Z.'s Choice

[Z.]

re: Z.'s Choice

designed by Aanchal :ff:

[Z.]

re: Z.'s Choice

designed by Aanchal :hug:

[Z.]

re: Z.'s Choice

Koi mujhko mera bharpoor saraapa ladey
Mere baazoo meri aankhen mera chehra la dey

Aisa dariya jo kisi aur samandar mai girey
Is se behter hai ke mujhko mera sehra la dey

Kuchh nahee chahiye tujh se meri ai umr-e-rawan
Mera bachpan mere jugnoo meri gudia laa dey

Jiski aankhen mujhe ander se bhi padh sakti hon
Koi chehra to mere sheher mai aisa la dey

Kishti-e-jaan to bhanwar mai hai kai barson se
Ai Khuda ab to dubo dey ya kinara la dey

[Z.]

re: Z.'s Choice

juz tere koi bhi din raat na janay mere
tu kahan hai magar aey dost, puraney mere

tu bi khushboo hai magar mera tajassus baykaar
barg-e-awara ki manind, thikanay mere

shamma ki lau thi ke woh tu tha magar hijjr ki raat
daer tak rota raha koi sarhanay mere

khalq ki be'khabbri hai ke meri ruswaai
log mujh ko hi sunatay hein fasanay mere

aaj eik aur baras beet gaya us ke baghair
jis ke hotay hovay hotay thay zamanay mere

kaash tu bhi meri awaaz kahin sunta ho
phir pukara hai tujhay dil ki sada ne mere

kaash tu bi kabhi aa jaye maseehaai ko
laug aatay hein buhat dil ko dukhanay mere

Ahmed Faraz

[Z.]

re: Z.'s Choice

Abhi woh dard baaki hai
Agarche waqt marham hai
Magar kuch waqt lagta hai
Kisi ko bhool jaane main
Doobara Dil basane main
Abhi kuch waqt lagna hai
Abhi woh waqt baaki hai
Main kaise nayi Ulfat main
Apni zaat ko gum kardoon
Ke mere jism o wajda main
Abhi woh fard baaki hai
Abhi us shaks ki mujh per
Nigaah -e- sard baaki hai
Abhi to Ishq ke raaston ki
Mujh per gard baaki hai
Abhi woh dard baaki hai

[Z.]

re: Z.'s Choice

Mairay haathoon ki lakiroon kay izafay hain gavaah
Main nay pathar ki tarah khud ko tarasha hai bohut

[sccorpion81]

re: Z.'s Choice

designed by Aanchal :hug:

Bhot khoobsoorat

[Z.]

re: Z.'s Choice

^^shukran scorpion

An-ginat silsilay
hazaaro marhalay
is eik hi
safar-e-hayaat mein
kis qadar
jakray huay hain
be-shumaar majbooriyo ne
merey peyr
kuch is tarha
pakray huay hain
ke qadam uthatay hi
zameen ghatnay lagti hai
aur sar uthaatay hi
aasmaan jhukney lagta hai...

[ummid]

re: Z.'s Choice

^^shukran scorpion

An-ginat silsilay
hazaaro marhalay
is eik hi
safar-e-hayaat mein
kis qadar
jakray huay hain
be-shumaar majbooriyo ne
merey peyr
kuch is tarha
pakray huay hain
ke qadam uthatay hi
zameen ghatnay lagti hai
aur sar uthaatay hi

aasmaan jhukney lagta hai...

:)

[aquari]

re: Z.'s Choice

Mairay haathoon ki lakiroon kay izafay hain gavaah
Main nay pathar ki tarah khud ko tarasha hai bohut

awesome..

[_Dard_Aashna_]

re: Z.'s Choice

abhi tak pori collection to nahi parhi
magr jitna bhi abhi tak parha
bohat aala or miyaari intikhaab hay
:hug:
keep sharing dear

[uzair143]

re: Z.'s Choice

nice

[Z.]

re: Z.'s Choice

Bhot khoobsoorat

shukran :rose

:)

Thanks pooh for being here :ff:

awesome..

shukran Aquari :rose

abhi tak pori collection to nahi parhi
magr jitna bhi abhi tak parha
bohat aala or miyaari intikhaab hay
:hug:
keep sharing dear

shukran di-e-veraN :rose

nice

thank you!

[Z.]

re: Z.'s Choice

Yunhi be-yaqiN yunhi be-nishaN, meri aadhi umar guzar gayi
KahiN ho na jaaoN maiN raayegaN, meri aadhi umr guzar gayi

Kabhi sayebaN na tha baham, kabhi kehkashaN thi qadam qadam
Kabhi be-makaN kabhi la-makaN, meri aadhi umr guzar gayi

Tere vasl ki jo naveed hai, wo qareeb hai ke bayeed hai
Mujhe kuch khabar to ho jaaN-e-jaaN, meri aadhi umr guzar gayi

Kabhi mujhko fikr-e-ma'ash hai, kabhi aap apni talaash hai
Koyi gur bata mere nuktadaaN , meri aadhi umr guzar gayi

Koyi taana-zan meri zaat par,koyi khandazan kisi baat par
Pa-e-dil nawazi-e-dostaaN, meri aadhi umr guzar gayi

Abhi waqt kuch mere paas hai, ye khabar nahiN hai qayaas hai
Koyi kar gila mere bad-gumaaN, meri aadhi umr guzar gayi

Usse pa liya usse kho diya, kabhi hans diya kabhi ro diya
Badi mukhtasir hai ye daastaaN, meri aadhi umr guzar gayi

Teri har daleel bahut baja, magar intezaar bhi ta kuja?
Meri baat sun mere raazdaaN, meri aadhi umr guzar gayi

KahaN kainaat meiN ghar karooN, maiN ye jaan looN to safar karooN
Isi soch meiN tha ke nagahaN, meri aadhi umr guzar gayi

[Z.]

re: Z.'s Choice

Udaas logo !


na koi aks nigar hasti
na koi basti hi basa sako gey

gan'wa sako gey

hawa ki hatheyli sey

kiran kawaRoN ko band ker key
ujaR khawaboN ki rah guzar ka ghubaar AankhoN mey bhar key
her soo hawa key hathoN bikhar bikhar key
khud apney ander key dukh ki matti mey kho bhi jao !
hawa ye kehti hai so bhi jao
udaas rut
inteyzaar mausam
kabhi kisi key na ho sakeiN gey
udaas logo !