~~ Where there is love there is life ~~ collection from the painful heart of pErIsH_BoY .>>>>>>

[maya]

Re: Dedicated to a Friend,she is not here now nd i'm really Missing her..

kise se pooch rehy thay sharing k liye esliye bol rehii hoon...S se naam start hoing......:nail:

acha chlao batao pher koun hai wo u ko inaam do ga .....

[pErIsH_BoY]

Re: Dedicated to a Friend,she is not here now nd i'm really Missing her..

kise se pooch rehy thay sharing k liye esliye bol rehii hoon...S se naam start hoing......:nail:

no no no galat guess kiya u nay another try....!!

[pErIsH_BoY]

چاند نکلا ہے

چاند نکلا ہے
مگر چاند تو پہلے بھی نکلتا تھا
یہ چاند، آج کا چاند
روش سبزہ و گل پر ہی اتر آیا ہے
مرمریں گھاس پہ جیسے کوئی آہستہ خرام
دل کے افسردہ دروبام تک آ پہنچا ہو
میری آنکھوں کے دریچوں میں اترتا ہوا چاند
اب تولگتا ہے رگ جاں میں اتر آیا ہے
اور دل کے کسی اندوہ گزشتہ کی فسردہ لہریں
سامنے باغ کے اُس قطعۂ تاریک کے ٹھہرے ہوئے پانی میں
دھڑک اٹھی ہیں
قمقمے باغ کے روشن ہیں ستاروں کی طرح
اور مرے پاس کہیں
ایک بے نام صدا گونج اٹھی ہے
مری خاموش سماعت میں ترے پاؤں کی چاپ
چاندنی رات کے خاموش تحیر کی طرح پھیل رہی ہے
کوئی آوارہ و بے راہ تصور مرے سینے میں چمک اٹھا ہے
طاق جاں میں کوئی شعلہ سا دہک اٹھا ہے

[pErIsH_BoY]

اے مری جاں ذرا سانس آہستہ لے

صبح امید ڈر جائے گی


سانس آہستہ لے
اے مری جاں ذرا سانس آہستہ لے
اس قدر تیز سانسوں سے ایسا نہ ہو، ہونٹ جلنے لگیں
شیشۂجاں پگھلنے لگے
جسم کا ریشہ ریشہ سلگنے لگے
خواہشوں کا غبار آنکھ سے درد کی راکھ بن کر نکلنے لگے
سانس آہستہ لے
تیز سانسوں کی گرمی رگوں میں لہوکو جلا جائے گی
تیز سانسوں کی حدت بدن میں اتر کر ترے برف جذبوں کو
پگھلا نہ دے
تیز سانسوں سے یہ برف جذبے پگھلنے لگے تو
کسی یاد کی سرسراتی ہوئی لہر تیرے تصور میں آ جائے گی
سرسراتی ہوئی لہر
ہاں، یاد کی سرسراتی ہوئی لہر دل تک اتر جائے گی
رات سوچوں کی گہرائیوں میں ٹھہر جائے گی
آنکھ بھر جائے گی
دن نکلنے کی ساعت سے پہلے ستاروں کے جھرمٹ میں
چاند اپنے منزل بہ منزل سفر میں
تری تیز چلتی ہوئی گرم سانسوں کو زنجیر کرکے
کسی یاد کے اک شکستہ محل میں اتر جائے گا
اور پھر کوئی آہستہ آہستہ چلتا ہوا اس شکستہ محل کے
پرانے در و بام تک غم کا آسیب بن کر ٹھہر جائے گا
صبح امید ڈر جائے گی
اور سورج کی پہلی کرن تو نکلنے سے پہلے ہی مر جائے گی
سانس آہستہ لے
اے مری جاں ذرا سانس آہستہ لے

[pErIsH_BoY]

مرگِ انتظار

مرگِ انتظار


تو نہ آتا تو یہ خواب
اور کچھ دن یونہی زندہ رہتے
اور کچھ دن یونہی آنکھوں میں سجاتے
ترے چہرے کے نقوش
اور کچھ دن یونہی سینے میں ترے نام کی دھڑکن رہتی
اور کچھ دن یونہی لمحہ لمحہ
تار مژگاں پہ پروتے تری چاہت کے ستارے
تری خواہش کے حسیں رنگ
ترے لمسِ تصور کے کنول
اب جو تو لوٹ کے آیا ہے تو آنکھوں میں تری یاد
نہ چاہت کے ستارے ہیں
نہ خواہش کے حسیں رنگ
نہ پلکوں پہ ترے لمسِ تصور کے کنول ہیں
فقط اک نم ہے، نم شیشۂ جاں

[pErIsH_BoY]

طلسم

طلسم


یہ خاموشی ہے کیا
چاروں طرف کیسا ہے سناٹا
گلی--- لمبی گلی
اور چارسو اک ہو کا عالم ہے
گلی کے موڑ سے اس موڑ تک
کوئی صدا ، کوئی بھی آہٹ تک نہیں آتی
سراغ دل سفر کے فرش پا انداز میں گم ہے
محبت دستکیں دیتی ہوئی آواز میں گم ہے

[SheeN]

Re: چاند نکلا ہے

nice sharing........

[SheeN]

Re: مرگِ انتظار

bhut umdah........

[pErIsH_BoY]

Dedicated to loving angel

شہزادی ایسی ہوتی ہے؟

اُس نے کہا تم شہزادی ہو
شہزادی بھی وہ کے جس کو
ساتوں رنگوں میں خوشبو کو
گُوندھ کے ڈالا ہوگا رب نے، نورانی پیکر کی صورت
ایک نظر تم ڈالو جس پر
پتھر بھی اِک بار تو بولے
ہولے ہولے آنکھیں کھولے
وعدہ کرتا ہوں میں تم سے
جو تم چاہو، جو تم سوچو، جس شے کی ہو خواہش تم کو
اپنا تَن مَن بیچ کے بھی میں تم کو دونگا
ایک اشارہ کےکے تو دیکھو
سارا زمانہ وار دوں جاناں
تم کو جیت کی ڈور تھما کر
اپنا سب کچھ ہار دوں جاناں
اور اگر یہ وعدہ توڑوں
مجھ کو جیون راس نہ آئے
دوجامجھ کو سانس نہ آئے
اُس نے کہا تم شہزادی ہو
سوچ رہی ہوں
شہزادی کیسی ہوتی ہے؟
جیسی میں ہوں
شہزادی ایسی ہوتی ہے؟؟؟

[SheeN]

Re: اے مری جاں ذرا سانس آہستہ لے

nice poetry.........

[pErIsH_BoY]

برستی بارش ۔ ۔ ۔

جو آنا چاہو ہزار رستے ۔ ۔

نہ آنا چاہو عذر ہزاروں ۔ ۔

مزاج برہم ۔ ۔ ۔

طویل راستہ ۔ ۔ ۔

برستی بارش ۔ ۔ ۔

خراب موسم ۔ ۔ ۔

[pErIsH_BoY]

اور اس میں اپنے دل بَو دیں

چلو ساری زمیں کھودیں



چلو ساری زمیں کھودیں
اور اس میں اپنے دل بَو دیں
کریں *سیراب اس کو آرزوؤں کے پسینے سے
کہ اس بے رنگ جینے سے
نہ میں *خوش ہوں،
نہ تم خوش ہو،
نہ ہم خوش ہیں

[SheeN]

Re: Dedicated to loving angel

v nice........

[pErIsH_BoY]

بَن باس

بَن باس

رات دن خواب بُنتی ہوئی زندگی
دل میں نقدِ اضافی کی لَو
آنکھ بارِ امانت سے چُور
موجِ خوں بے نیازِ مآل
دشتِ بے رنگ سے درد کے پھول چُنتی ہوئی زندگی
خوفِ داماندگی سے خجل
آرزوؤں کے آشوب سے مضمحل
مُنہ کے بل خاک پر آ پڑی
ہر طرف اک بھیانک سکوت
کوئی نوحہ نہ آنسو نہ پھول
حاصلِ جسم و جاں بے نشاں راہگزاروں کی دُھول
اجنبی شہر میں
خاک بَرسر ہوئی زندگی
کیسی بےگھر ہوئی زندگی

[pErIsH_BoY]

جیون کے اندھیاروں میں

جیون کے اندھیاروں میں

جیون کے اندھیاروں میں
تری پریت ترا انتظار
اندھیارے میں ہے دیپ
اِسی دیپ کی لو میں دیکھوں
تری یاد کی سندر صورت
ایک یاد سے کئی یادیں
جیسے جلے دیپ سے دیپ