~*~ Straight from the Heart of Mr.Khan ~*~

[Mr.Khan]

Re: ~*~ Straight from the Heart of Mr.Khan ~*~

Assalaam Alaikum WR WB



:rose ~*~*~*~*~*~*~*~*~*~*~*~*~*~*~*~*~*~*~ :rose


Woh to aaya tha manaane mujh ko,
Mujh sey doori me jo guzri thi sunaane mujh ko,

Mai ne hi tark-e-tal'luq ki qasam kha li thi,
Yaad aa gaye phir log purane mujh ko,

Kuch to aadat hai aankhon ko chalak jaane ki,
Kuch khayalat bhi aate hein rulaane mujh ko,

Usko daikhon to Dil ko pashemani hoti hai,
Jo dikhaate thay kabhi khuwaab suhane mujh ko,

Us ne ek lamhe me andaaz badal dala,
Jis ki qurbat me lage kitne zamane mujh ko,


:rose ~*~*~*~*~*~*~*~*~*~*~*~*~*~*~*~*~*~*~ :rose

[Mr.Khan]

Re: ~*~ Straight from the Heart of Mr.Khan ~*~

Assalaam Alaikum WR WB



~*~*~*~*~*~*~*~*~*~*~*~*~*~*~*~*~*~


Jala ke tu bhi agar aasra na dey mujh ko,
Ye khouf hai ke hawa phir bujha na dey mujh ko,

Mai is khayaal sey murr murr ke dekhta hun usay,
Bichar ke woh bhi kahin phir sada na dey mujh ko,

Bus is khayaal sey shab bhar mai so na saka,
Ke Khouf-e-Khuwaab-e-guzishta jaga na dey mujh ko,

Tere baghair teri tarah mai zinda rahun,
Ye hosla bhi, Dua kar, Khuda na dey mujh ko,

Mai is liye bhi usay khud manaon ga Moshsin!
Ke mujh sey roothne wala bhula na dey mujh ko,


~*~*~*~*~*~*~*~*~*~*~*~*~*~*~*~*~*~

[life.]

Re: ~*~ Straight from the Heart of Mr.Khan ~*~

buhat khoob.............

[Mr.Khan]

Re: ~*~ Straight from the Heart of Mr.Khan ~*~

buhat khoob.............

Shukriya

[Mr.Khan]

Re: ~*~ Straight from the Heart of Mr.Khan ~*~

Assalaam Alaikum WR WB


~*~*~*~*~*~*~*~*~*~*~*~*~*~*~*~


Jaagti raat ke honton pe fasanay jaise.
Ek pal me simat aayen hon zamane jaise,

Aqal kehti hai bhula do jo nahi mil paya,
Dil woh pagal ke koi baat na maaney jaise,

Raaste me wohi manzar hain puraaney ab,
Bus kami hai to nahi log puraane jaise,

Aaiyena daikh ke ehsaas yahi hota hai,
Le gaya waqt ho umron ke khazaney jaise,

Raat ki aankh ka tapka hua aansu WASI,
Makh'mali ghaas pe moti ke hon daany jaise,



~*~*~*~*~*~*~*~*~*~*~*~*~*~*~*~

[Nadia khan]

Re: ~*~ Straight from the Heart of Mr.Khan ~*~

Walikum Assalam wr wb
zabardast sharing

[Mr.Khan]

Re: ~*~ Straight from the Heart of Mr.Khan ~*~

Walikum Assalam wr wb
zabardast sharing

Buhat shukriya Nadia

[Mr.Khan]

Re: ~*~ Straight from the Heart of Mr.Khan ~*~

Na jaane Kyun?


Apne dil ko uski yaadon sey behla leta hun,
Har shab umeed ke chiraagh jala leta hun,

Raat bhar chand ki chamakti kirno sey,
Phoolon ki pat'ti sey uska chehra bana leta hun,

Mai aayene me khud sey ru'baru ho kar,
Ehsaas-e-tasawar me uski tasweer saja leta hun,

Us per likhta hun har shab ek taza ghazal,
Phir usi ghazal ko aankhon sey mita deta hun,

Har rooz uske naam ka chiraagh jala kar,
Apni aahon sey phir usko bujha deta hun,

[Nadia khan]

Re: ~*~ Straight from the Heart of Mr.Khan ~*~

baut hi umda sharing

[Mr.Khan]

Re: ~*~ Straight from the Heart of Mr.Khan ~*~

baut hi umda sharing

Thank You :rose

[shaann]

Re: ~*~ Straight from the Heart of Mr.Khan ~*~

Bahut khoob...............................

[Mr.Khan]

Re: ~*~ Straight from the Heart of Mr.Khan ~*~

Bahut khoob...............................

buhat shukriya

[Mr.Khan]

Re: ~*~ Straight from the Heart of Mr.Khan ~*~

Assalaam Alaikum WR WB

~*~*~*~*~*~*~*~*~*~*~*~*~*~*~


Zinda hun magar zindagi sey dorr hun mai,
Aaj kyun is qadar majboor hun mai,

Bina jurm ke hi saza milti hai mujhy,
Kis sey kahon ke aakhir be-qasoor hun mai,

Meri khamoshiyon ka sabab hein ye ghum mere,
Phir kyun dunya samajhti hai ke maghroor hun mai,

Aaj phir shid'dat-e-ghum ne rula dya mujh ko,
Aaj lagta hai ke zakhmon sey choor hun mai.


~*~*~*~*~*~*~*~*~*~*~*~*~*~*~

[Mr.Khan]

Re: ~*~ Straight from the Heart of Mr.Khan ~*~

Assalaam Alaikum WR WB

~*~*~*~*~*~*~*~*~*~*~*~*~*~*~*~


Hairan hun ke ye koun sa dastoor-e-wafa hai?
Tu misaal-e-Rag-e-Jaan hai to kyun mujh sey juda hai?

Tu ehal-e-nazar to nahi tujh ko khabar kiya,
Pehlu me teri, koi zamanay sey khara hai,

Likha hai mera naam samandar pe hawaon ne,
Aur dono ki fitrat me sakoon hai na wafa hai,

Uth'ti hein jo pehlu sey mere dard ki lehrein,
Betaab samandar koi seenay me daba hai,

Aey zeest ke dozakh sey guzarte hue lamhon,
Socha hai tum ne ke jeena bhi ek saza hai..!


~*~*~*~*~*~*~*~*~*~*~*~*~*~*~*~

[Mr.Khan]

Re: ~*~ Straight from the Heart of Mr.Khan ~*~

Assalaam Alaikum WR WB

~*~*~*~*~*~*~*~*~*~*~*~*~*~*~*~*~*~*~*~


Khamosh palkon per dariya ruka hai abhi,
Tumhary intizaar me ek lamha ruka hai abhi,

Sadiyon ka faasla to tey kar lya hum ne,
Sirf do qadmon ka safar ruka hai abhi,

Waqt ke sagar pe rawa'an ho tum ye jan lo,
Tumhary pyar ke liye ek shakhs ruka hai abhi,

Aa jao ke zindagi tamaam na ho jaye meri,
Baray ehtamaam sey mout ko ta'ala hai abhi,

Sada'ayen dey dey kar be-awaz na ho jaon kahin mai,
Aa jao lout ke ek jumla meri zubaan pe ruka hai abhi,


~*~*~*~*~*~*~*~*~*~*~*~*~*~*~*~*~*~*~*~