Hasham's Collection

[hashambutt]

Re: Hasham's Collection

apna ahsas mer na jaye kahin
dard had se guzer na jaye kahin
un ko dekhey hoye hoin sadyan
un ka chehra bekher na jaye kahin
ab ke awaz doon to aa jana
dil dewana sudher na jaye kahin
un ka wada to hai mager dil ko
derr hai ke kafer muker na jaye kahin
dard,jugnoo, hawa,gilley shikway
yeh mukader sawer na jaye kahin
meri dunya hai dard ki surat
gull ki surat nikher na jaye kabhi
khak se aab tak tu aa pohchey
ab yeh derya uter na jaye kahin
yeh muhabbat bhi ek balla tehri
hum ko derr hai woh derr na jaye kahin
is liye muskuraye phirta hoon
un ki aakh bhi na bhar jaye kahin
dil se guzra to hai mager wasif
apni jaan se guzer na jaye kahin

[hashambutt]

Re: Hasham's Collection

kabhi waqt gar jo palat sakkey
Teri qurbatoon kay woh sub lamhey
Jo rizq-e-khaq-e-dehr hue
Jo adum ko mehv-e-safar howai
Main hisar-e jaan main samait loon
Wo hai aik lamha lahoo karoon
yoon lahoo karoon
k meri zaat hi main nihaan ho tu
Meri sab ragoon mai rawaan ho tu
so ye dard kuch tu simat sakay
kabhi waqt gar jo palat sakay

Wo rahguzarein to ab bhi hain
Raha jin pay tu mera hamsafar
Magar ab zamee'n hai be-girift
Nahi dastaras kissi raah per
Jo tere' qadam nahi hamqadam
To ye' rastay sabhi dhund hain
Meri manzilain hain dhuwa'n dhuwa'n
Mere' sab yaqeen howay gumaa'n
Wo nishan-e' raah
Tere' naqsh-e' pa
kahi'n khak orrh k so gaye'
Meri manzilain houi ajnabi
Mere' rastay kahin kho gaye'
Mere' hamsafar mere' baikhabar
kabhi lout to kabhi lai khabar
kabhi daikh to jo allao hain
Meri rooh per yeh jo ghao hain
yeh jo ghao hain tere' hijr ke'
yeh kabhi jo jism pay aa gaye'
To dehr main jalta shehr kahe'
Issay kya khabar main hoon dar badar
Mai hoon dar badar mujhai simt dai
Mujhai simt day kay safar karoon
ya wo dard day kay main mar sakoon

ye jo dasht hai merey char soo
Issay azn day kay sarab ho
ye jo raig-e-hijr-o-faraq hai
Issay huqm dai kai gulab ho
koi lamha ho teray sath ka
kay meri umar bhar ko samait lay
main fna baqa kai sabhi safar
Isi aik pal mai guzar doon
Jo guzar doon mujhay raig ker
Meray jism ko rooh ko raig ker
kai main dasht dasht safar karoon
yoon hi gard hoti musafatoon main
Main dasht dasht safar karoon
Teray naqshey paa ko talash loon
koi ley key zarra-e benishan
in hawaoon sey tera lams loon
tujhay aqs doon
per kis tarha
key merey dast dil key jo laikh hain
Sabhi hijratoon kay nisab hain
Teri khwahishon kay azab hain
Merey hath chirag hai rakh ka
Merey' istakhwan main hai tergi
Merey jism sai meri rooh tak
ye jo dard ki hai khaleej si
issay koi chah na bhar saki
Teri chahaton ko pukarte
Meri umer sari guzar gai
mai azal sai hi raha narsa
tu kay mudatton say thi bewafa
so ye waqt palat bhi gya to kya

[SHAZ]

Re: Hasham's Collection

Meray HamSafar Teri Nazar Hain Meray Jazb e Dil ki ye Shidatien
Meray Khawab Meri BaSaRatien Meri DhAkAnien Meri Chahtien

jO teray Qadam Meray Ghar Challien Meray Sath Shams o Qamar Challien
Teri QurbatOon Mein Smait lOun Raah e Zindgi ki MuSafatien

Yeh Rida e jAan tUghe sOnp dOon k na dhOop tUgh ko Karii lAgey
kOi Dukh na tUgh ko Aata Karien Sar e DaSht e ghAm ki TmaZatien

Teray nAam Se Meri Subah hO , Teray nAam se Meri Sham ho
Teray Ro-Baro Rhien SurKharO ..Meray ChaSham e Dil ki iBaRatien

Tera Pyar Meri dUa Rhay .. yhi FiQer mUgh ko Sada Rhay
Ho Harra Bhara Tera Nakhal e jAan ,, k NaSeeb hOn tUghe RaahAtien

Meri Rooz o Shab k NiSaab mein Mera Apna HiSsa to kUch nhe
Tera Qarz hAi Meri Zindgi ...Meri SanSien teri Amanatien!

:rose niceful

[WASI ANJUM]

Re: Hasham's Collection

waah janab bahot khoobsurat collections

[khan khan]

Re: Hasham's Collection

Wonderful Collection.

[life.]

Re: Hasham's Collection

buhat hi khob..........