~*~ Straight from the Heart of Mr.Khan ~*~

[Mr.Khan]

Re: ~*~ Straight from the Heart of Mr.Khan ~*~

Assalaam Alaikum WR WB





Ab to mumkin hi nahi un sey mulaqaat WASI,
Ab to urooj per pohanchi hai unki WASI,

Wohi Waaday hein aur rasmon ki zanjeeren baqi,
Kub badalti hein zamane ki riwayat WASI,

Ek woh din thay, aik doosre ko soochte thay hum,
Ab miltay nahi dono ke khayalaat WASI,

Meri har subha ka aghaaz tere naam sey ho,
Teri yaadon me kat'ti meri har raat WASI,

Tum kahan aur mere pyar ka mayaar kahan,
Woh kitni saadgi sey kar gaya yeh baat WASI,

[Jamil Akhter]

Re: ~*~ Straight from the Heart of Mr.Khan ~*~

buhat beautiful ....mr khan kya bat hay app kay intakab ki:rose

[Mr.Khan]

Re: ~*~ Straight from the Heart of Mr.Khan ~*~

buhat beautiful ....mr khan kya bat hay app kay intakab ki:rose

Buhat shukriya bhai

[Mr.Khan]

Re: ~*~ Straight from the Heart of Mr.Khan ~*~

Andheri raat ke lamhe tamaam hone tuk,
Tujhy hi soochta hun subha sey shaam hone tuk,

Mai aisa jism hun jis ki rooh bhi tu hai,
Adhuri zaat hun mai tere naam hone tuk,

Teri awaaz sun na lun to Dil nahi lagta,
Tarapta rehta hun tujh sey hum'kalam hone tuk,

Teri nazar ki keemat pe bik raha hai koi,
Usay khareed ley tu mehngey daam hone tuk,

Ishq ki aag jo seeney me lagaye baithay hein,
Sulagti rehti hein yeh Neenden haram hone tuk,

[Mr.Khan]

Re: ~*~ Straight from the Heart of Mr.Khan ~*~

Mere likhe hue lafz bheeg gaye barishon ke bahaane,
Phir woh shama bhi bujh gaii hawaon ke bahaane,

Ghum ye nahi ke sirf woh hi juda hua hum sey,
Dukh to ye hai ke bahaaren rooth gaii'n khizaaon ke bahaane,

Mujhy to lagti hai saazish in parindon ki bhi,
Mujhy dekhte hi jo rooth jaate hein fizaaon ke bahaane,

Badle hue dikhe hein raat ko chand ke taiwar bhi,
Mujhy chhat pe daikh ke chhup gaya baadlon ke bahaane,

Ab to ikhtiyaar nahi in aankhon per bhi,
Bheeg jaati hein aksar usay bhulaane ke bahaane,

[ChaMpioN PaKiStaNi]

Re: ~*~ Straight from the Heart of Mr.Khan ~*~

khubsort

[Mr.Khan]

Re: ~*~ Straight from the Heart of Mr.Khan ~*~

Mai jhoom jaon to sharabi na samajhna,
Gir jaon jo sajde me to namazi na samajhna,

Thora sa behak gaya hun Muhabbat me,
Jo aagay barhon tou shikari na samajhna,

Mujh sey cheen li hein khushiyan mere apno ne,
Haath jo phailaon tou bikhari na samajhna,

Mujhy aata hai ab bhi dosti ka khayaal,
Buhat kuch khooya hai mai ne, anari na samajhna,

Aik naseehat meri yaad rakhna Sahil,
Muhabbat ko kabhi tum waqt-e-guzari na samajhna,

[Mr.Khan]

Re: ~*~ Straight from the Heart of Mr.Khan ~*~

woh mujh se pochta hai mera pyar kaisa laga
udas lamhon ka intezar k sa laga ...


maine dikha us ki aankhon main aur kaha
tarapa k mujh ko mere yar kaisa laga...


ek tu sitam aur us pe teri yeh berukhi
kia bataon tujhay tere zakhmon ka shukmar kaisa laga...


nibhaya hum ne har mur pe hai rasm e wafa lakin
har bat pe tera inkar aur mera iqrar kaisa laga ...


main woh jo mangta raha har lamha teri khushi ki duaa
tum batao kar k meri aankhain ashk baar kaisa lga ....

[Mr.Khan]

Re: ~*~ Straight from the Heart of Mr.Khan ~*~

[u_r]

Re: ~*~ Straight from the Heart of Mr.Khan ~*~

[ATTACH=CONFIG]98397[/ATTACH]

love it....................especially the last line;awesome!:

tu qatra he, woh darya he dekh apni auqat wassi!

[Mr.Khan]

Re: ~*~ Straight from the Heart of Mr.Khan ~*~

Log har mor pe ruk ruk ke sambhaltay kyun hein
Itna dartay hein to phir ghar se nikaltay kyun hein


Mai na koi jugnu hun na diya na chand
Phir roshni walay meray naam se jaltay kyun hein



Iss me mosam ka kasoor hey ya logon ka
Log mosam ki tarah pal bhar me badaltay kyun hein

[Nadia khan]

Re: ~*~ Straight from the Heart of Mr.Khan ~*~

wowww
bahut hi
zabardast
sharing

[Mr.Khan]

Re: ~*~ Straight from the Heart of Mr.Khan ~*~

love it....................especially the last line;awesome!: tu qatra he, woh darya he dekh apni auqat wassi!

Thank U :rose

[Mr.Khan]

Re: ~*~ Straight from the Heart of Mr.Khan ~*~

wowww
bahut hi
zabardast
sharing

Buhat shukriya ........ Sis

[sarfraz_qamar]

Re: ~*~ Straight from the Heart of Mr.Khan ~*~

Log har mor pe ruk ruk ke sambhaltay kyun hein
Itna dartay hein to phir ghar se nikaltay kyun hein


Mai na koi jugnu hun na diya na chand
Phir roshni walay meray naam se jaltay kyun hein



Iss me mosam ka kasoor hey ya logon ka
Log mosam ki tarah pal bhar me badaltay kyun hein

Bohatt aallaa Imtakhabb hai Khan jii