Taaza tarahi Ghazal...

[shummu]

Salaam ahl-e-bazm!
Kaafi din baad ek nayi ghazal likhi hai ek forum pe diye gaye tarahi misre pe....dekhiye kaisi hai :)

sa'ate-e-vasl jagaane lagi armaaN kyaa kyaa
khwaab sajne lage yakdam sar-e-mizzghaaN kyaa kyaa


dekh kar teri wafaayeiN wo sar-e-bazm-e-aduu
dil ne phir yaad kiye waada-o-paimaaN kyaa kyaa


mujh ko buzdil na samajhnaa ke abhii dekhna tum
rang laayegii mirii quwwat-e-pinhaaN kyaa kyaa


dekheiN is baar du'aaoN meiN asar hai kitnaa
dekheiN barsaati hai woh raHmat-e-yazdaaN kyaa kyaa


mere naale,miri aaheiN ye bataa dengi tuMhe...
'gul khilaati hai naseem-e-Gham-e-pinhaaN kyaa kyaa'


raah-e-ulfat meiN faqat tuu hi khasaare meiN nahin
aa kabhii dekh sahe maine hain nuqsaaN kyaa kyaa


ye nazaare,ye manaazir kareiN shikwah mujh se
DhooNdte hain ye tire deeda-e-HairaaN kyaa kyaa??


dekhnaa tum miri bastii se guzar ke jaanaaN!
meri shoreeda saree ko mile unwaaN kyaa kyaa


zehn khaamosh,zubaaN chup,dil-e-khaanaa sunsaaN
Haaye! Jaate hue woh kar gaya veeraaN kyaa kyaa


roz-o-shab, shaam-o-seHar taj diye tere dar par
zindagii tujh pe karooN aur maiN qurbaaN kyaa kyaa?

Adaab,
Shumaila

[Masood]

Re: Taaza tarahi Ghazal...

Main ney jab jab aap ki shairana soch ko parha hai, mujhey har bar is mein aik neya'pan mila hai. Aap ki shairi mein woh chashni hai Shumaila jo dil mein ghar kar jati hai. Is tarhi ghazal ka aik aik azu bohat umdah aur haseen paraey mein dhala geya hai - very nice work done. Tarhi ghazal baaz oqat mushkil ho jati hai - magar aap ney issey bohat hi dilkash andaaz mein biyaan kiya hai. Mujhey agar koi shikwa hai to yeh hai keh aap kam kam likhti hain :)

[shummu]

Re: Taaza tarahi Ghazal...

Main ney jab jab aap ki shairana soch ko parha hai, mujhey har bar is mein aik neya'pan mila hai. Aap ki shairi mein woh chashni hai Shumaila jo dil mein ghar kar jati hai. Is tarhi ghazal ka aik aik azu bohat umdah aur haseen paraey mein dhala geya hai - very nice work done. Tarhi ghazal baaz oqat mushkil ho jati hai - magar aap ney issey bohat hi dilkash andaaz mein biyaan kiya hai. Mujhey agar koi shikwa hai to yeh hai keh aap kam kam likhti hain :)

lolz jee samajh lijiye har kisi ko mujhse yahi shikayat hai keh main kam kam likhti hoon...magar kya karoon Masood jee zabardasti mujhse shayri hoti nahi jab tak ke aamad na ho isliye der sawer ho jaati hai....aap ne jin khoobsurat alfaaz mein hamari ghazal ki taareef ki hai ke humein lajawaab kar diya....main koshish to yahi karti hoon ke pichle se behtar hi likh sakoon magar kalaam mein behtari ki gunjaaish hamesha hi rehti hai ....duaa kijiye aur achcha likhne lagoon...waise aap jaise paRhne aur saraahne waale ho to kaafi hausla baRhta hai mazeed likhne ka.....tah-e-dil se shukriya :rose :rose

Shumaila

[shummu]

Re: Taaza tarahi Ghazal...

salam jhumroo jee....bahut bahut nawaazish ......aap jaise sukhanshanaas shakhsiyat ne mere kalaam ki itni taareef kar di to samajh lijiye meri mehnat vusool ho gayi...aap ne jis tarah sheron ko paRha..samjha...saraaha dekhkar bahut hauslaafzaayi hui hai meri.........thank u so so so very much :rose :rose is baar zameen khaasi dushwaar thi aur apni baat kehne ke liye mujhe mushkil alfaaz ka sahaara lena paRa warna amooman mere kalaam khaase saada hote hain..magar ye bhi sach hai ke waqt aur tajurbe ke saath insaan seekhta bhi hai chaahe koi bhi fan ho aur pukhtagi bhi aane lagti hai....isliye shayad aap ko is baar mere kalaam mein pehle se pukhtagi nazar aayi.....:) duaa kijiye ise bhi behtar likh sakoon aayenda....shukriya :salam:

Shumaila

[Eshaa Chaudhry]

Re: Taaza tarahi Ghazal...

Bohat umdah likhti hain aap Shummu ji..bohat khoobsoorat lafzon k peraeey mein ... dhali hueey ye ghazal ...:thmbup:
aapki shairi mein ek naya pan hai

[shummu]

Re: Taaza tarahi Ghazal...

Bohat umdah likhti hain aap Shummu ji..bohat khoobsoorat lafzon k peraeey mein ... dhali hueey ye ghazal ...:thmbup:
aapki shairi mein ek naya pan hai

bahut bahu nawaazish...jab koi ek shaks bhi aap ki tehreer ko daad se nawaaz de to bahut hausla milta hai ..bahut shukriya sis tah-e-dil se ise parhne ..aur saraahne ka :rose :rose

[Mani16]

Re: Taaza tarahi Ghazal...

Amazing Janab
Kia baat hy aapki,,,
kamal hy G
Bht Neet & pure urdu jo kamaz km mujhay nhi aa skti
Kia kehnay G
hum bhi barhe urdu daan bnay phirte hain
ab aankhen khul rehi hain k aapka andaaz tu outstanding hy G
bht zabardust ghazal hy janab,
bus kia tareef kroon aapki

han ek ye shair

raah-e-ulfat meiN faqat tuu hi khasaare meiN nahin
aa kabhii dekh sahe maine hain nuqsaaN kyaa kyaa,

or ek last shair me thorha sa up down hy jo me Xplain tu nhi kr sakta haan kuch hy zarur ye zarur bta sakta hoon,

kher overall bht he zabardust ghazal kahi hy aapne
Claps 4 You again,,,

[thefire1]

[Soulmate]

Re: Taaza tarahi Ghazal...

nice poetry

[WASI ANJUM]

Re: Taaza tarahi Ghazal...

BAhot khoob shummu bahot khoobsurat Ghazal kahi hai aap ne

[Tanha Hassan]

Re: Taaza tarahi Ghazal...

buth he khoooooooob