Taaza tarahi ghazal pesh hai.....

[shummu]

Salaam ahl-e-bazm!


ek taaza tareen tarahi ghazal pesh-e-khidmat hai...ghazal ki tawaalat ke liye mu'aazrat khwaah hoon magar bas ye behr hi aisi hai ke apne aap se ashaar hote chale jaate hain....ummeed hai aap sab ko meri ye adna si koshish pasand aayegi :rose


1.
hunar aazmaane ke din aa rahe haiN
use ab bhulaane ke din aa rahe haiN

2.
shamaa ko bujhaane ke din aa rahe haiN
ya khud ko jalaane ke din aa rahe haiN?

3.
dukhoN ko ghaTaane ke din aa rahe haiN
khushii ko baRhaane ke din aa rahe haiN


4.
guloN kii zubaanii sunaa kal ye maine
'chaman ko sajaane ke din aa rahe haiN '

5.
GhamoN ko bhulaakar chalo muskuraayeiN
keh haNsne haNsaane ke din aa rahe haiN

6.
mirii shaa'irii ko jilaa baksh do tum
Ghazal gungunaane ke din aa rahe haiN


7.
huwe aaj jalwaa numaa is qadar kyoN?
tabaahii machaane ke din aa rahe haiN?

8.
sunaa aa rahii hai wo barq-e-tajallii
nasheman bachaane ke din aa rahe haiN

9.
miraa haath choRaa jo tum ne qasam se
lagaa daGmagaane ke din aa rahe haiN

10.
dil-e-bekhabar ko khabar ye nahin hai
naye zakhm khaane ke din aa rahe haiN

11.
kabhi toR laaoo sitaare falak se
keh aanchal sajaane ke din aa rahe haiN


12.
phir usko rulaayaa bahut aaj maine
phir usko manaane ke din aa rahe haiN

13.
woh shabnam jo gir ke tire lab pe Thehrii
wo shabnam churaane ke din aa rahe haiN

14.
aseeroN ko zulfoN se aazaad kar do
rihaayii manaane ke din aa rahe haiN

15.
bahut sun liye Heer Raanjhe ke qisse
kuch apnii sunaane ke din aa rahe haiN

16.
ikhaTTa karo kiRchiyaaN khwaab kii tum
keh sapne sajaane ke din aa rahe haiN



17.
khule aam hai qatl-o-Ghaarat ka manzar
ye kaise zamaane ke din aa rahe haiN?

18.
agar ho sake to ise aaj see lo
girebaaN dikhaane ke din aa rahe haiN

19.
muqaddar ne diN haiN baDii mujh ko maateiN
ab isko haraane ke din aa rahe haiN

20.
nayii soch ke deep aaoo jalaayeiN
puraane bujhaane ke din aa rahe haiN
---------------------------------------------------------------


Shumaila

[Muhammad Khalil]

Re: Taaza tarahi ghazal pesh hai.....

buhat hee khoooooooooooob

[Masood]

Re: Taaza tarahi ghazal pesh hai.....

Shumaila aap key kalaam mein is qader rawangi hai keh parhtey hi chaley jaaney ko dil karta hai. Aik aik shair is ghazal ka kuchh kehney per majboor karta hai. Magar isi per iktifaa karta hoon....

maikadey key mahol ki fiker karo saaqi
mehfilein sajaney key din aa rahey hain
hama'tan gosh ho jaein ahl-e-mehfil
ba'zoq ghazal sunaney aa rahey hain
(nuqta: maikadah, saaqi, mehfil, ba'zoq :) )


Khush rahiyey aur khoob likhti rahiye Shumaila.

[shummu]

Re: Taaza tarahi ghazal pesh hai.....

buhat hee khoooooooooooob

aap ki be saakhtaa daad bahut achchi lagi..shukriya :rose

[shummu]

Re: Taaza tarahi ghazal pesh hai.....

Shumaila aap key kalaam mein is qader rawangi hai keh parhtey hi chaley jaaney ko dil karta hai. Aik aik shair is ghazal ka kuchh kehney per majboor karta hai. Magar isi per iktifaa karta hoon....

maikadey key mahol ki fiker karo saaqi
mehfilein sajaney key din aa rahey hain
hama'tan gosh ho jaein ahl-e-mehfil
ba'zoq ghazal sunaney aa rahey hain
(nuqta: maikadah, saaqi, mehfil, ba'zoq :) )


Khush rahiyey aur khoob likhti rahiye Shumaila.

wah MASOOD sahab aap ke taareef karne ka andaaz baDa munfarid laga...shukriya shukriya shukriya naacheez ke kalaam ko is qadar pasand farmaane ka aur hausla afzaayi farmaane ka :)

[.]

Re: Taaza tarahi ghazal pesh hai.....

buhat achi ghazal likhi hai shummu :thmbup: buhat hi sada say khoobsurat say alfaaz main :)

dukhoN ko ghaTaane ke din aa rahe haiN
khushii ko baRhaane ke din aa rahe haiN :thmbup:

[Rabi]

Re: Taaza tarahi ghazal pesh hai.....

zaberdasts

[shummu]

Re: Taaza tarahi ghazal pesh hai.....

buhat achi ghazal likhi hai shummu :thmbup: buhat hi sada say khoobsurat say alfaaz main :)

dukhoN ko ghaTaane ke din aa rahe haiN
khushii ko baRhaane ke din aa rahe haiN :thmbup:

bahut shukriya Aanchal :rose

[shummu]

Re: Taaza tarahi ghazal pesh hai.....

zaberdasts

thanxxxxxxx:rose

[hayaa_n]

Re: Taaza tarahi ghazal pesh hai.....

Aap ka yeh kalaam jitni baar read kar rahi hun ziyada achcha lag raha hay:masha bala ki rawaani aur barjastigi hay.bouhat khoob.:)

[shummu]

Re: Taaza tarahi ghazal pesh hai.....

Aap ka yeh kalaam jitni baar read kar rahi hun ziyada achcha lag raha hay:masha bala ki rawaani aur barjastigi hay.bouhat khoob.:)

Shukriya hayaa sis ke aap ne mere dono kalaam pe apni itni khoobsurat daad di.. ye ghazal maine raaton raat kahi thi misra dekhte hain...aur ye ghazal jis jis urdu forum pe post ki sab hi ko bahut pasand aayi to kaafi himmat afzaayi hui hai meri..... mere liye aijaaz ki baat hai ki aap mere kalaam ko kayi baar paRh rahi hain... inshaALlah aur bhi kalaam share karti rahungi gaahe gaahe..shukriya ek dafaa phir :rose

[khurram_shaikh]

Re: Taaza tarahi ghazal pesh hai.....

Assalaam o alekum,


waaaah bahooot khooob phir se ek bahoot hi zabardast kalaam share kiyaa shuuuuu tumnien tumhaare sabhi kalaam bahoot hi khoob hoote hain dili daad qabool karoo aur haan yehaan sirf shayari forum hi nahin hai aur bhi bahoot se forums hain jahaan tum kam kam aati ho so be carefull iss baar sirf dandaa dikhaayaa hai :lol :lol

[shummu]

Re: Taaza tarahi ghazal pesh hai.....

Assalaam o alekum,


waaaah bahooot khooob phir se ek bahoot hi zabardast kalaam share kiyaa shuuuuu tumnien tumhaare sabhi kalaam bahoot hi khoob hoote hain dili daad qabool karoo aur haan yehaan sirf shayari forum hi nahin hai aur bhi bahoot se forums hain jahaan tum kam kam aati ho so be carefull iss baar sirf dandaa dikhaayaa hai :lol :lol

sab se pehle to behad shukriyaaaaaaaa :rose aur jaati to hoon KHWATEEN forum aur GENERAL EUCATION forum mein bhi :embarasse

[hayaa_n]

Re: Taaza tarahi ghazal pesh hai.....

Shukriya hayaa sis ke aap ne mere dono kalaam pe apni itni khoobsurat daad di.. ye ghazal maine raaton raat kahi thi misra dekhte hain...aur ye ghazal jis jis urdu forum pe post ki sab hi ko bahut pasand aayi to kaafi himmat afzaayi hui hai meri..... mere liye aijaaz ki baat hai ki aap mere kalaam ko kayi baar paRh rahi hain... inshaALlah aur bhi kalaam share karti rahungi gaahe gaahe..shukriya ek dafaa phir :rose

Aap is daad ki mustahiq bhi hain. jo kay main nay di hay aur bouhat dil say di hay.aap ki mazeed shaairi ka wait hay.apni is Khuda daad salaahiyat ko istimaal kijiye :insha: aap achi shaaira saabit hongi.:)

[Aania]

Re: Taaza tarahi ghazal pesh hai.....

GhamoN ko bhulaakar chalo muskuraayeiN
keh haNsne haNsaane ke din aa rahe haiN


GREAT WORDS.... WOW khush rahye...