Mara Intekhaab

[Dr Fausts]

Re: Mara Intekhaab

چاند کے تمنائی

شہر دل کی گلیوں میں
شام سے بھٹکتے ہیں
چاند کے تمنائی
بے قرار سودائی
دل گداز تاریکی
جان گداز تنہائی
روح جاں کو ڈستی ہے
روح جاں میں بستی ہے
شہر دل کی گلیوں میں
تاک شب کی بیلوں پر
شبنمیں سر شکوں کی
بے قرار لوگوں نے
بے شمار لوگوں نے
یادگار چھوری ہے
اتنی بات تھوڑی ہے؟
۔
۔
۔
صد ہزار باتیں تھیں
حبلہ شکیبائی
صورتوں کی زیبائی
قامتوں کی رعنائی
ان سیاہ راتوں میں
اک بھی نہ یاد آئی
جا بجا بھٹکتے ہیں
کس کی راہ تکتے ہیں
چاند کے تمنائی
یہ نگر کبھی پہلے
اس قدر نہ ویراں تھا
کہنے والے کہتے ہیں
قریہ نگاراں تھا
خیر اپنے جینے کا
یہ بھی ایک ساماں تھا
۔
۔
۔
۔
آج دل میں ویرانی
ابر بن کے گھر ائی
اج دل کو کیا کہیے
باو فا نہ ھرجائی
پھر بھی لوگ دیوانے
اگئے ہیں سمجھانے
اپنی وحشت دل کے
بُن لیے ہیں افسانے
خوش خیال دنیا نے
گرمیاں تو جاتی ہیں
وہ رُتیں بھی آتی ہیں
جب ملول راتوں میں
دوستوں کی باتوں میں
جی نہ چین پائے گا
اور اُوب جائے گا
ابٹوں سے گونجے گی
شہر دل کی پہنائی
اور چاند راتوں میں
چاند کے شیدائی
ہر بہانے نکلیں گے
آزمانے نکلیں گے
ارزو کی گہرائی
ڈھونڈنے کو رسوائی
سرد راتوں کو
زرد چاند بخشے گا
بے حساب تنہائی
بے حجاب تنہائی
شہر دل کی گلیوں میں

ابن انشا ١٩٥٤

[Dr Fausts]

Re: Mara Intekhaab

پہلی محبتوں کے زمانے گزر گئے
ساحل پہ ریت چھوڑ کے دریا اتر گئے

تیری انا پیار کی کرنیں بجھا گئی
جذبے جو دل میں ابھرے تھے شرمندہ کر گئے

دل کی فضائیں آ کے کبھی خود بھی دیکھ لو
تم نے جو داغ بخشے تھے کیا کیا نکھر گئے

تیرے بدن کی لو میں کرشمہ نمو کا تھا
غنچے جو تیری سیج پہ جاگے سنور گئے

محفل میں تیری ٓئے تھے لے کر نظر کی پیاس
محفل سے تیری لے کر چشم تر گئے

[Dr Fausts]

Re: Mara Intekhaab

@



مُجھے ۔۔۔۔۔ جزیرہِ گِریہ پہ چھوڑنے والے
خدا کرے کہ ڈبو دیں تُجھے ھنسی کے بھنور

[Dr Fausts]

Re: Mara Intekhaab

٭٭٭٭٭٭٭٭٭٭غزل٭٭٭٭٭٭٭٭٭٭٭٭٭٭٭٭٭


زندانِ دو جہان کی ۔۔۔۔ وُسعت میں قید ھُوں
کِس کو خبر مَیں کس کی محبت میں قید ھُوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
دیکھ اے اسیرِ وقت تُو ضائع نہ کر مُجھے
مَیں بھی پلک جھپکنے کی ساعت میں قید ھُوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
پنجرے سمیت اُڑنا بھی مُشکل نہیں مُجھے
مَیں تو ذرا بدن کی مُروت میں قید ھُوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
صدیوں سے مَیں اَسیرِ خلا تھا ، رِھا ھُوا
اب کہکشاں کے جُرمِ بغاوت میں قید ھُوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
اللہ کرے کہ قیدی پرندوں کی خیر ھو
مَیں بھی یہاں پروں کی ضرورت میں قید ھُوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
آدھا اِدھر پڑا ھُوں بدن کے نشیب میں
آدھا مَیں لامکاں کی عمارت میں قید ھُوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
چیخیں ھیں یہ مری کہ مرے قہقہے ھیں یہ
دھشت میں قید ھُوں کہ مَیں وحشت میں قید ھُوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
گِننے میں کیا ثواب ، نہ گِننے میں کیا گناہ
کب سے نگاہِ یار کی غفلت میں قید ھُوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
لگتا ھے جیسے رنگ و مَہک ھے ترا بدن
لگتا نہیں کہ جسم کی شہوت میں قید ھُوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔
اِس زاوئیے سے دیکھنا ممکن نہیں ابھی
صُورت میں قید ھُوں نہ مَیں سِیرت میں قید ھُوں

[Dr Fausts]

Re: Mara Intekhaab

بعض اشعار۔۔۔۔۔۔۔۔عام فہم سطحی سپاٹ شاعری کرنے اور پڑھنے والوں کے لئے نہیں ھوتے۔۔۔۔۔۔جیسے کہ میر کا شعر ھے کہ۔۔


وضو کو مانگ کے پانی خجل نہ کر اے میرؔ
وہ مفلسی کہ تیمم کو گھر میں خاک نہیں

[Dr Fausts]

Re: Mara Intekhaab

a


جنگِ صفین آج بھی جاری ھےمُرشدو
دونوں طرف سپاہ ھماری ھےمُرشدو
پتھر نہیں کہ خُون میں بھیگے پڑیں رھیں
یہ وقت میرے جیسوں پہ بھاری ھےمُرشدو
ھم سب گِھرے ھُوئے ھیں صحابہ کے درمیان
جنگِ جمَل تو آج بھی جاری ھےمُرشدو
کُچھ بھی نہیں لیا ھے نہ لُوں گا یہاں سے مَیں
دُنیا مری طرف سے تمھاری ھےمُرشدو
اخلاق بانٹتے تھے زمانے میں ھم کبھی
اور اب ھماری قوم بھکاری ھےمُرشدو
اب اس کو سنگسار کرو ، کارِ عشق میں
کارن یہ ھے کہ عقل ھی "کاری" ھےمُرشدو
رُوح و بدن تو عشق میں دیتے ھیں سب مگر
ھم نے تو اپنی شاعری واری ھےمُرشدو
ھم کو مدارِ جاں سے نہ باھر نکال دے
غم کی گِھسی پٹی جو گراری ھےمُرشدو
جو چاھے ھاتھ ڈال کے کچھ بھی نکال لے
یہ کائنات رنگیں پٹاری ھےمُرشدوں
صدیوں سے جی رھے ھیں جو جینا کہیں اسے
اپنا تو ایک دن بھی ھزاری ھےمُرشدو
ھم عشق میں جلے ھیں تو سب کو جلائیں گے
اور شاعری بھی شُعلہ نگاری ھےمُرشدو
پتھریلے راستوں پہ چلاو کہ کھینچ لو
لاشہ تو درد و رنج سے عاری ھےمُرشدو
کوئی اکٹھا کر کے یہ اشعار چھاپ دے
یہ زندگی کی داستاں ساری ھےمُرشدو
جس نے سپاہ بھیج دی میرے ٹھکانے پر
میرا ھی کوئی خاص حواری ھےمُرشدو
شاید وُہ آسمان سے آ کر ملے مُجھے
سب سے بچا کے آنکھ تو ماری ھےمُرشدو
بے سایہ سب درخت زمینوں سے کاٹ دُوں
لاو مُجھے تھماو جو آری ھےمُرشدو
دل کی امیر ھو ،کوئی چاھے فقیر ھو
میرے لئے وُہ راج کُماری ھےمُرشدو
کوہِ شبِ فراق نے توڑی نہیں کمر
دنیا اُٹھا چُکا ھُوں جو بھاری ھےمُرشدو ھے
حیران جو کھڑی ھیں مری راہِ عشق میں
ان دیویوں کا کون پُجاری ھےمُرشدو
درسی کُتب نے وُہ بھی جتائی ھے دیکھ لو
جو جنگ ھم نے اصل میں ھاری ھےمُرشدو
کس پر کروں یقین مَیں کس پر گُماں کروں
دیکھو جسے یہاں پہ مداری ھےمُرشدو
چُھونے سے پہلے دُنیا کو مَیں نے طلاق دی
شادی شُدہ ھے پھر بھی کنواری ھےمُرشدو
کوئی مُجھے بچانے کو آگے نہیں بڑھا
لگتا ھے سب کو جان ھی پیاری ھےمُرشدو
بدنام کر رھے ھو زمانے میں جو مُجھے
یہ دشمنی نہیں ھے یہ یاری ھےمُرشدو
مَیں بھی چمک رھا ھُوں ادھر خاکِ عشق میں
دَم سے مرے ستارہ شماری ھےمُرشد

[Dr Fausts]

Re: Mara Intekhaab

کیلٹی ادب سے چوتھی صدی عیسوی یعنی آج سے دو ہزار سال قبل کی ایک آفاقی
نظم ۔ اس نظم کی گونج دنیا کی مختلف زبانوں، بشمول اردو، کی شاعری میں آج بھی سنی جا سکتی ہے۔



" اوسین کی پشیمانی ضعیفی میں"

آج کی رات مجھ پہ غم کے لمبے سائے ہیں
میرے لیے گذشتہ رات بھی کافی طویل تھی
یہ دن کٹھن اور دشوار گزار راستے پر سر گرمِ سفر ہے
تھکا دینے والے دیروز کے بطن سے ابھرا ہے
آنے والا ہر دن میرے لیے طویل ہوتا ہے
حالانکہ پہلے اس طرح کی بات نہ تھی
اب تو سچی خوشی بھی مجھ سے روٹھ کر کوسوں دور چلی گئی ہے
نہ رزم گاہ ہے نہ جنگ کی تیغ زنی
نہ سریلے گیت ہیں، نہ دل کو گرمانے والی موسیقی اور نہ ہی عورتوں کا حسن و جمال
نہ دہکتی ہوئی انگھٹی ہے اور نہ کھانوں کا انبوہ
اور نہ ہی فراخ دل مالک کا اہتمامِ ضیافت
نہ غزالوں کا تعاقب، نہ راز و نیاز کی باتیں
اب تو عزیز سے عزیز تر بھی مجھ سے تجارت کی زبان میں بات کرتا ہے
افسوس! میں یہ دن دیکھنے کو زندہ رہا
ہر دن جو گوشہ ء مکان میں خوشیوں سے خالی گزرتا ہے
شکاریوں کو چونکا دینے والی صدا کے بغیر
نہ ہی شکاری کتوں کے بھونکنے کی صدا آتی ہے
لطیف مذاق سے عاری اور خوش طبعی کی ترنگوں سے محروم
آج کی رات مجھ پہ غم کے سائے لمبے ہیں
اتنے بڑے جہان میں کوئی انسان اتنا غم زدہ اور افسردہ نہ ہو گا
جتنا کہ میں آج کی رات ہوں
ایک بےچارہ بوڑھا انسان جس کی ہڈیوں کی رطوبت خشک ہو چکی ہے
جو کسی لائق نہیں سوائے منتشر سنگریزوں کو جمع کرنے کے
میں ایک معزز قبیلہ ء فن کی آخری یادگار ہوں
فن کا بیٹا اوسین
بنجر اور بھورے آسمان کے نیچے ایستادہ
گوش بر نوائے جرس
آج کی رات مجھ پہ غم کے سائے لمبے ہیں

[Dr Fausts]

Re: Mara Intekhaab

لوٹ کر آیا تو ۔۔ ظآھر ھے وھی دیکھوں گا
وُہ جو اِس شہر کے اندر ، میرا دیکھا ھُوا ھے

[Dr Fausts]

Re: Mara Intekhaab

عالم سا عالم ہے۔ اب تم یاد نہیں آتے
کیسا قاتل غم ہے،اب تم یاد نہیں آتے

دنیا یعنی دنیا یعنی میری دل دنیا
درہم اور برہم ہے، اب تم یاد نہیں آتے

اک بے احوالی سی ہےایسی ہے بیش از بیش
حالت دل کم کم ہے اب تم یاد نہیں آتے

زخم سینے کے کجلائے اور سر شب سے
داغ کی لو مدھم ہے اب تم یاد نہیں آتے

اب ہیں تمہاری الجھی زلفیں سلجھانا آسان
زلف شب بے خم ہے۔۔اب تم یاد نہیں آتے

زخموں کی ہر فصل ہے گزری ،بس بے فصلی ہے
مرہم ہی مرہم ہے اب تم یاد نہیں آتے

دشت تحیر بے جنبش ہے اور عجب کچھ ہے
ہر آہو بے رم ہے اب تم یاد نہیں اتے

اب تو بس روانگی یک طور کی حالت ہے
جو کچھ ہے پیہم ہے اب تم یاد نہیں آتے

سوز و سلام و مرثیہ کیسا،کیسا ذکر بھلا
مجلس بے ماتم ہے اب تم یاد نہیں آتے

[Dr Fausts]

Re: Mara Intekhaab

خلوت

مجھے تم اپنی بانہوں میں جکڑ لو اور میں تم کو
کسی بھی دل کشا جذبے سےیکسر نا شناسانہ
نشاط رنگ کی سرشاری ھالت سے بیگانہ
مجھے تم اپنی بانہوں میں جکڑ لو اور میں تم کو

فسوں کارا، نگارا نوبہارا، آرزو آرا۔۔۔!
بھلا لمحوں کا میری اور تمہاری خواب پرور
آرزو مندی کی سرشاری سے کیا رشتہ
ہماری باہمی یادوں کی دل داری سے کیا رشتہ
مجھے تم اپنی بانہوں میں جکڑ کو اور میں تم کو
یہاں اب تیسرا کوئی نہیں یعنی محبت بھی۔۔۔۔

[Dr Fausts]

Re: Mara Intekhaab

کہاں کہاں نہ تصور نے دام پھیلائے
حدود و شام و سحر سے نکل کے دیکھ آئے


نہیں پیام رہ نامہ و پیام تو ہے
ابھی صبا سے کہو ان کے دل کو بہلائے


غم زمانہ تری ظلمتیں ہی کیا کم تھیں
کہ بڑھ چلے ہیں اب ان گیسیوں کے بھی سائے


بہت بلند ہے اس سے میرا مقام غزل
اگرچہ میں نے محبت کے گیت بھی گائے


حفیظ اپنا مقدر۔حفیظ اپنا نصیب
گرے تھے پھول مگر ہم نے زخم ہی کھائے

[Dr Fausts]

Re: Mara Intekhaab

ھم تُم تمام شُد تو محبّت تمام شُد
حیرت کدَہِ عشق سے ،حیرت تمام شُد

جاتا ھُوں اُس گلی میں مُجھے روک کر دِکھا
اے ھجر آج سے تری بیعت ، تمام ُشد

ایسا نہ ھو خدا سے جب اپنا حساب لُوں
تب یہ پتہ چلے کہ قیامت تمام شُد

للکارتا ھُوں چاروں طرف دشمنوں کو مَیں
نرغے میں گِھر گیا ھُوں تو دھشت تمام شُد

عورت کی ننگی لاش تھی ڈھانپی نہیں گئی
عُریاں بدن کو دیکھ کے۔۔۔۔۔۔ غیرت تمام شُد

اُس نے کہا کہ جا ! مَیں اُٹھا، اور دِیا بُجھا
جو رَہ گئی تھی باقی وُہ عزّت تمام شُد

ھکلا رھا تھا دیکھ کے ظلم و ستم کو مَیں
چیخا ھُوں اتنے زور سے ، لُکنت تمام شُد

بیٹے نے میرے بعد وصیّت مری پڑھی
"اک خوابِ لامکاں پہ وراثت تمام شُد"

جاتا ھُوں دشمنوں کی طرف ڈھونڈنے اُسے
ھے شہرِ دوستاں میں مروّت تمام شُد

سر پر خود آ گِرا ھے کرائے کا یہ مکان
لگتا ھے اب مکینوں کی غُربت تمام شُد

روتی ھزار سال طبیعت مری مگر
دو چار آنسووں سے مصیبت تمام شُد

صدیاں گُزر گئی ھیں ترے انتظار میں
اے مرگِ ناگہاں ! مری طاقت تمام شُد

جب مَیں نے ڈھال پھینک دی دستِ یقین سے
تُم کہہ رھے ھو دورِ شہادت تمام شُد

سائے پہ کیا غرور کرے کوئی دوستو
سُورج ھُوا غروب تو قامت تمام شُد



رفیع رضا۔۔

[Dr Fausts]

Re: Mara Intekhaab

بھٹک نہ جائیں کہیں راہروان راہ وفا
کہ اس سفر میں کوئی قافلہ نہیں ملتا

لبوں پہ گیت۔۔نگاہوں میں روشنی کی جھلک
مگر دلوں میں گھنے جنگلوں کا سناٹا

سلگ رہی ہے دلوں میں کسی کے درد کی آگ
یہ زرد چاند،،،،یہ پچھلے پہر کی نرم ہوا

بہت دنوں سے ہے سنسان راہگزار حیات
نہ کوئی خاک بہ سر ہے نہ کوی آبلہ پا

طلسم خامشی راہگزر کو توڑتی ہے
کسی کی چاپ سے پتوں کے ٹوٹنے کی صدا

تیرے وصال کی لمحے عجب طرح گزرے
نظر خموش دلوں میں قیامتیں برپا

[Dr Fausts]

Re: Mara Intekhaab

[neelpari391]

Re: Mara Intekhaab

Wow your intekhaab is alaaw. I like all this collection. Thanks for sharing with us.