rukh-e-raushan ko aaNchal meiN chhupaaye kaun baiTha hai

[shummu]

Salm ek bahut puraani ghazal pesh-e-khidmat hai...ummeed hai aap sab ko pasand aayegi!:rose

Arz kiya hai...

rukh-e-raushan ko aaNchal meiN chhupaaye kaun baiTha hai
shab-e-mehtaab yeh jaadoo jagaaye kaun baiTha hai

milaa hai chain barsoN ba'd phir kis kee duaaoN se
ba-chashm-e-nam yeh haathoN ko uThaaye kaun baiTha hai

duaeiN meray jeenay ki na jaanay kaun karta hai
merii marne kii khaahish ko bhulaaye kaun baitha hai

bachakar apni nazroN ko guzar jaatay thay sab pahlay
inhi nazroN se ab nazreiN milaaye kaun baitha hai

taras khaayaa hai tanhaaii pe merii aaj ye kis ne
ye merii raah meN aaNkheN bichhaye kaun baiThaa hai

ye kis kii anjuman hai, jo usse apnii sii lagtii hai
'Shumaila' ke liye meHfil sajaaye kaun baiThaa hai?!

Adaab,
Shumaila:salam:

[sohailmalik64]

Re: rukh-e-raushan ko aaNchal meiN chhupaaye kaun baiTha hai

Shumaila Sahiba mashaAllah sabhi sher bohat achy haiN aur khub rawaN ghazal hay

mujhay sirf yeh guman ho reha hay keh shaed aap apnay naam ko darust wazn per nahiN istemaal ker rehi haiN

regards
Sohail Malik

[shummu]

Re: rukh-e-raushan ko aaNchal meiN chhupaaye kaun baiTha hai

Shumaila Sahiba mashaAllah sabhi sher bohat achy haiN aur khub rawaN ghazal hay

mujhay sirf yeh guman ho reha hay keh shaed aap apnay naam ko darust wazn per nahiN istemaal ker rehi haiN

regards
Sohail Malik

bahut bahut shukriya Sohail jee..:rose aap ka andaaza bilkul durust hai kyonki ye shuru ke kalaam mein se hai aur us waqt main wazn seekh hi rahi thi aur apne naam ko ghalat wazn pe baandhti thi..baad ke kalaam mein apne naam ko sahi wazn pe baandhna shuru kar diya tha hum ne :)

[WASI ANJUM]

Re: rukh-e-raushan ko aaNchal meiN chhupaaye kaun baiTha hai

taras khaayaa hai tanhaaii pe merii aaj ye kis ne
ye merii raah meN aaNkheN bichhaye kaun baiThaa hai

Bahoot khoob Shumaila

[shummu]

Re: rukh-e-raushan ko aaNchal meiN chhupaaye kaun baiTha hai

shukriya wasi jee...:)

[*Hala*]

Re: rukh-e-raushan ko aaNchal meiN chhupaaye kaun baiTha hai

buht achi lekhti ho app MASHALLA...... khush raho :ff:

[ukan]

Re: rukh-e-raushan ko aaNchal meiN chhupaaye kaun baiTha hai

khoob , very nice

[shummu]

Re: rukh-e-raushan ko aaNchal meiN chhupaaye kaun baiTha hai

buht achi lekhti ho app MASHALLA...... khush raho :ff:

thanx a lot sis :rose

[shummu]

Re: rukh-e-raushan ko aaNchal meiN chhupaaye kaun baiTha hai

khoob , very nice

shukriya:)

[Mani16]

Re: rukh-e-raushan ko aaNchal meiN chhupaaye kaun baiTha hai

Bht Khoob shumaa'ila G
Bht He kamal likhti hain aap tu
hamen tu abhi pta chala k sub kuch chhupaye aap khud bethi hain
wah wah kia kamal k alfaaz kis khoobsoorti or nafasat k saath ehsas k dhagay me piroye hain aapne

[shummu]

Re: rukh-e-raushan ko aaNchal meiN chhupaaye kaun baiTha hai

Bht Khoob shumaa'ila G
Bht He kamal likhti hain aap tu
hamen tu abhi pta chala k sub kuch chhupaye aap khud bethi hain
wah wah kia kamal k alfaaz kis khoobsoorti or nafasat k saath ehsas k dhagay me piroye hain aapne

Aap jaise behtareen likhne waale ki jaanib se itni daad paake dil khush ho gaya..shukriya bahut bahut :rose