behtreen aqwaal

[.]

خوش رہا کرو - پریشان رہنے والوں کو کبھی کچھ نہیں ملا - اگر ملا بھی تو وہ اس سے لطف اندوز کبھی نہیں ہو سکے۔

صرف اس لئے کہا تھا کہ میں خود اس دور سے گزر چکا ہوں. برسوں تک خوب دل لگا کر پریشان رہا. شاید اس لئے کہ پریشان ہونا بے حد آسان ہے.

سواۓ اس کے کہ چہرے پر غلط جگہ لائنیں پڑ گئیں، کوئی فائدہ نہیں ہوا. اب اس نتیجے پر پہنچا ہوں کہ چہرے پر لائنیں پڑنی ہی ہیں تو فقط وہاں پڑنی چاہئیں جہاں مسکراہٹ سے بنتی ہیں

"شفیق الرحمن"

[.]

زندگی میں ہمارے ساتھ چلنے والا ہر شخص اس لیے نہیں ہوتا کہ ہم ٹھوکر کھا کر گریں اور وہ ہمیں سنبھال لے ہاتھ تھام کر ، گرنے سے پہلے یا بازو کھینچ کر گرنے کے بعد۔

بعض لوگ زندگی کے اس سفر میں ہمارے ساتھ صرف یہ دیکھنے کے لیے ہوتے ہیں کہ ہم کب کہاں اور کیسے گرتے ہیں۔ لگنے والی ٹھوکر ہمارے گھٹنوں کو زخمی کرتی ہے یا ہاتھوں کو، خاک ہمارے چہرے کو گند ا کرتی ہے یا کپڑوں کو۔

"عمیرہ احمد"

تھوڑا سا آسمان" سے اقتباس"

[.]

ہم پاکستانی صرف اس وجہ سے بنے کہ ہم "مسلمان" تھے۔ اگر افغانستان، ایران، مصر، عراق اور ترکی اسلام کو خیرباد کہہ دیں تو پھر بھی وہ افغانی، ایرانی، مصری، عراقی اور ترک ہی رہتے ہیں۔ لیکن ہم اسلام کے نام سے راہ فرار اختیار کریں تو پاکستان کا اپنا الگ کوئی وجود قائم نہیں رہتا۔

قدرت اللہ شہاب کی کتاب "شہاب نامہ" سے اقتباس

[.]

زیرو پوائنٹ 5 سے اقتباس.
.
ہم لوگ زندگی بھر اللہ تعالی کو بڑی بڑی عبادتوں اور بڑی بڑی خدمتوں میں تلاش کرتے ھیں .
. ہم اسے مسجدوں ، کلیساؤں ، اور مندروں میں تلاش کرتے ھیں .
. ھم اسے قرآن مجید ، بائبل ، اور توریت میں کھوجتے ھیں .

اس کو پانے کے لئے بڑے بڑے ہسپتال ،خیراتی ادارے ، بناتے ھیں .

لیکن ھمارا خدا ھماری زندگی کے چھوٹے چھوٹے واقعات ، چھوٹی چھوٹی نیکیوں اور ھمارے چھوٹے چھوٹے کاموں میں ھمارا انتظار کرتا رھتا ھے .

وہ خدا انسانوں کو ایک گلاس پانی ، ایک وقت کی روٹی ، ایک چادر، اور سردیوں کی منجمد کر دینے والی راتوں میں ایک رضائ کے عوض مل سکتا ھے .

وہ خدا زمانے کے مارے ، بے بس لوگوں کے پاس بیٹھ کر صدیوں سے ھمارا انتظار کررھا ھے .

[.]

ہر آدمی شیطان سے پناہ مانگتا ہے , اور کئی لوگوں کو وہ پناہ دے بھی دیتا ہے

"مشتاق احمد یوسفی"

[.]

دھند کے اندر سے جو روشنی کا ایک سوال نکلا ہے وہ یہ ہے کہ ہمیں بالکل چھوٹا ایک کام کرنا ہے ۔ اپنے ارد گرد کے بندوں کو ، نہایت چھوٹے بندے کو یہ تسّلی اور تشّفی عطا کرنی ہے کہ میں تمہارے ساتھ ہوں ۔ تم میرے ساتھ ہو ۔ اور ایک ساتھ ہم نے آگے چلنا ہے ۔

اشفاق احمد زاویہ دل کا معاملہ صفحہ 314

[.]

محبت کے خواب صرف اُن ھی کے پُورے ھوتے ھیں جو اپنے لیے کچھ طلب نہیں کرتے۔ جو محبت دیتے ھیں مانگتے نہیں۔

”بانو قدسیہ“

[.]

ہمارے رویے بھی عحیب ہیں ۔۔۔۔۔ رجوع اللہ کی طرف نہیں ہے ۔۔۔ اپنے معاملات اور خواہشات کی طرف زیادہ ہے ۔۔۔ حالانکہ اللہ نے ہمیں جو پرچہ زندگی حل کرنے کے لیے دیا ہے۔۔۔ اس کو حل کرنے کی ترکیب نبی اکرم صلی اللہ علیہ وسلم ۔۔۔کے ذریعے ہمیں دے دی گئی ہے ۔۔۔ لیکن اسی مقام سے میری کوتاہی شروع ہو جاتی ہے کہ۔۔۔ ہم اس ترکیب پر عمل نہیں کرتے۔۔۔ میں آپ سے بھی رائے لوں گا کہ ۔۔۔ میں اس کوتاہی سے باہر نکلنے کے لیے کیا کروں ۔۔۔؟ میں ڈاکٹر کی دی ہوئی دوائی استعمال کرتے وقت پرچہ ترکیب ضرور دیکھتا ہوں ۔۔۔۔۔ پرچہ زندگی حل کرتے وقت خدا کے دیئے گئے احکامات یا ۔۔۔۔ دی گئی ترکیب کو نظر انداز کر دیتا ہوں " ۔
“از اشفاق احمد”۔۔۔۔۔ زاویہ"

[.]

رُوٹھنے اور منانے کا عمل رک جائے تو محبت کو زنگ لگ جاتا ھے۔

”طارق بلوچ صحرائی“

کتاب ”سوال کی موت“ سے اقتباس

[.]

ھر شے وھیں سے ملتی ھے جہاں گم ھُوئی ھو ، سوائے محبت کے۔

”طارق بلوچ صحرائی“

[.]

ھم خواب اور خواھش کے درمیان ، اصل و نقل کے مابیں ، حقیقت اور خواب سے ملا جلا ایک ملغوبہ تیار کر لیتے ھیں اور اُسی معجون مرکب کو چاٹ چاٹ لاحاصل زندگی بسر کرتے ھیں۔

”بانو قدسیہ“

"اقتباس ”حاصل گھاٹ

[.]

لڑکا بولا : مجھ سے شادی کرو گی ؟

لڑکی بولی : نہیں

اور اس کے بعد وہ دونوں ھنسی خوشی رھنے لگے۔

”شفیق الرحمٰن“

کتاب ”حماقتیں“ سے اقتباس

[.]

سیاست میں یا سائیکل پر کسی بھی سمت نکل جائیں ھَوا آپ کو مخالف ھی ملے گی۔

”مشتاق احمد یوسفی“

کتاب: ”آبِ گم“ سے ایک ٹکڑا

[.]

وقت کی دھوپ میں تمہارے لیے
شجرِ سایہ دار تھے ھم تو

”جون ایلیاء“

[.]

انجیل میں لکھا ھے کہ ، ”اگر میں سارے جہاں کی بولیاں بولُوں اور تمام دنیا کا علم حاصل کر لُوں لیکن محبت نہ کروں تو میں ٹھنٹھناتا ھُوئے پیتل اور جُھنجھناتی ھُوئی جھانجھ کے سِوا کچھ نہیں۔

”اشفاق احمد“

افسانے ”ماسٹر روشنی“ سے انتخاب۔