتوں میں جس نے بھی دیکھا سایہ تیرا

قطرہ قطرہ پگھل رہی تھی برف میرے اندر کی
سردی نے جس رات بدن مجھ کو پہنایا تیرا

یہ تیری بادامی آنکھیں شانت سمندر جیسی
ان میں ڈوب کے بھی میں نے کوئ بھید نہ پایا تیرا

ملکوں ملکوں ہوئے قتیل کچھ اور بھی اس کے چرچے
شہر کے لوگوں سے جب اس نے پیار چھپایا تیرا


قتیل شفائی
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

وہ کہ لمس میں تھا حریر، رنگ میں نار سا

وہ کہ لمس میں تھا حریر، رنگ میں نار سا
مرے پاس بھی کوئی گلبدن تھا بہار سا

کبھی بارشوں میں بھی پھر دکھائی نہ دے سکا
اُسے دیکھنے سے فضا میں تھا جو نکھار سا

مری چاہ کو اُسے چاندنی کی قبائیں دیں
مرا بخت کس نے بنا دیا شبِ تار سا

کوئی آنکھ جیسے کھُلی ہو اِن پہ بھی مدھ بھری
ہے دل و نظر پہ عجب طرح کا خمار سا

لگے پیش خیمۂ قربِ یار گھڑی گھڑی
مری دھڑکنوں میں جو آ چلا ہے، قرار سا


ماجد صدیقی
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

تمہارے وہاں سے یہاں آتے آتے

تمہارے وہاں سے یہاں آتے آتے
بہار آ گئی ہے خزاں آتے آتے

قدم دو قدم کا تو رستہ ہے سارا
کہاں کھو گئے ہو یہاں آتے آتے

کوئی شوق، کوئی تمنا تھی اس کو
سنی راہ میں داستاں آتے آتے

تری صورتیں ،تیرے سائے فلک پر
یہ کیا بن گئیں بدلیاں آتے آتے

بھٹکنے کے دن ہیں ، بھٹکنے کی راتیں
کہیں کھو نہ جانا یہاں آتے آتے

یہ رنگت، یہ حالت، یہ چہرہ، یہ مہرہ
یہ کیا کر لیا مہرباں آتے آتے

تعاقب عدیم اس کا کر لے نہ کوئی
مٹاتا گیا وہ نشاں آتے آتے


عدیم ہاشمی
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

حسن والے وہ کام کرتے ہیں

حُسن والے وُہ کام کرتے ہیں
لفظ جھک کر سلام کرتے ہیں

عُمر بھر یہ غلام نہ سمجھا!
آپ کیسے غلام کرتے ہیں؟

خوش نصیبی گُلوں پہ ختم ہُوئی
اُن کی زُلفوں میں شام کرتے ہیں

’’با اَدب ، با ملاحظہ‘‘ گھر میں
اَب! کبوتر قیام کرتے ہیں

فتویٰ تعبیر پر ہے لاگو حضور!
خواب کو کیوں حرام کرتے ہیں؟

جام تو توڑ بیٹھے منبر پر
اَب سَبُو کو اِمام کرتے ہیں

قصۂ عشق آگے بڑھ نہ سکا
وُہ میرا ’’اِحترام‘‘ کرتے ہیں

’’چار خانے‘‘ بنائے بیٹھا ہے؟
دِل! ترا اِنتظام کرتے ہیں!

سب شروع کرتے ہیں بنامِ خدا
ہم خدا پر تمام کرتے ہیں

بن ملے جن سے قیس عشق ہُوا!
یہ غزل اُن کے نام کرتے ہیں


شہزاد قیس
• — — — — — — — — — — — —

[pErIsH_BoY]

Re: GuriYa Aao sajan sy milwaoN......!!

جو دیکھے تھے جادو ترے ہات کے

جو دیکھے تھے جادو ترے ہات کے
ہیں چرچے ابھی تک اسی بات کے

گھٹا دیکھ کر خوش ہوئی لڑکیاں
چھتوں پر کھلے پھول برسات کے

مجھے درد دل کا وہاں لے گیا
جہاں دَر کھلے تھے طلسمات کے

ہوا جب چلے پھڑپھڑا کر اُڑے
پرندے پُرانے محّلات کے

نہ تُو ہے کہیں اور نہ میں ہوں کہیں
یہ سب سلسلے ہیں خیالات کے

منیر آ رہی ہے گھڑی وصل کی
زمانے گئے ہجر کی رات کے


منیر نیازی
• — — — — — — — — — — — — •

[pink rose]

Re: GuriYa Aao sajan sy milwaoN......!!

دیکھ کر سانولی صورت تری یوسف بھی کہے
چَٹ پَٹا حُسن نمک دار سلونا کیا ہے

چار باتیں بھی کبھی آپ نے گھل مل کے نہ کیں
انہیں باتوں کا ہے رونا مجھے رونا کیا ہے

تیغ کھینچے ہوئے وہ ترک پھر اس پر یہ غضب
ہم تڑی دیتے ہیں بس آپ سے ہونا کیا ہے

تم پہ مر جائیں گے اس آس پہ ہم جیتے ہیں
زندگی شرط ہے تو جان کا کھونا کیا ہے

چمپئی رنگ پھر اس رنگ میں بجلی کی چمک
مات کندن ہے ترے رنگ سے سونا کیا ہے


داغ دہلوی:rose

wah kya baat hae:rose

[pErIsH_BoY]

Re: GuriYa Aao sajan sy milwaoN......!!

محبت کی ادھوری نظم

رات کا سمندر ہے
رات بھی محبت کی
بات کا اجالا ہے
بات بھی محبت کی
گھات کی ضرورت ہے
گھات بھی محبت کی
نرم گرم خاموشی
سہج سہج سرگوشی
چور چور دروازے
کون چھپ کے آیا ہے
آرزو نے جنگل میں
راستہ بنایا ہے
جھینپتے ہوئے آنگن
نے درخت سے مل کر
کچھ نہ کچھ چھپایا ہے
آسماں کی کھڑکی میں
سکھ بھری شرارت سے
چاند مسکرایا ہے
چاند مسکرایا ہے
چاندنی نہائی ہے
خوشبوؤں نے موسم میں
آگ سی لگائی ہے
عشق نے محبت کی
آنکھ چومنا چاہی
اور ہوا کے حلقے میں
شوخ سی نزاکت سے
شاخ کمسائی ہے
رات کا سمندر ہے
رات بھی محبت کی
بات کا اجالا ہے
رات بھی محبت کی
بات کے سویرے میں
زندگی کے گھیرے میں
روح ٹمٹمائی ہے
وصل جھلملایا ہے
حشر سا اٹھایا ہے
کون چھپ کے آیا ہے

فرحت عباس شاہ
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

وہ شب و روز خیالوں میں تماشا نہ کرے

وہ شب و روز خیالوں میں تماشا نہ کرے
آ نہیں سکتا تو پھر یاد بھی آیا نہ کرے

ایک امید کی کھڑکی سی کھلی رہتی ہے
اپنے کمرے کا کوئی ، بلب بجھایا نہ کرے

میں مسافر ہوں کسی روز تو جانا ہے مجھے
کوئی سمجھائے اسے میری تمنا نہ کرے

روز ای میل کرے سرخ اِمج ہونٹوں کے
میں کسی اور ستارے پہ ہوں ، سوچا نہ کرے

حافظہ ایک امانت ہے کسی کی لیکن
یاد کی سرد ہو ا شام کو رویا نہ کرے

چاند کے حسن پہ ہر شخص کا حق ہے منصور
میں اسے کیسے کہوں رات کو نکلا نہ کرے


منصور آفاق
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

میں سبک نوش ہوں مری گلرُو

میں سبک نوش ہوں مری گلرُو
مجھ کو کافی ہے انکھڑیوں کا سبُو

ایک بےنام بےکلی سی ہے
اے دلِ زار چل گیا جادُو

صبح ِ تمثیل ہیں تیرے عارض
شام آثار ہیں تیرے گیسُو

ترے دیدارِ یک نظر کے نثار
آنکھ کا نُور اور جگر کا لہُو

آہ عہدِ شباب کے لمحے
وحشت آموز دشت کے آہُو

عشق سے بھی مفر نہیں لیکن
زیست کے اور بھی تو ہیں پہلُو

چشمِ بینا کے واسطے اختر
ان کے جلوے ہیں ہر کہیں ، ہر سُو


اختر ضیائی
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

کیاری کیاری صحن چمن میں گو تھے عام پریشاں پُھول

کیاری کیاری صحن چمن میں گو تھے عام پریشاں پُھول
فصلِ بہاراں آتے ہی پر ہو گئے چاک گریباں پُھول

پریت لگا کر جس کو ساجن بیکل تنہا چھوڑ گیا
کوئل کی فریاد پہ بُلبُل گم سم حیراں حیراں پُھول

جھیل کنارے ساون رُت میں جیسے پریوں کا میلہ
حدِ نظر تک نیلے نیلے اُجلی دُھوپ میں رخشاں پُھول

حسب توقع توڑ کے ہم بھی زلفوں میں اٹکا دیتے
کاش گلستاں میں مل جاتے ان کی شان کے شایاں پُھول

جھلھل کرتے نیل گگن میں چُھپ گئے روشن تارے، اور
ڈالی ڈالی رو کر شبنم کر گئی اور نمایاں پُھول

تیری یاد میں میں ہوں جیسے جنگل جنگل روتی اوس
مجھ کو بھول کے تو ہے جیسے گلشن گلشن خنداں پُھول

لمبی عمروں والے کانٹے سب کو دکھ پہنچاتے ہیں
اختر دل کو موہ لیتے ہیں پل دو پل کے مہماں پُھول


اختر ضیائی
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

فقط ایک پھول!

پرندے لوٹتے دیکھے ، تو یہ دھوکا ہوا مجھ کو
کہ شاید جستجو میری،
یا کوئی آرزو میری،
ترے در سے پلٹ آئی
مجھے تنہا بیاباں سے گزرتے لگ رہا ہے ڈر
جدائی کے شجر کی اب حفاظت بس سے باہر ہے
یہ پانی آنکھ سے گرتا،
اگر سیلاب ہو جائے
یہ پیلی دھوپ، مہکی رُت،
سراب و خواب ہو جائے
تو پھر اس تشنہ روش میں ،
پھوٹتی کلیوں کے سب نغمے
سنانے کو ترستی خواہشیں، ناکام ٹھہریں گی
مثالِ رفتگاں ، جاتے ہوئے مہکے ہوئے لمحے
خزاں کے زرد پتوں کے لئے ہی قرض لے آؤ
مسلسل جو اُداسی پر اداسی،
یوں برستی ہے
کہیں مرجھا نہ دے ، سرسبز اس شاخِ محبت کو
تعلق کی بھی میری جان ، اک میعاد ہوتی ہے
پھر اس کے بعد،
ہر بندھن سے جان آزاد ہوتی ہے
خزاں کی جیت سے پہلی
ذرا یہ دھیان کر لینا
کہ سینے میں ، مرا دل ہے ۔۔۔
فقط اِک پھول !!!

فرزانہ نیناں
• — — — — — — — — — — — — •

[pErIsH_BoY]

Re: GuriYa Aao sajan sy milwaoN......!!

دل عشق میں بے پایاں، سودا ہو تو ایسا ہو
دریا ہو تو ایسا ہو، صحرا ہو تو ایسا ہو

اک خال سویدا میں، پہنائی دو عالم
پھیلا ہو تو ایسا ہو، سمٹا ہو تو ایسا ہو

اے قیس جنوں پیشہ، انشا کو کبھی دیکھا؟
وحشی ہو تو ایسا ہو، رسوا ہو تو ایسا ہو

دریا بہ حباب اندر، طوفاں بہ سحاب اندر
محشر بہ حجاب اندر، ہونا ہو تو ایسا ہو

ہم سے نہیں رشتہ بھی، ہم سے نہیں ملتا بھی
ہے پاس وہ بیٹھا بھی، دھوکا ہو تو ایسا ہو

وہ بھی رہا بیگانہ، ہم نے بھی نہ پہچانا
ہاں اے دل دیوانہ، اپنا ہو تو ایسا ہو

اس درد میں کیا کیا ہے، رسوائی بھی لذت بھی
کانٹا ہو تو ایسا ہو، چبھتا ہو تو ایسا ہو

ہم نے یہی مانگا تھا، اس نے یہی بخشا ہے
بندہ ہو تو ایسا ہو، داتا ہو تو ایسا ہو


ابن انشا
• — — — — — — — — — — — — •