Ash'aar Competition JUNE 08-lafz:KHUSHBOO

[shummu]

Salam ahl-e-bazm
Is Maah Ka Lafz hai KHUSHBOO tha!

Mashallah kaafi logon ne is baar participate kiya aur woh bhi ek se barhkar ek intekhab ke saath ..ab poliing ka waqt aa gaya hai...sorry for the delay... polling ek hafte baad(7th july) band ho jaayegi...aap sab se guzarish hai ke jam kar vote karein aur deserving participant ko jeetaayein...shukriya :rose

aur han Koi Bhi Member Khud Ko Vote Nahin Kar Sakta Aisa Karne Ki Surat Mein Vote Count Nahin Ho Ga !

[musaddaq]

Re: Ash'aar Competition JUNE 08-lafz:KHUSHBOO

(1)
Socha nahi acha bura dekha suna kuch bhi nahi
manga khuda se raat din teray siwa kuch bhi nahi

Socha tujhay ,dekha tujhay,chaha tujhay, pooja tujhay
meri khata, meri wafa ,teri khata kuch bhi nahi

Jis per humari aankh ne moti bichaiay raat bhar
bheja wohi kaghaz usay hum ne likha kuch bhi nahi

Aik shaam k saaiay talay bethay rahay woh der tak
aankhon se ki batain bahut muun se kaha kuch bhi nahi

Ahsas ki khusboo kahan awaaz k jugnoo kahan
khamosh yaadon k siwa ghar main raha kuch bhi nahi

Do char din ki baat hai dil khak main mil jaiay ga
jab aag per kaghaz rakha baqi bacha kuch bhi nahi
---------------------------------------------------------------------
(2)
meri zindagi kay kisi bab say kabhi roshni ka guzar na ho
koi khusbooun ka safar na ho..
chahay khiza ho k bahar ho
mere dil ko na hi karar ho
mujay roshni ka aser na ho..
par ay Khuda!!!..ay mere Khuda!!
meri hai ek ilteja..
wo jo kabhi tuj se dua karay..
wo jo mera dost hai..ajeeb sa
tu To itna usse ata karay
phir na mangnay ko dua rahay
kay khushiyan itni naseeb hoon..
kabhi ghum na us k qareeb ho
phir jism-o-jan kay chiragh ko
Tu chandni ka uoon noor de..kay
us kay hootoon ki hansi..
us ki ankhoon ki chamak
us ki chori ki kahnak
aur wo bhi jo buhut kam nazar ati hai..
us ki bali ki jhalak
chahay main dekhnay ko rahoon ya na rahoon
sub salamat rahay
ta qayamat rahay
-----------------------------------------------------------------------
(3)
To kya Tumhain, Main kabhi Yaad hi nahi aaya?

Kisi Ghulaab ki Khushboo k bikharne per b
Zara se Aab ke Aankhon mai utarne per b
Kitaab uthate hoye, Geet koi Gatey hoye
Sanwar k dair talak Aainey ko takte hoye!

To kya Tumhain Mai kabhi Yaad hi nahi aaya?

Subha ko uthtay hoye, Shaam ko Tehlte hoye
Neend na aaye agar Karwatein badalte hoye
Kabhi yun hi kisi Makhsoos Dhun ko sunte hoye
Faarig Auqaat mai koi Kitaab parhte hoye!

To kya Tumhain, Main kabhi Yaad hi nahi aaya?

Baraste Abr mai Chhat per kabhi Khare ho ker
Kisi ke Rooth ke Jaane per Chirchiray ho ker
Kisi Saheli se bus yun hi Baat karte hoye
Kisi Khayal mai Bethe se uth ke chalte hoye
Kisi bhi Raat ko uth ker yun hi Tehlte hoye!

To kya Tumhain, Main kabhi Yaad hi nahi aaya?

Akele yun hi kabhi apni Dhun main chlate hoye
Kisi ki Saalgira per yun hi behlte hoye
Kisi unchayi pe Tanha sambhal ke charte hoye
Utarte Chaand ka Mojon mai Aks parte hoye!

To kya Tumhain, Main kabhi Yaad hi nahi aaya?

Kisi Gulaab ko Tehni se Torr ker bhi nahi??

Kisi Darakht ke Saaye mai beth ker bhi nahi??
Apne Darwaze pe Dastak koi Sun ker bhi nahi??
Kisi Dareecha-e-Makaan se Khaank ker bhi nahi??

Apni Kitab mai koi Naam dekh ker bhi nahi??
Yaad-e-Maazi mai kahin Door Doob ker bhi nahi??
Kisi bhi Shakhs ko Khamosh dekh ker bhi nahi??
Kisi bhi Aankh ko Namm dekh ker bhi nahi??
Kahin Lafzon mai koi Aah dekh kar bhi nahi?
Azaan hoye hi Duaaon mai bhi nahi??

To kya Tumhain, Main kabhi Yaad hi nahi aaya?

----------------------------------------------------------------------
(4)
Zakhm-e-Tanhai Main Khushboo-e-Hina Kiski Thi
Saya Deewar Pey Mera Tha Sada Kiski Thi

Ansuon Se Hi Sahi Bhar Gaya Daaman Mera
Haath To Maine Uthaye They Dua Kiski Thi

Meri Aahoun Ki Zubaan Koi Samjhata Kaisey
Zindagi Itni Dukhi Mere Siva Kiski Thi

Chor Di Kiskey Liye Tunay sari Duniya
zustaju Si Tujhey Har Waqt Bata Kiski Thi

Uski Raftaar Main Lipti Rahi Meri Ankhaein
Usney Mur Kar Bhi Na Dekha Wafa Kiski Thi

Aag Say Dosti Us ki Thi Jala Ghar Mera
De Gaye Kis Ko Saza Aur Khata Kiski Thi
-----------------------------------------------------------------------
(5)
ABHI BHOOLNAY MAIN WAQT LAGAY GA
ABHI BHOOLNAY MAIN ZAMANAY LAGAIN GAY
ABHI TOU KITABON MAIN GULAB HAIN TAAZA
GYE UNN DINNON KAY AZAB HAIN TAAZA
ABHI ROSHNI KAY WOH SAAYE HAIN ZINDA
ABHI ZAKHMI CHAHAT KI GOONJAIN HAIN ZINDA
ABHI BHOOLNAY MAIN WAQT LAGAY GA
ABHI BHOOLNAY MAIN ZAMANAY LAGAIN GAY
ABHI AASMAN KA RANG WOHI HAI,,,,,,,
ABHI PARBATON PAY DHUND WOHI HAI
ABHI USS KI SORAT HAI AANKHON MAIN ZINDA,,,,,
ABHI USS KI CHAHAT HAI KHOABON MAIN ZINDA,,,
ABHI BHOOLNAY MAIN WAQT LAGAY GA,,,,
ABHI BHOOLNAY MAIN AMANAY LAGAIN GAY.,,
ABHI MOSAMON KA TAGHAYYOR WOHI HAI
ABHI UNN FIZAON MAIN KHUSHBO WOHI HAI
ABHI DILL MAIN USS KI MOHABBAT BASI HAI
ABHI AANKH MAIN USS KI SOORAT SAJI HAI
ABHI BHOOLNAY MAIN WAQT LAGAY GA
ABHI BHOOLNAY MAIN ZAMANAY LAGAIN GAY

[*Rida*]

Re: Ash'aar Competition JUNE 08-lafz:KHUSHBOO

main kuch na kahoN aur yeh chahoN keh mairi baat
khushbo ki tarah urr kay tere dil mein uatr jai


@@@@@@@@@@@


chandni raat k hathon pay sawar utri hai
koi khushboo meri delhiz k paar utri hai

is main kuch rang bhi hain khuwab bhi mehkar bhi hai
jhilmilati hui khawish bhi inkaar bhi hai

isi khushboo main kayi dard bhi afsanay bhi
isi khushboo nay banaye kayi dewanay bhi

meray anchal pay umeedon ki qitar utri hai
koi khushboo meri delhiz k paar utri hai

isi khushboo say kisi yaad k der khultay hain
meray pairon say jo liptay to safar khultay hain

yahi khushboo jo mujhey ghar say utha layi thi
ab kisi tor palat ker nahi janay deti

meri delhiz bulati hai mujhey loot aao
yahi khushboo mujhey wapis nahi aanay deti

ranj or dard main doobi bahar utri hai
koi khushboo meri dehliz k paar utri hai


@@@@@@@@


kaghzi phool say khushbo kay khazanay mangay
dil hai khush fehem behelnay ko bahanay mangay
ham keh tabeer gaziida hain daray jatay hain
aankh ka kia hai wohi khwaab poranay mangay

@@@@@@@@@

[La'hasil]

Re: Ash'aar Competition JUNE 08-lafz:KHUSHBOO


Asalam-o-Alikum



Wa.Salaam

[Eshaa Chaudhry]

Re: Ash'aar Competition JUNE 08-lafz:KHUSHBOO

Ahan, lijiey hum bhi aagaey

participate karnay :dance2:

[Eshaa Chaudhry]

Re: Ash'aar Competition JUNE 08-lafz:KHUSHBOO

(2)

[Eshaa Chaudhry]

Re: Ash'aar Competition JUNE 08-lafz:KHUSHBOO

(3)

[Eshaa Chaudhry]

Re: Ash'aar Competition JUNE 08-lafz:KHUSHBOO

(4)

(5)

[wajid hanif]

Re: Ash'aar Competition JUNE 08-lafz:KHUSHBOO

ummm nice

[Mr.Khan]

Re: Ash'aar Competition JUNE 08-lafz:KHUSHBOO

Musaddaq or Eshaa .....aap dono ki entries ka jawaab nahi hai :thmbup:
Buhat umda or buhat aala intikhaab kya hai :rose.......awesome

[Eshaa Chaudhry]

Re: Ash'aar Competition JUNE 08-lafz:KHUSHBOO

Musaddaq or Eshaa .....aap dono ki entries ka jawaab nahi hai :thmbup:
Buhat umda or buhat aala intikhaab kya hai :rose.......awesome

Thanks Maaz :rose

hamara zauq to hay hee bht achha :blush:

[- aa -]

Re: Ash'aar Competition JUNE 08-lafz:KHUSHBOO

koan kehta hai keh jadu nahein ber'haq koi
teri khushboo say mehek uth'ta hoan bethay bethay

[- aa -]

Re: Ash'aar Competition JUNE 08-lafz:KHUSHBOO

kis tarha sajatay ho
maslihat ki sham'oan main
mehfil'ain mohabbat ki
aur mohabbatain bhi woh
saal bhar mehek jin ki
dil ki sari galiyoan main
raqss kerti phirti hai

kis tarha jalatay ho
aandhi'yoan kay mausam main
tum deeay rafaaqat kay
tum jo pyar kee daulat
apnay dil kay haath'oan say
khushboo'oan ki baatoan say
is tarha luta'tay ho
jis tarha koi jugnoo
shab kay raig'zaar'oan per
roshni lutaata hai
tum jo habss mausam main
ik hawa ka jhonka ho
kis tarha sajtay ho
maslihat ki sham'oan main
mehfil'aon mohabbat ki
kuch hamain bhi batla'o
kuch hamain bhi sikha'o
ham to apnay sehra kay
be'nawa musafir hain
ham tumharay jazboan ki
naik si fiza'oan main
phool jesay geet'oan ki
raqs kerti khushboo kay
be'qarar shaa'ir hain...!

[- aa -]

Re: Ash'aar Competition JUNE 08-lafz:KHUSHBOO

ae sitaara-e-shab-e-zindagi!!!


wohi shaam, koher see shaam phir
teray naam ho to ghazal kahein
wohi shaam jis kee ragg'oan mein thay
teri khwaab aankh'oan kay ratt'jagay
wohi subha, dhoope kee laadli
teray aariz'oan pay khillay to phir
ragg-e-jaan say nazm kasheed ho
wohi samaa'atoan ka jaloose ho
wohi rang ho wohi roshni
wohi khushboo'oan ka hajoome ho!
wohi aik pal teri deed ka
jo millay to ashk damak uthain
jo bujhay hain daagh, chamak uthain
wohi aik pal teri deed ka
jo milay to dard kee oat mein
sabhi qehqahay say chalak uthain
serr-e-loh-e-shaam-e-firaaq phir
gham-e-ishq mauj-e-naveed ho
ae sitaara-e-shab-e-zindagi
idhar aa keh jashn ho moa'tabir
nazar aa keh dhangg sae eid ho!

[- aa -]

Re: Ash'aar Competition JUNE 08-lafz:KHUSHBOO

mein nay daikha thaa oun din'oan mein ousay
jab woh khiltay gulaab jesa thaa
ous kee palkoan say neend chantii thee
ous ka lehjaa sharaab jesa thaa
ous kee zulfoan see bheegti thee ghataa
ous ka rukh maah'taab jesa thaa
loge perhtay thay khadd-o-khaal ous kay
woh adab kee kitaab jesa thaa
bolta thaa zubaan khushboo kee
loge suntay thay dharkan'oan mein ousay
mein nay daikha thaa oun din'oan mein ousay!

saari aankh'ain thein aa'inay ous kay
saaray chehroan mein intikhaab thaa woh
sab say ghul mil kay ajnabi rehna
aik dunya numa saraab thaa woh
khwaab yeh hai keh woh haqeeqat thaa
yeh haqeeqat hai, koi khwaab thaa woh
dil kee dharti pay aasmaan kee tarhaa
soorat-e-saaya-o-shaab thaa woh
apni neend'ain ousi kee nazar hoo'ein
mein nay paaya thaa ratt'jagoan mein ousay
mein nay daikha thaa oun din'oan mein ousay!

mein nay daikhaa thaa oun din'oan mein ousay
jab woh hans hans kay baat karta thaa
dil kay khaimay mein raat karta thaa
rang perhtay thay aanchal'oan mein ousay
mein nay daikha thaa oun din'oan mien ousay

yeh magar dair kee kahaani hai
yeh magar dard ka fasaana hai
ous kay meray milaap mein haa'il
ab to saddiyoan bhara zamaana hai
ab to youn hai keh haal apna bhi
dasht-e-hijraan kee shaam jesa hai
kia khabar in din'oan woh kesa hai
mein nay daikha thaa oun din'oan mein ousay!