Dard say aashnayi mil gayi

[shehzadi]

sakoot e shab e ghum ko dasht e tanhayi mil gayi
dareecha e dil khula to zakhmon ko binayi mil gayi

goonjti rehti hein ab ussi ki sadayein char soo
be sout lafzon ko jub say quwat e goyyayi mil gayi

lamhat e milan ke talabgaar thay magar aey gham e ishq
soghat e muhabat mein umer bhar ki judayi mil gayi

gulshan e zeest mein phoolon par qadam rakhte hi
barahna pai ko kaanton ke dard say aashnayi mil gayi

tujhko gale laga loon aey ghamzada muhabat e'' shehzadi''
ye teri qismat ke, sila e wafa mein tujhe ruswayi mil gayi..

[shehzadi]

Re: Dard say aashnayi mil gayi

mere lafzon mein aab e joo ban ke behta hai
woh mere dil mein mere rubaroo rehta hai

phool chunti hoon gulshan e duya say mein
woh mere aas pass ban ke khushboo rehta hai

jo ghupp andheire zindagi mein aate hain to woh
ban ke roshni ki lehar maanind e jugnoo rehta hai

aik pal ko bhi tanha mein bhala kaise raha karoon
ban ke ek pyar ka ehsas mere char soo rehta hai

umar apni jub uss ke naam kar di hay to shehzadi''ab
aayina e dil ki moorat ban ke hubahoo rehta hai..



baat dil ki kehne mein to koi burayi nahi
aag kiss nay apne daman mein lagayi nahi

jism say rooh tak ki mushaqat hai ye to
ye thakan dil ki kahe mout say aashnayi nahi

apne iltafat ke sikke na yun uchalo mujh par
ke ye mera dil hai koi kaasa e gadayi nahi

ashq roz khwabon ko kafan pehna deite hain
phir bhi tabeer ki talab say milti rihayi nahi

band palkon mein bhi tu hi rubaroo rehta hai
magar phir bhi mera dil tera soudayi nahi

aarzoyon ki pamali huyi hay tere hathon ''mariam''
ye baat woh samjha nahi tu nay bhi batayi nahi..

[shehzadi]

Re: Dard say aashnayi mil gayi

zehan hai ya ki hai koi shabistaan ek khyaalon ka
ki isme neend ka na guzar hisaab saare visaalon ka

hain kitne ashq jo hain gumnaam jinhe dekha kisi ne nahi
bane tanhaai me hisaa jo bas mere rumaalon ka

likhe hain khat magar unka koi bhi lafz sachcha nahi
nahi de paayega vo shakhs javaab mere savaalon ka

badi bedard ye duniya bahut mushkil hai raah e sach
hain kitne khoon ke dhabbe zikr ye un misaalon ka

nahi hai koi bhi saathi ye kaisi raah pe chalte
safar hai ye kamaalon ka aur saath hai bas khyaalon ka

[shehzadi]

Re: Dard say aashnayi mil gayi

zindagi tu nay
kia diya
ham nay khushiyon ki
justajoo ki
aur tum nay hamein kia diya
bas ek dard!!!!!!!!!!!!!!!!!!!!!!
raah e dard pay chalna seekh liya hai
apni aag mein khud jalna seekh liya hai

rang badalte rishton ki duniya mein
ham nay chehra badalna seekh liya hai

pahle to khud hi tadapte thay ham lekin
ab auron ko bhi tadpana seekh liya hai

yun daaman e dil ko aakhir ham nay ''shehzadi''
ab ashkon say hi dhona seekh liya hai..

[WASI ANJUM]

Re: Dard say aashnayi mil gayi

Waah bahot khoob shehzadi nice poetry Hamesha ki tarah bahot acha likha hai