Tweet
یہ مرا وقت ہے اور یُوں بھی مشیّت ہے میاں
نئے سُورج کا شبِ تار سے اُونچا ہونا
یہ جو دستار ہے یہ طفل تسلی ہے تُمھیں
مُجھ کو خُوش آتا ہے کردار سے اُونچا ہونا
اُسی رفتار سے نیچے بھی مَیں گِر سکتا ہُوں
اتنا آساں نہیں رفتار سے اُونچا ہونا
ورنہ کیوں برق مرے سر کا سہارا لیتی
کام آیا میرا مینار سے اُونچا ہونا
کون اب دے گا گھنی چھاؤں مُجھے، کوئی نہیں
خُود ہی چاہا تھا ان اشجار سے اُونچا ہونا
تیری مٹی ۔ میری مٹی ۔ یہ ہماری مٹی
ایک بے کار کا بیکار سے اُونچا ہونا
Comment