Ahadith on Ramadhan

[Mr.Khan]

Re: Ahadith on Ramadhan

[.]

Re: Ahadith on Ramadhan

Hazrat Abu Hurairah Raduyallahu T’aala Anhu Se Riwayat Hai k Huzoore Aqdas Sallal laahu T’aala Alaihi Wasallam Ne Irshaad Farmaya Jo Imaan Ki Wajah Se Aur Sawaab Ke Liye Shabe Qadr Mein Ibaadat Karega Uske Agle Gunaah Bakhsh Diye Jaayenge.(Bukhari,Muslim)

[.]

Re: Ahadith on Ramadhan

حضرت ابو ہریرہؓ سے روایت ہے کہ رسول اﷲﷺ نے فرمایا: جب رمضان کی پہلی رات ہوتی ہے تو شیاطین اور سرکش جنات جکڑ دیئے جاتے ہیں اور دوزخ کے سارے دروازے بند کر دیئے جاتے ہیں اور ان میں سے کوئی دروازہ بھی کھلا نہیں رہتا اور جنت کے تمام دروازے کھول دیئے جاتے ہیں۔جنت کا کوئی دروازہ بھی بند نہیں کیا جاتا۔ اﷲ کا منادی پکارتا ہے کہ اے خیر اور نیکی کے طالب قدم بڑھا و۔ اور اے بدی اور بد کر داری کے شائق رک جاؤ۔ اﷲ کی طرف سے بہت سے گناہ گار بندوں کو دوزخ سے رہائی دی جاتی ہے۔ اور یہ سب رمضان کی ہر رات میں ہوتا رہتا ہے۔ (جامع ترمذی، سنن ابن ماجہ)

[.]

Re: Ahadith on Ramadhan

حضرت سلمانؓ سے روایت ہے کہ ماہ شعبان کی آخری تاریخ کورسول اﷲﷺ نے ایک خطبہ دیتے ہوئے ارشاد فرمایا: اے لوگو! تم پر ایک برکت والا مہینہ سایہ افگن ہو رہا ہے۔ اس مبارک مہینہ کی ایک رات (شب قدر) ہزار مہینوں سے بہتر ہے۔ اس مہینے کے روزے اﷲ تعالیٰ نے فرض کئے ہیں اور اس کی راتوں میں بارگاہ خداوندی میں کھڑا ہونے کو نفل عبادت مقرر کیا ہے۔اس مہینے میں غیر فرض عبادت کا ثواب دوسرے زمانہ کے فرضوں کے برابر ہے اور اس مہینے میں فرض ادا کرنے کاثواب دوسرے زمانے کے ستر فرضوں کے برابر ہے۔ یہی وہ مہینہ ہے جس میں مومن بندوں کے رزق میں اضافہ کیا جاتا ہے۔ جس نے اس مہینے میں کسی روزہ دار کو افطار کرایا تو اس کے لئے گناہوں کی مغفرت اور آتش دوزخ سے آزادی کا ذریعہ ہو گا اور اس کو روزہ دار کے برابر ثواب دیا جائے گا۔ بغیر اس کے کہ روزہ دار کے ثواب میں کوئی کمی کی جائے۔ اور جو کوئی کسی روزہ دار کو پورا کھانا کھلا دے اس کو اﷲ تعالیٰ میرے حوض کوثر سے ایسا سیراب کرے گا جس کے بعد اس کو کبھی پیاس ہی نہیں لگے گی حتیٰ کہ وہ جنت میں پہنچ جائے گا۔اس ماہ مبارک کا ابتدائی حصہ رحمت ہے اور درمیانی حصہ مغفرت ہے اور آخری حصہ آتش دوزخ سے آزادی ہے۔(بیہقی)

[.]

Re: Ahadith on Ramadhan

حضرت عائشہ صدیقہؓ سے روایت ہے کہ میں نے رسول اﷲﷺ سے عرض کیا کہ مجھے بتائیے کہ اگر مجھے معلوم ہو جائے کہ کون سی رات شب قدر ہے تو میں اس رات اﷲ سے کیا عرض کروں اور کیا دعا مانگوں ؟ آپ نے فرمایا یہ عرض کرو: اَللّٰھُمَّ اِنَّکَ عَفُوَّ کَرِیْمً تُحِبُّ الْْعَفْوَ فَاعْفُ عَنِّیْ اے میرے اﷲ!تو بہت معاف فرمانے والا اور بڑا کرم فرما ہے، اور معاف کر دینا تجھے پسند ہے۔ پس تو میری خطائیں معاف فرما دے۔ (مسند احمد، ترمذی، ابن ماجہ)

[.]

Re: Ahadith on Ramadhan

حضرت عائشہ صدیقہؓ معتکف کے لئے شرعی دستور اور ضابطہ روایت کرتی ہیں کہ وہ نہ تو مریض کی عیادت کو جائے اور نہ ہی نماز جنازہ میں شرکت کے لئے باہر نکلے۔ عورت سے صحبت کرے نہ بوس و کنار۔ سوائے رفع حاجت وغیرہ کے معتکف اپنی دیگر ضرورتوں کے لئے بھی مسجد سے باہر نہ جائے۔ اور اعتکاف جامع مسجد میں روزہ کے ساتھ ہونا چاہئے کیونکہ بغیر روزہ کے اعتکاف نہیں ہوتا (سنن ابی داؤد)

[.]

Re: Ahadith on Ramadhan

حضرت عبداﷲ بن عباسؓ سے روایت ہے کہ نبیﷺ نے اعتکاف کرنے والے کے بارے میں فرمایا کہ وہ گناہوں سے بچار ہتا ہے۔ اس کا نیکیوں کا حساب ساری نیکیاں کرنے والے بندے کی طرح جاری رہتا ہے اور نامہ اعمال میں لکھا جاتا رہتا ہے۔(ابن ماجہ)

[.]

Re: Ahadith on Ramadhan

حضرت عائشہ صدیقہؓ سے روایت ہے کہ رسول اﷲﷺ ماہ شعبان کے دن اور اس کی تاریخیں جتنے اہتمام سے یاد رکھتے تھے اتنے اہتمام سے کسی دوسرے مہینے کی تاریخیں یاد نہیں رکھتے تھے۔ پھر رمضان کا چاند دیکھ کر روزے رکھتے تھے۔ اور اگر ۲۹ شعبان کو چاند دکھائی نہ دیتا تو ۳۰ دن کا شمار پورا کر کے پھر روزے رکھتے تھے۔(سنن ابی داؤد)

[.]

Re: Ahadith on Ramadhan

حضرت ابو ہریرہؓ سے روایت ہے کہ رسول اﷲﷺ نے فرمایا کہ اﷲ تعالیٰ کا ارشاد ہے کہ اپنے بندوں میں مجھے وہ بندہ زیادہ محبوب ہے جو روزہ کے افطار میں جلدی کرے۔ یعنی غروب آفتاب کے بعد بالکل دیر نہ کرے۔ (جامع ترمذی)

[.]

Re: Ahadith on Ramadhan

حضرت سلمان بن عامر سے روایت ہے کہ رسول اﷲﷺ نے فرمایا کہ جب تم میں سے کسی کا روزہ ہو تو وہ کھجور سے افطار کرے۔ اگر کھجور نہ پائے تو پھر پانی ہی سے افطار کرے۔ اس لیے کہ پانی کو اﷲ تعالیٰ نے طہور بنایا ہے۔(مسند احمد، سنن ابی داؤد، جامع ترمذی، سنن ابن ماجہ، مسند دارمی)

[.]

Re: Ahadith on Ramadhan

حضرت ابو ہریرہؓ سے روایت ہے کہ جس نے روزہ کی حالت میں بھول کر کچھ کھا لیا یا پی لیا تو وہ قاعدہ کے مطابق اپنا روزہ پورا کرے۔ کیونکہ اس کو اﷲ نے کھلایا اور پلایا ہے۔ ( صحیح مسلم)

[.]

Re: Ahadith on Ramadhan

حضرت انسؓ سے روایت ہے کہ ایک شخص رسول اﷲﷺ کی خدمت میں حاضر ہوا اور دریافت کیا کہ میری آنکھ میں تکلیف ہے تو کیا میں روزہ کی حالت میں سرمہ لگاسکتا ہوں ؟ آپﷺ نے فرمایا: ہاں ! لگاسکتے ہو۔ (جامع ترمذی)

[.]

Re: Ahadith on Ramadhan

رسول اﷲﷺ کے بعض اصحاب سے روایت ہے کہ انہوں نے رسول اﷲﷺ کو روزے کی حالت میں دیکھا کہ آپﷺ پیاس یا گرمی کی شدت کی و جہ سے سر مبارک پر پانی بہار ہے تھے۔ (موطا امام مالک، سنن ابی داؤد)

[.]

Re: Ahadith on Ramadhan

حضرت جابر بن عبداﷲ انصاریؓ سے روایت ہے کہ حضرت عمر بن الخطابؓ نے بیان کیا کہ ایک دفعہ روزے کی حالت میں میں نے اپنی بیوی کا بوسہ لے لیا۔ جب میں نے رسول اﷲﷺ سے عرض کیا کہ میں نے روزے کی حالت میں بوسہ لے لیا ہے ؟ تو آپﷺ نے فرمایا: بتاؤ اگر تم پانی منہ میں لے کر کلی کروتو کیا اس سے تمہارے روزہ میں خرابی آئے گی؟ میں نے عرض کیا اس سے تو کوئی خرابی نہ آئے گی۔ تو آپﷺ نے فرمایا کہ پھر خالی بوسہ لینے سے بھی کچھ نہیں ہوا۔ (سنن ابی داؤد)

[.]

Re: Ahadith on Ramadhan

حضرت ابو ہریرہؓ سے روایت ہے کہ رسول اﷲﷺ نے فرمایا: ہر چیز کی کوئی زکوٰۃ ہے اور جسم کی زکوٰۃ روزے ہیں۔ (سنن ابن ماجہ)