04. Animation in Flash

[pakgates]

Asalam-o-alikum,

Ab chaltay hain Flash kay sab say zarori sabaq ki tarah Animation, jee han Flash ki jaan.

Pehlay aik baat ki tarah aap sab ki tawageh chahonga. Sab say pehlay aap tools ki madad say Pakistan ka flag bana lein, yeh meinnay banaya hai



Ab aap saray elements ko flag par rakh dein move tool ki madad say, iss tarah



Ab agar aap sari chezon ko wapas hata dein to kia ho ga, well wapas green box aana chahiyay naa, lekin aesa nahi ho ga



Kyon nahi hua aesay iss liay kyon keh jab bhi aap Flash par koi cheez draw karain aur dosri koi cheez uss par rakh dein aur agar dosri cheez ko wahan say remove karain to jo hissa pehli cheez par overlap ho raha ho ga woh hissa bhi remove ho jiay ga, iss ka hal, aap saray objects ko group kar dein.

Kis tarah, iss tarah aap pehlay chand ko select karain uper menu say Modify > Group select karain, ab aap ka chand group ho chuka hai, ab agar aap uss ko kisi bhi object par rahk kar remove karein to uss object par koi asar nahi ho ga

[Gul]

Re: Animation in Flash

and phir kia karna hai to animate ??

[pakgates]

Re: Animation in Flash

iss kay baad kuch nahi buss mauj masti karain

[Insaaan]

Re: Animation in Flash

Mujy to animation nazar nahi aa rahi hay

[pakgates]

Animation in Flash

Ab zara nazar daltay hain asal animation ki taraf

Sab say pehlay jab aap Flash open kareingay to woh black ho ga, yahi blank farme



Ab line tool ki madad say aik arrow banein to aap ko keyframe fill hua nazar aaiay ga, iss ka matlab hai keh aap kay stage mein koi element moujod hai



Ab aap aglay frame par right click karain to aik menu open hoga



Iss mein kuch frames kay options hai, woh zara batata chalon, Insert frame par agar aap click karain to aik frame add ho jiay ga, yeh iss liay hota hai keh agar aap 2objects ki animation kar rahay hain aur aap ko aik object ko animate karna hai aik dosray ko sirf show karna hai, to aap frame add kareingay, aap iss frame mein koi animation nahi kar saktay, acha jee dosra option hai Insert Keyframe, iss ka matlab hai keh aap aik frame add kareingay aur iss mein woh object jo aap nay pehlay walay frame par rakha ho ga woh wesay hi aa jiay ga, phir aap ussay move kar saktay hain, Insert Keyframe to naam say zahir hai kia karay ga

Iss tarah aap 4aur keyframes add karain aur har frame par apnay arrow ko thora sa aagay ki taraf move kar lein (arrow ko select karain aur forward arrow key press karain to arrow aagay move ho jiay ga)



Yeh ho gie aap ki pehli animation, ab Ctrl + Enter press karain to yeh animate ho jiay gi, ab issay save karna hai taqe aap issay Flash Player par dekh sakein, iss kay liay aap File > Export > Export movie mein jian aur koi bhi naam de dein, aap jo iss file par kaam kar rahay hain yeh flash ki file hai iss ko agar aap save karain to yeh .fla ki extension say save ho gi, aur aap jo export kareingay woh .swf kay naam say hogi aur woh Flash player say open ho gi.



Iss kay baad yeh mein open ho ga iss ko abhi nahi kuch karain bus ok kar dein

[pakgates]

Re: Animation in Flash

Mujy to animation nazar nahi aa rahi hay

animation yahan nazar nahi aaiay gi muhataram, ab try karain :salam:

[.]

Re: Animation in Flash

yeh chaand sitaaray koon say tool main hain ?

[Insaaan]

Re: Animation in Flash

yaar kiun nazar nahi aye gii?
aur kaheen aur upload ker k os ka link to dy skty ho bhai

[pakgates]

Re: Animation in Flash

yeh chaand sitaaray koon say tool main hain ?

yeh kisi tool mein nahi hain, yeh aap ko line tool aur oval tool ki madad say bananay pareingay

[pakgates]

Re: Animation in Flash

yaar kiun nazar nahi aye gii?
aur kaheen aur upload ker k os ka link to dy skty ho bhai

meray dost internet aap swf files kisi server par upload nahi kar saktay, yeh zip kar keh upload kar raha hoon, .fla file ko flash mein open karain

[.]

Re: Animation in Flash

yeh kisi tool mein nahi hain, yeh aap ko line tool aur oval tool ki madad say bananay pareingay

acha try karti houn :cc:

[.]

Re: 04. Animation in Flash

mujhay chaand sitaaray banana nahi a rehay 372-shock
isay dobra batian :D:

[pakgates]

Re: 04. Animation in Flash

Star kay liay line tool ko select karain aur yeh follow karain

[pakgates]

Re: 04. Animation in Flash

Agar aap ka star sahi nahi banay to aap sub-select tool ko select karain aur star par click karain to aap iss ko edit kar sakti hain

[pakgates]

Re: 04. Animation in Flash

Oval tool select karian aur circle bana lein