Hasham's Collection

[hashambutt]

Sun lia hum ne Faisla tera
Aur sun ker udaas ho bethe
Zahen chup chaap aankh khali hai
Jaise hum kainaat kho bethe

Dil ya kehta hai zabt lazim hai
Hijr k din ki dhoop dhalne tak
Aetraaf-e-shikast kya kerna
Faisle ki ghari badalne tak

Ab charagaan karein hum ashkoon se
Ya manazir bhuje bhuje dekhein
Ik taraf "Tu" hai ik taraf "Dil" hai
Dil ki manein ya ab Tujhe dekhein

Tujh ko paya to chaak si lein ge
Ghum bhi amrat samajh k pi lein ge
Warna yoon hai k daman-e-dil main
Chand sansein hain gin k ji lein ge

[hashambutt]

Re: Hasham's Collection

Aaj Ki Shub Tu Kisi Taur Guzar Ja'ey Gi
Raat Ghehri Hai,Magar Chaand Chamukta Hai Abhi
Meray Mathay Pay, Tera Pyar Damukta Hai Abhi
Meri Sansoon Mein, Tera Lums Mayhakta Hai Abhi
Meray Seeay Mein , Tera Naam Dharakta Hai Abhi
Zeest Karnay Ko Meray Paas Bohut Kuch Hai Abhi

Teri Aawaz Ka Jadoo Hai, Abhi Meray Li'ey
Teray Malboos Ki Khushboo Hai, Abhi Meray Li'ey
Teri Bahain Tera Pehloo Hai, Abhi Meray Li'ey
Sab Say Barrh Kar Meri Jaan' Tu Hai Abhi Meray Li'ey
Zeest Karnay Ko Meray Paas Bohut Kuch Hai Abhi

Aaj Ki Shab Tu Kisi Taur Guzar Ja'ey Gi
Aaj Kay Baad Magar, Rang-e-Wafa Kya Ho Ga?
Ishq Hairaan Hai Sar-e-Seher-e-Saba Kya Ho Ga
Meray Qaatil Tera Andaz-e-Jafa Kya Ho Ga

Aaj Ki Shub Tu Bohut Kuch Hai Magar, Kal Kay Li'ey
Ik Andesha-e-Be'Naam Hai Aur Kuch Bhi Nahi

Daikhna Ye Hai Kay Kal Tujh Say Mulaqaat Kay Baad
Rang-e-Umeed Khillay Ga, Kay Bikhar Ja'ey Ga
Waqt Parwaaz Karay Ga, Kay Theher Ja'ey Ga
Jeet Ho Ja'ey Gi, Ya Kheil Bigarr Ja'ey Ga
Khawaab Ka Sheher Rahay Ga, Kay Ujarr Jae'y Ga

Parveen Shakir

[hashambutt]

Re: Hasham's Collection

A Poem For My Nation

Hum to aseer-e-khaab thay, ta'beer jo bhi thi
Deevaar par likhi hoi tehreer jo bhi thi

Har fard la'jawab tha, har naqsh be'misaal
Mill jull k apni qoom ki tasveer jo bhi thi

Jo saamnay hai sab hai ye apnay kiey ka phal
Taqdeer ki to chhori'ey, Taqdeer jo bhi thi

Aaya or ek nigaah mein barbaad kar giya
Hum ehl-e-intezaar ki jageer jo bhi thi

Qadrein jo apna maan thein, neelaam ho gaein
Malbay k moll bikk gai, tameer jo bhi thi

Taalib hein terey rehum k hum, adl k nahi
Jaisa bhi apna jurm tha, takseer jo bhi thi

[Gul]

Re: Hasham's Collection

ahan Nice Choice
Welcome To Pegham Bazm-e Shairi

[hashambutt]

Re: Hasham's Collection

^^Thankx Gull sis God Bless you :)

[life.]

Re: Hasham's Collection

nice................

[phonix_24]

Re: Hasham's Collection

Wah Je Wah Buhat Khub...Very Nice Sharing

[hashambutt]

Re: Hasham's Collection

nice................

shukriya :)

[hashambutt]

Re: Hasham's Collection

Wah Je Wah Buhat Khub...Very Nice Sharing

^^thankx janab :)

[hashambutt]

Re: Hasham's Collection

Mushkil Hai K Ab Shahar Main Nikley Koi Ghar Sey
Dastaar Pe Baat Aa Gai Hai Hoti Hoi Sar Sey

Barsaa Bhi To Kis Dasht Ke Be'faiz Badan Par
Ik Umr Merey Khait Thay Jiss Abr Ko Tarsey

Is Baar Jo Eendhun Ke Liey Katt Ke Gira Hai
Chirriyon Ko Barra Pyar Tha Us Borrhey Shajar Sey

Mehnat Meri Aandhi Se To Mansoob Nahi Thi
Rahna Tha Koi Rabt Shajar Ka Bhi Samar Sey

Khud Apney Se Milney Ka To Yaraa Na Tha Mujh Mein
Main Bheerr Main Gum Ho Gai Tanhai Ke Dar Sey

Benaam Musafut Hee Muqaddar Hai To Kya Ghum
Manzil Ka Ta'yyun Kabhi Hota Hai Safar Sey

Pathra'ya Hai Dil Yon K Koi Ism Parrhaa Jaa'ey
Ye Shahar Nikalta Nahi Jadoo Ke Asar Sey

Nikley Hain To Rastey Main Kahin Shaam Bhi Hogi
Sooraj Bhi Magar Aa'ey Gaa Is Raah'guzar Sey


Parveen Shakir

[hashambutt]

Re: Hasham's Collection

ye mere liye
tu azaab hai
mujhe bakhsh de
aee mere khuda
bhala kab talak mein sahun bata
ye azaab jaan jo hai sookhta
mein ne mana mujh se khata hoi
mujhe zindagi jo ata hoi
ise mein ne apney hi haath se
yun ganwa dia k hoi fana
meri zaat zarra'e be nishan
aee mere khuda
mujhe aisa koi suraagh de
k tera nishan main paa sakun
mujhe koi aisi raah sujha
k mein khud ko raah pe laa sakun
meri tishna rooh ko qarar de
meri bigri dunia sanwaar de
mere Malik itni saza bohat
mujhe kuch khushi tu udhar de

[hashambutt]

Re: Hasham's Collection

Mujhe jo kuch bhi kehna tha abhi main keh nahi paya
Meri tehreer ki zad main abhi to kuch nahi aaya

Abhi wo karb likhna hai jisse mehsoos kerta hoon
Abhi wo khwaab likhne hain jo in aankhon main palte hain
Mujhe un ko bhi likhna hai jinhein main dhond na paya
Abhi wo loog likhne hain jo kho ker haath malte hain
Abhi wo ashq likhne hain kabhi jo keh nahi paya
Meri tehreer ki zad main abhi to kuch nahi aaya

Abhi to mausamoon ki shokhiyaan tehreer kerni hain
Uthane hain abhi darya se mujh ko pyaas k pehre
Abhi to khush paeroon per mujhe rim jhim bhi likhni hai
Kahin pe dhoop likhni hai kahin pe tergi chaya
Meri tehreer ki zad main abhi to kuch nahi aaya

Abhi to mujh ko likhni hain kisi ki reshmi zulfein
Kisi ki surmageen palkein kisi ki aankh ka kajal
kisi ki unkahi baatein macha dein dil main jo halchal
Abhi wo sab bhi likhna hai jo mera ishq kehlaya
Meri tehreer ki zad main abhi to kuch nahi aaya

Abhi to wo safar likhna hai jo darpesh hai mujh ko
Abhi to tum ko apni pyaas ka sehra dikhana hai
Abhi to hijr ki likhni hain saari matami raatein
Abhi to aise lamhe bhi tumhein aaker sunane hain
K jin se ashk aankhon main magar iss dil ko behlaya
Meri tehreer ki zad main abhi to kuch nahi aaya

Abhi se saath chore ja rahe ho kis liye jana
Abhi to khul k dil ka haal bhi tum ko na batlaya
Meri tehreer ki zad main abhi to kuch nahi aaya

[WASI ANJUM]

Re: Hasham's Collection

Waaaaaaaah janab bahot khoob share karte rahiye

[hashambutt]

Re: Hasham's Collection

shukriya wasi bhai :)

[hashambutt]

Re: Hasham's Collection

Gar Aisa Ho Key Sham Dhalay
Kuch dOst Puranay Aa Jaien
Keh Dein Wo mUjh Sey Sath Chalo
Kahien ghOomnay Phirnay Chaltay hAin
M<ain KhOya Sa Teri YaadOun Mein
Key dOn Ga Abhe Mera mOod Nahi
Key dOn Ga Ke tUm Khud jAo
Keh dOn Ga TAbyet Theak Nahe
Woh Keh Daien hO Na Pagel tUm
Ab Us Bin kOii Rog Nahe
Wo Baat Karay Gi Na tUm Sey
kyOu ChOur Daitay tUm SOug Nahe
Main Keh dOn Aisa To Na Kho
Aisii To kOii Baat Nahe
Aanay Hii Wala hOga Bas
Eik fOne Us Ka Meray Hi Leye
wO Sharmaii Aur Ghabraii
POchay Gii mUjh Sey Kaisay hAin?
Main Keh dOn Ga K Theak Nahe
Main Har Gya Koii Jeet Nahe
Wo POchay kyOun Kar Aisay Ho
Main Keh dOn Ga Bus Aisay Hii
kOii Baat Nahe
kOii Baat Nahe


Phir Main Bhe Us Sey pOChOun Ga
Kya mUjh Bin Tera HAal Yahi
wO Byaan Kar Degii Haal Apna
Wo Keh Dey Gi Sab Kuch Sach Sach
kyOu Kat-tay Yeh Din Raat Nahe
Phir Keh dOn Ga Main Bhe Usay
Bas SOchta Rehta hOn Main tUjhay
Aur khOya KhOya Rehta hOn
Main Keh dOn Bin Teray Jeena Kya
Gar tOo Na Milli To Mar jAon
wOh bOlay Phir , Aisa Na Khien
Aisa To Ho Sakta Nahe
Main Phir Aagay Kuch Bhe Na khOun
Bas khOya Sa Baitha Hi Rhoun
Aur Keh dOn K dUa Karna
Main Bhe To dUaien Karta hOn
wOh Keh Dey Phir
kOii Aaya hAi]
Jana hAi mUjhay kOi Dekh Na Ley
Main Keh dOn Kya tUm Darti hO?
Kya Pyar mUjhey tUm Karti Ho ?
wOh Keh Dey Aisii Baat Nahe
Kar Leien Aap thOra Sa Sabar
Bas Kuch Din Hi To Baqi hAin
Jatay jAtay mUjh Sey Wo
ChOta Sa Phir Eik Ley Vaada
wOh Keh Dey Rakhien Khyaal Apna
Main Keh dOn Ga Gar tOo Bhe Kar
Eik Ehad ChOta Sa Meray Sang
POchay Gi wOh Jo Ehad Mera
Main Keh dOn Ga kOi Aur Na Ho
Meray Siwa Teray Sath Kabhe
Bas Main Hi Teray Saath Rhoun
Bas Main Hi Tera Saathi hOn
wOh Bolay Keya Vaada Main Ney
Phir Main Us Sey Kar lOun Vaada
Yeh Keh Key wOh Phir Rakh Dey fOne
Aur Main Bhe Phir Sey Kho jAon
Par Aisa Na hUa
Kuch Bhe Na hUa
Vaada Na hUa
Na dOst Aaye
Na Us Ney kOii fOne Keya ..