جو عشق میں نے کفر کی پہچان کر دیا-اقبال کوثر

[saraah]

جو عشق میں نے کفر کی پہچان کر دیا
کافر نے اس کو بھی مرا ایمان کر دیا

حیرت نہیں ہوئی جو کسی عکس پر ہمیں
اس نے تو آئنے کو بھی حیران کر دیا

کچھ علم ہے کہ تم نے تو گیسو بکھیر کر
شیرازہء جہاں کو پریشان کر دیا

گو تم رہے خلاف سراغِ طبیعی کے
ہم نے تو یہ بھی وا درِ امکان کر دیا

اک قصرِ خواب ہم نے بنایا پھر آپ ہی
کیا جانے کس خیال سے ویران کر دیا

خوش ہو کہ کر دیا تجھے اے دل! سپردِ عشق
دیکھا تری نجات کا سامان کر دیا

آداب زندگی کے سکھا کر یہ کم ہے کیا
او جاہل آدمی تجھے انسان کر دیا

اقبال کوثر

[S.Athar]

Re: جو عشق میں نے کفر کی پہچان کر دیا-اقبال کوث&#158

Booohat Khobsorat Nazm
Mazeed Ka Intizar Kab tak ???
ALLAH g ap ko shad rakhin abad rakhin ameen

[saraah]

Re: جو عشق میں نے کفر کی پہچان کر دیا-اقبال کوث&#158

nazm........:think:
intizar....jab tak saans tab tak aas
bohat shukria khush rahain :)

[aabi2cool]

Re: جو عشق میں نے کفر کی پہچان کر دیا-اقبال کوث&#158

حیرت نہیں ہوئی جو کسی عکس پر ہمیں
اس نے تو آئنے کا بھی حیران کر دیا
اوپر والے شعر میں کا کی جگہ کو ہونا چاہیے یہ غالبا ٹائپو ہے
اور یوں تو ساری غزل ہی لاجواب ہے مگر درج زیل اشعار تو کیا ہی کہنے واہ واہ واہ

کچھ علم ہے کہ تم نے تو گیسو بکھیر کر
شیرازہء جہاں کو پریشان کر دیا

اک قصرِ خواب ہم نے بنایا پھر آپ ہی
کیا جانے کس خیال سے ویران کر دیا

خوش ہو کہ کر دیا تجھے اے دل! سپردِ عشق
دیکھا تری نجات کا سامان کر دیا

آداب زندگی کے سکھا کر یہ کم ہے کیا
او جاہل آدمی تجھے انسان کر دیا

واہ واہ واہ سبحان اللہ

[saraah]

Re: جو عشق میں نے کفر کی پہچان کر دیا-اقبال کوث&#158

جی بالکل ایسا ہی ہے ،میں نے درست کر دیا
پسندیدگی کا شکریہ آبی بھائی
:fly: