~*~meiji ka intikhaab~*~

[meiji]

Jab dard puranay ho baithay..
Jab `yaad ka jugnu`raakh hua
Jab aankh main aaansoo barf huay
Jab zakhm se dil manoos hua
Jab tees ko chubhna bhool gia
Tab mujh peh khula main zinda hun!!!
Phir dil ko dharhakna yaad aya!!!

Jab karb ki lambi rahon main
Ahsas k baal safaid huay
Ya soch ki sarma dhoopon main
Alaam ka mevah khushk hua
Jab aankhain 'be sailaab'huin
Jab neendain Aandhi ho baithin
Jab khawabain b 'be khawab' huin
Jab chaand charha be dardi ka
jab tanhaii ka seena b
Ser rakhnay ki aagosh laga
Jab rait peh likhi yaadon ko
Be mehr hawa ne cheen lia
Jab hosh ki kachi dewarain
Tasweeron se azad huin
Jab 'yaad ruttain' be dad huin
Tab mujh peh khula main zinda hun!!!
Phir dil ko dharakna yaad aya!!!

Tab aankhain kuch abaad huin
Jab mujh peh khula main zinda huun...
Ahsas ka bachpan jaag para
Phir jazbay be taqweem huay!!
Phir waqt ne kuch angrhaii li..
Phir soch ki qabar se dhool urhi
Phir piyas ka barzakh bhool gya!
Ik hijr se kia azad huay?
So hijr naye ejaad huay!!
Phir ik nazar siyyad bani
Ik nazar ka taair said hua
Phir ashk main darya qaid hua!!
Phir dharkan main bhonchal paray
Phir ishq ka jogi gallion main...
Taqdeer kay saamp utha laya!!

Phir hosh ka jungle sabz hua
Phir `shoq_e_darinda` jag utha..
Phir zulf ka tewar shaam banay
Us shaam main phir mehtaab charha
Phir hont ki larzish, geet bani..
Phir sans ka naam saba thehra!!
Phir sher,shaur ka wird hua..
Phir zanjeerain,zawer thehrin..
Phir taqreerain inaam huin
Phir khoon se likhay jazbon ki
Kuch tehreerain neelam huin!!
Phir dard "Zulaikhaan"ban baitha..
Phir qurb ka karb jawan hua
Phir mujh pe khula main zinda huun!!!!

Kuch wasl shabain `shab khaiz`huin
Kuch hijr ki nabzain tez huin
Jab qaid ko taza umr mili..
Us qaidi umr k bakhton ne..
Ik shaam_e-sahuur se pooch lia
Mehjuur hi rehna tha...to hamain
wo pichla hijr hi kafi tha!!
Gar qaid hi ja` apnani thi..
Kiun pichlay jaal ko chora tha??
Kis ahed peh pinjra tora tha??
Jab jaal teri qamzori thay...
Siyyad ko kiun badnaam kia??
Ik soch raha huun muddat se ...
Kiun mujh pe khula main zinda huun ???
KIun dil ko dharakna yaad aya ???

[*Rida*]

Re: Main Zinda Hun........!!!

Assalaam-0-Alaikom:rose
:welcome: here.....
buht khobosorat alfaaz hain aur buht khobsorat poem.....

[phototech81]

Re: Main Zinda Hun........!!!

nice janab nice
kea baat hai
boaht hi khub surat nazab hai
aru alfaz ka chunao to boaht hi peyara hai
jetni bi taref ki jay boaht kab hai
nice keep it up
aur poetry ka wait kaoron ga

[Z.]

Re: Main Zinda Hun........!!!

simply superb:thmbup:

Ik soch raha huun muddat se ...
Kiun mujh pe khula main zinda huun ???
KIun dil ko dharakna yaad aya ???

[saeeda]

Re: Main Zinda Hun........!!!

nice poetry.
keep it up.

[meiji]

Re: Main Zinda Hun........!!!

Assalaam-0-Alaikom:rose
:welcome: here.....
buht khobosorat alfaaz hain aur buht khobsorat poem.....

Thank you for welcoming me and thank you for the comments on the post.................will try to contribute more...........purr as Faiz Says

Duniyaa Nay Tairee Yaad Say Baigana Kar Diya
Tujh Say Bhee Dilfaraib Hain Gham Roozgar Kay

So as much time I can spare from Rozgar activities I spend in posting poems on different forums............:)

[meiji]

Re: Main Zinda Hun........!!!

nice janab nice
kea baat hai
boaht hi khub surat nazab hai
aru alfaz ka chunao to boaht hi peyara hai
jetni bi taref ki jay boaht kab hai
nice keep it up
aur poetry ka wait kaoron ga

Thank you and I shall try to share some more poetry out of my collection:)

[meiji]

Re: Main Zinda Hun........!!!

simply superb:thmbup:

Thank you for the encouragement:)

[meiji]

Re: Main Zinda Hun........!!!

nice poetry.
keep it up.

Thank you for the encouragement n I will try to keep shairing my collection:)

[meiji]

Sunaa Hai Log Ussay Ankh Bhar Kay Daikhtay Hain...

Sunna Hai Log Ussay Ankh Bhar Kay Daikhtay Hain
So Uss Kay Shaher Main Kuch Din Thaher Kar Daikhtay Hain

Sunna Hai Rabt Hai Uss Ko Kharab Haloon Say
So Apnay App Koo Burbaad Kar Kay Daikhtay Hain

Sunna Hai Dard Key Gahak Hai Chasm e Nazuk Uss Key
So Hum Bhee Uss Key Gali Say Guzar Kar Daikhtay Hain

sunaa hai us ko bhii hai sher-o-shaayarii se shagaf
so ham bhii mojaze apane hunar ke dekhate hai.n

sunaa hai bole to baato.n se phuul jha.Date hai.n
ye baat hai to chalo baat kar ke dekhate hai.n

sunaa hai raat use chaa.Nd takataa rahataa hai
sitaare baam-e-falak se utar kar dekhate hai.n

sunaa hai hashr hai.n us kii Gazaal sii aa.Nkhe.n
sunaa hai us ko hiran dasht bhar ke dekhate hai.n

sunaa hai din ko use titaliyaa.N sataatii hai.n
sunaa hai raat ko jugnuu Thahar ke dekhate hai.n

sunaa hai raat se ba.Dh kar hai.n kaakule.n us kii
sunaa hai shaam ko saaye guzar ke dekhate hai.n

sunaa hai us kii siyaah chashmagii qayaamat hai
so us ko surmaafarosh aa.Nkh bhar ke dekhate hai.n

sunaa hai us ke labo.n se gulaab jalate hai.n
so ham bahaar par ilzaam dhar ke dekhate hai.n

sunaa hai aa_iinaa tamasaal hai jabii.n us kaa
jo saadaa dil hai.n ban sa.Nvar ke dekhate hai.n

sunaa hai jab se hamaa_il hai.n us kii gardan me.n
mizaaj aur hii laal-o-gauhar ke dekhate hai.n

sunaa hai chashm-e-tasavvur se dasht-e-imkaan me.n
palang zaave us kii kamar ke dekhate hai.n

sunaa hai us ke badan ke taraash aise hai.n
ke phuul apanii qabaaye.N katar ke dekhate hai.n

vo sarv-qad hai magar be-gul-e-muraad nahii.n
ke us shajar pe shaguufe samar ke dekhate hai.n

bas ek nigaah se luTataa hai qaafilaa dil kaa
so rah_ravaan-e-tamannaa bhii Dar ke dekhate hai.n

sunaa hai us ke shabistaan se muttasil hai bahisht
makiin udhar ke bhii jalve idhar ke dekhate hai.n

ruke to gardishe.n us kaa tavaaf karatii hai.n
chale to us ko zamaane Thahar ke dekhate hai.n

kise nasiib ke be-pairahan use dekhe
kabhii kabhii dar-o-diivaar ghar ke dekhate hai.n

kahaaniyaa.N hii.n sahii sab mubaalaGe hii sahii
agar vo Khvaab hai taabiir kar ke dekhate hai.n

ab us ke shahar me.n Thahare.n ki kuuch kar jaaye.N
'Faraz' aao sitaare safar ke dekhate hai.n

[*Duaa*]

Re: Sunaa Hai Log Ussay Ankh Bhar Kay Daikhtay Hain...

suna hy loog ussay ji bhr k daykhty hien......

khoobsoorat ghazal

[meiji]

Re: Sunaa Hai Log Ussay Ankh Bhar Kay Daikhtay Hain...

suna hy loog ussay ji bhr k daykhty hien......

khoobsoorat ghazal

Thank you for liking:)

[meiji]

khud se bichaR gaa'ey teRi quRbat k shauq maiN

khush thay kuch aisay teRi rafaqat k shauq maiN
manzil ganwa di ham ne musaafat k shauq maiN

nafRat hi pehaR-e-daaR mili haR makaam paR
jis daR pe ham gaa'ey haiN mohaabat k shauq maiN

ham baarga-e-ishq maiN maqbool youN hu'ey
khud se bichaR gaa'ey teRi quRbat k shauq maiN

lautay haiN ab tou saath hai ranj-o-alam ki bheeR
niklay thay ghar se ik musaRat k shauq maiN

apnay chamaN se raabta bilkul nahi raha
sehRa norad ho gaey daulat k shauq main

daamaN maiN hasRatooN k siwa kuch nahi
aisay lutay haiN ham teRi chahat k shauq maiN

[aquari]

Re: khud se bichaR gaa'ey teRi quRbat k shauq maiN

bauht khoob :clap:

[ummid]

Re: khud se bichaR gaa'ey teRi quRbat k shauq maiN

khud se bichaR gaa'ey teRi quRbat k shauq maiN

:thmbup: