Beautifull Ghazals Collection ( Gift To Pegham ) Silent Tears ( Sajid )

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Ek Arse Ke Baad Us Ko Dekha

Aankhon Main Sawal Thay Hazaaron

Honton Pe Magar Wohi Muskurahat

Chehre Pe Likhi Huyi Udaasi

Aawaz Main Goonjti Judaayi

Raat Dair Tak Sochta Raha Tha

Kis Phool Ki Khatir

Main Kaise Shajar Ke Paas Bhaita Hua Tha

Kin Sochon Ko Tarq Kar Diya Tha

Main Us Ke Gale Laga Hua Tha

Wo Pohonch Rahi Thi Aansoo Mere

Lekin Bohot Dair Tak Main Ro Chuka Tha

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Humein Mohobbat Hai Bhi Ya Nahin Ye Maloom Nahin

Dil Toota Hai Bhi Ke Nahin Ye Maloom Nahin

Aaj Shaam Dhale Gi Ke Nahin Ye Maloom Nahin

Aansoo Nikle Hain Kyun Ye Maloom Nahin

Gham Hai Ya Khushi Hai Ye Maloom Nahin

In Lakeeron Main Taqdeer Hai Bhi Ya Nahin Ye Maloom Nahin

Aaj Neend Aaye Gi Ya Nahin Ye Maloom Nahin

Hum Kis Mor Pe Aaa Kharein Hain Ye Maloom Nahin

Zindagi Hai Naam Kis Cheez Ki Ye Maloom Nahin

Mohobbat Rahi Bhi Hai Ke Nahin Ye Maloom Nahin

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Hamesha Muskura Ke Aansuon Ko Chupaaya

Gham Ko Chupane Ka Yehi Raasta Nazar Aaya

Kis Kis Ko Bataate Rehte Ashkon Ka Sabab

Ke Dard_E_Dil Dil Main Kis Ne Jagaaya

Mehfilon Main Kahin Bhi Maza Na Raha

Rakha Dil Pe Patthar To Khud Ko Sajaaya

Baat Be Baat Apni Aahein Daba Kar

Doston Ke Darmiyaan Kis Qadar Muskuraaya

Na Thi Chah Kabhi Mujhe Muskurane Ki

Jaam_E_Wafa Kis Bewafa Ne Pilaaya

Kiya Muqaddar Se Shikwa Karte Rahein

Jo Kismat Main Tha Wohi Kuch To Paaya

Ye Kis Mor Pe Aaa Gaye Hain

Ke Saaya Manzil Nazar Main Na Aaya

Apno Ne Palat Ke Dekha Tak Nahin

Gairon Ne Aaa Kar Gale Se Lagaaya

Acha Huya Ke Raaz Khul Hi Gaya

Dil_E_Nadan Pe Khanjar Kis Ne Chalaaya

Shab_O_Rauz Chahat Ka Sila Ye Hai Sajid

Dil Ke Tukre Huye Aur Wo Chunne Na Aaya

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Tum Meri Aankh Ke Tewar Na Bhula Paao Gi

Ankahi Baat Ko Samjho Gi To Yaad Aaoun Ga

Hum Ne Khushiyon Ki Tarah Dukh Bhi Akhate Dekhe Hain

Safah_E_Zeesat Ko Palto Gi To Yaad Aaaoun Ga

Isi Andaaz Main Hote Thay Mukhaatib Mujh Se

Khat Kisi Aur Ko Likho Gi To Yaad Aaaoun Ga

Sard Raaton Ke Mahakte Huye Sanaaton Main

Jub Kisi Phool Ko Choomo Gi To Yaad Aaaoun Ga

Ab Talak To Tere Ashk Main Honton Se Chura Leta Hoon

Haath Se Inhein Khud Poncho Gi To Yaad Aaaoun Ga

Shaal Pehnaaye Ga Ab Kaun December Main Tumhein

Baarishon Main Bheego Gi To Yaad Aaaoun Ga

Aaj Tum Mehfil_E_Yaaraan Pe Ho Magroor Bohot

Jub Kabhi Toot Ke Bikhro Gi To Yaad Aaaoun Ga

Haadse Aayein Ge Jeewan Main To Tum Ho Ke Nidhaal

Kisi Deewar Ko Thaamo Gi To Yaad Aaaoun Ga

Is Main Shaamil Hai Meri Bakht Ki Taareeki Bhi

Tum Siyaah Rang Jo Pehno Gi To Yaad Aaaoun Ga

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Kabhi Kabhi Baat Karti Hai Mohobbat Ki Tarah

Mizaj Apna Badalti Hai Wo Hawa Ki Tarha

Wo Apne Aap Se Begaana Kar Gayi Mujh Ko

Ek Ajnabi Ban Kar Jo Milli Mujh Ko Apno Ki Tarha

Qadam Qadam Pe Bhatak Jaana Qabool Hai Mujh Ko

Agar Tu Saath Rahe Mere Rehnuma Ki Tarha

Hum Us Ki Yaad Ko Dil Se Laga Ke Jee Lain Ge

Bhula Sake To Bhula De Wo Bewafa Ki Tarha

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

In Ashkon Ko Chupana Chahta Hoon

Tere Yaad Ko Dil Se Mitana Chahta Hoon

Tujhe Dekh Kar Jo Mujhe Ehsas Hota Hai

Main Us Se Ab Peecha Churana Chahta Hoon

Tumhari Yaadon Se Tumhari Baaton Se

Ab Main Bohot Door Jaana Chahta Hoon

Khayalon Ki Dunya Se Khawabon Ki Dunya Se

Ab Main Bahir Nikalna Chahta Hoon

Thak Gaya Hoon In Kaanton Bhari Raah Pe Chalte Chalte

Ab Main Kuch Dair Aaram Karna Chahta Hoon

Par Kaise Bhula Doon A Dil_E_Nadan Us Ko

Sajid Jisay Main Itna Chahta Hoon

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Ik Pal Main Sadi Ka Maza Hum Se Poochiye

Do Din Ki Zindagi Ka Maza Hum Se Poochiye

Bhoolein Hain Rafta Rafta Unhein Muddaton Main Hum

Kiston Main Maut Ka Maza Hum Se Poochiye

Aakhir Wo Jaan Hi Gayi Mujhe Un Se Pyar Hai

Aankhon Ki Bekhudi Ka Maza Hum Se Poochiye

Muskurane Ka Shoq Hum Ko Bhi Tha Aap Ki Tarha

Muskuraye Magar Muskurane Ka Maza Hum Se Poochiye

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Kuch Aur Rauz Meri Jaan Faqat Kuch Hi Rauz

Zulm Ki Chaaon Main Dum Lene Pe Majboor Hain Hum

Aur Kuch Dair Sitam Seh Lain Tarap Lain Ro Lain

Apne Milan Ki Raatein Hain Aur Majboor Hain Hum

Jism Par Qaid Hai Jazbaat Pe Zanjeerein Hain

Fikr_E_Mehboob Hai Aur Dil Main Aarzooyein Hain

Apni Himmat Hai Ke Hum Phir Bhi Jiye Jaate Hain

Lekin Ab Zulm Ki Miyaad Ke Din Thore Hain

Ik Zara Sabar Ke Faryaad Ke Din Thore Hain

Arsa_E_Daraz Ki Lipti Huyi Veerani Main

Hum Ko Rehna Hai Par Yun Hi To Nahin Rehna

Is Zaalim Zamaane Ka Beshumaar Sitam

Kuch Din Sehna Hai Hamesha To Nahin Sehna Hai

Ye Tere Husn Se Lipti Huyi Mere Ishq Ki Daastaan

Apni Do Roza Jawani Ki Shikaston Ka Shumaar

Chandni Raaton Ka Bekaar Behakta Huya Dard

Dil Ki Be Intiha Tarap Jism Ki Mayoos Pukaar

Kuch Rauz Meri Jaan Faqat Kuch Hi Rauz

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

:roseBeautifull Ghazals Collection Part 2:rose

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Maayoos Mat Hona Ye Ek Gunah Hota Hai

Milta Wohi Hai Jo Kismat Main Likha Hota Hai

Har Cheez Milay Humein Ye Zaroori To Nahin

Kuch Cheezon Ka Zikar Doosre Jahan Main Hota Hai

Jo Khud Ko Bura Kehte Hain Wo Shayad Bekhabar Hain

Kuch Paa Lene Ka Ikhtiyar Khud Par Bhi Hota Hai

Har Ek Par ILzam Kyun Theraayein Hum

Apne Saamne Bhi To Ek Aayina Hota Hai

Hum Apni Zindagi Se Kyun Haar Jaayein Sajid

Agar Doobta Hai Suraj To Kal Sawera Bhi To Hota Hai

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Kaash Tum Ne Mujhe Hasaaya Hota

Kaash Tum Ne Mujhe Rulaaya Hota

Kaash Gusse Main Hi Apna Kaha Hota

Kaash Mujhe Yaad Kar Ke Apne Dil Ko Behlaaya Hota

Kaash Meri Yaad Sataati Tumhein

Kaash Mere Bina Neend Na Aati Tumhein

Kaash Ke Tum Meri Mohobbat Ko Pehchaan Paati

Kaash Ke Tum Mujhe Apna Hi Bana Paati

Kaash Main Tumhein Apni Baanhon Main Kabhi Leta

Kaash Main Tumhari Zulfon Main So Jaata

Kaash Ke Tum Dil Se Chahti Mujhe

Kaash Ke Apna Saaya Banaati Mujhe

Kaash Main Teri Aankhon Ka Kajal Hota

Kaash Main Is Baarish Ka Badal Hota

Kaash Tum Mujhe Bhula Kar Roti

Kaash Ke Mere Bina Teri Subha Na Hoti

Kaash Ke Haal_E_Dil Bataata Tumhein

Kaash Ke Dil Ka Gham Sunaata Tumhein

Kaash Ke Apni Jaan Se Zyaada Tujhe Chahta

Kaash Tum Bin Saans Bhi Le Na Paata

Kaash Ye Sub Gham Na Hote

Kaash Hum Dono Do Jism Ek Rooh Hote

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Main Judaayi Se Ghabra Chuka Hoon

Mujh Ko Aaa Kar Gale Se Laga Lo

Ek Hi Raasta Hai Ab Tumhare Paas

Pyar Do Ya Mujhe Maar Daalo

Shok Se Tum Mere Dil Ko Toro

Main Hoon Aashiq Mujhe Pagal Bana Kar Choro

Mere Aankhein Naraz Tum Se

Aaj Aaa Kar Mujhe Tum Mana Lo

Ho Gaya Hai Mera Haal Aise

Koyi Barson Ka Pagal Deewana Jaise

Apne Pagal Deewane Ko Bacha Lo

Dar Sa Lagta Hai Tanhaiyon Se

Khauf Aata Hai Parchaaiyon Se

Chahiye Mere Dil Ko Sahara

Apni Baanhon Main Mujh Ko Basa Lo

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

Laakh Doori Ho Magar Ehd_E_ Wafa Nibhaate Rehna

Jub Bhi Baarish Ho Mera Sog Manaate Rehna

Tum Gaye Ho To Har Shaam Ye Aadat Thehri

Bus Kinaare Pe Khare Haath Hilaate Rehna

Jaane Is Dil Main Ye Pyar Kahan Se Aaya

Us Ki Raahon Main Nigha Ko Bichaate Rehna

Ek Muddat Se Aadat Huyi Hai Ab To

Aap Hi Aansoo Bahaana Aap Hi Muskurate Rehna

Sub Kehte Hain Ye Pagal Pan Hai Sajid

Door Jaate Huye Laugon Ko Bulaate Rehna

[Silent Tears Sajid]

Re: Beautifull Ghazals Collection ( Gift To Pegham ) Silent Tears ( Sajid )

:rose

[Masood]

Re: Beautifull Ghazals Collection ( Gift To Pegham ) Silent Tears ( Sajid )

Yeh kalaam aap ka zaati hain???