Tweet
پتہ نہیں کیوں
پتہ نہیں کیوں میں چاہتا ہوں کہ جب کبھی کوئی خواب دیکھوں
تو رات میری امانتیں مہرباں سورج کو سونپ جائے
پتہ نہیں کیوں میں چاہتا ہوں
پتہ نہیں کیوں میں چاہتا ہوں کہ جب دعائوں کو ہاتھ اٹھیں تو
کوئی میرے بلند ہاتھوں میں پھول رکھ دے
پتہ نہیں کیوں میں چاہتا ہوں
پتہ نہیں کیوں میں چاہتا ہوں کہ اب مرے عہد کے مقدر میں جتنے آنسو ہیں
میری آنکھوں میں جذب ہو جائیں اور تکش کے جتنے تیر ہیں
میرے سینے میں ٹوٹ جائیں
پتہ نہیں کیوں میں چاہتا ہوں
Comment